13-Mar-2021

ବଲାଙ୍ଗିର (ପ୍ରେରଣା ଖବର ବ୍ୟୁରୋ) :ବଲାଙ୍ଗୀର ବନବିଭାଗର ମୋବାଇଲ ସ୍କ୍ବାଡ୍‌ କରକଚିଆ – ଦୁମଦୁମି ଛକ ନିକଟରେ ଶନିବାର ବେଆଇନ ଭାବେ ବନ୍ୟଜନ୍ତୁ  ଶୀକାର ଅଭିଯୋଗରେ ଜଣେ ଶିକାରୀ ଯୁବକକୁ  ଗିରଫ କରିଛି ବଲାଙ୍ଗିର ବନବିଭାଗ।  ଗିରଫ ଯୁବକ ହେଲେ ବଲାଙ୍ଗିର ସଦର ବ୍ଲକ ବାଦିପାଲି ଗାଁର ବୋଲି ଜଣ ଯାଇଛି ।   ଲୋଇସିଂହା ରେଞ୍ଜ ଅନ୍ତର୍ଗତ କରକଚିଆ ଛକ ନିକଟରେ ବଲାଙ୍ଗିର ବନବିଭାଗର ମୋବାଇଲ ସ୍କ୍ବାଡ୍‌ ପେଟ୍ରୋଲିଂ କରାଯାଉଥିବା ବେଳେ ଭୋର ପ୍ରାୟ ୪ ଟା ସମୟରେ ବନ୍ୟଜନ୍ତୁ ଶିକାରୀଙ୍କୁ ଗିରଫ କରିଛି । ତାଙ୍କ ନିକଟରୁ ଦେଶୀ ବନ୍ଧୁକ ଓ ଦୁଇଟି ମୃତ ବନ୍ୟ ବିଲେଇ ଓ ଏକ ମୃତ ଠେକୁଆ ଜବତ କରାଯାଇଛି । ୩ଜଣ ଯୁବକ ଜଙ୍ଗଲ ଭିତରେ ଶୀକାର କରି ବାଇକରେ ଫେରୁଥିବା ବେଳେ ବନବିଭାଗ ହାବୁଡରେ ପଡିଥିଲେ ।  ତେବେ ୨ ଜଣ ଯୁବକ ଘଟଣାସ୍ଥଳରୁ ଫେରାର୍ ହୋଇଯାଇଥିବା ବେଳେ ବାଇକ ଚଳାଉଥିବା ଯୁବକ ଘଟଣାସ୍ଥଳରେ ଧରାପଡିଥିବା ନେଇ ବଲାଙ୍ଗିର ଡିଏଫଓ ସମୀର କୁମାର ଶତପଥୀ ସୂଚନା ଦେଇଛନ୍ତି । ତେବେ ଗିରଫ ଯୁବକ ଜଣକ କହିବାନୁଯାଇ ସେ  ନିକଟ ଗାଁରେ ଚାଲିଥିବା ମେଳା ଦେଖିସାରି ଭୋରୁ ଘରକୁ ଫେରୁଥିବା ବେଳେ ରାସ୍ତାରେ ବନ୍ଧୁକଧାରୀ ଦୁଇ ଯୁବକଙ୍କୁ ବାଇକରେ ଲିଫ୍ଟ ଦେଇଥିଲେ ସେମାନେ କଣ କରନ୍ତି ମୁ ଜାଣିନାହିଁ  ବୋଲି ଗିରଫ ଯୁବକ ପ୍ରକାଶ କରିଛନ୍ତି  ।

ସେହିପରି କରକଚିଆ – ଦୁମଦୁମି ପାହାଡ ରାସ୍ତାରୁ ଖଇରକାଠ ବୋଝେଇ ଦଶ ଚକିଆ ଟ୍ରକ ସହ ୩ ଜଣ କାଠ ମାଫିଆଙ୍କୁ  ବନବିଭାଗ ଗିରଫ କରିଛି । ଖଇର କାଠ ଚୋରାଚାଲାଣ ପାଇଁ ଲୋଡିଂ ଚାଲିଥିବା ଖବର ପାଇ  ବନବିଭାଗର ମୋବାଇଲ ସ୍କ୍ବାଡ୍‌ ଗତକାଲି ରାତି ୧୧ ଟାରୁ ସଂପ୍ରୁକ୍ତ ଅଞ୍ଚଳରେ ପେଟ୍ରୋଲିଂ ଓ ଚଢାଉ କରାଯାଇଥିଲା ଆଜି ଭୋରୁ ଚୋରା ଚାଲାଣ ପାଇ ଖଇର କାଠ ଗଣ୍ଡି ଟ୍ରକ୍ ରେ ଲୋଡ୍ ଚାଲିଥିବା ବେଳେ ବନବିଭାଗର ମୋବାଇଲ ସ୍କ୍ବାଡ୍‌ କାଠ ସମେତ ଦଶ ଚକିଆ ଟ୍ରକକୁ ଜବତ କରିବା ସହ ୩ ଜଣ କାଠ ମାଫିଆଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ସମ୍ବଲପୁରର  ଟ୍ରକ୍ ମାଲିକ ସୁରଜିତ୍ ସିଂ, କାଠ ମାଫିଆ ସାଜନ୍ ଖାନ୍ ଓ ଜଣେ ମେକାନିକ୍ ମୁନ୍ନା ଖାନ୍ ।  ତିନିଜଣ ଯାକ ଅଭିଯୁକ୍ତ ସମ୍ବଲପୁରର ବୋଲି ଜଣା ପଡ଼ିଛି । ଜବତ ହୋଇଥିବା ଖଇର କାଠର ମୂଲ୍ୟ ୩ ଲକ୍ଷ ଟଙ୍କାରୁ ଉର୍ଦ୍ଧ  ହେବ ବୋଲି ଜଣ ପଡିଛି।  ତେବେ ଗିରଫ ୪ ଜଣଙ୍କୁ କୋର୍ଟ ଚାଲାଣ କରାଯିବ ବୋଲି ଡିଏଫଓ ଶତପଥୀ କହିଛନ୍ତି ।