09-Mar-2021

କଳାହାଣ୍ଡି,କୋକସରା(ତ୍ରିନାଥ ଵେଶ୍ରା)
  ଚଳିତ ବର୍ଷର ଆନ୍ତର୍ଜାତୀୟ ମହିଳା ଦିବସ ପାଳନ ସ୍ଵେଚ୍ଛାସବୀ ସଂଗଠନ ମହିଳା ଶ୍ରମଜୀବୀ ମଞ୍ଚ ଓଡିଶା,ଓଡିଶା ଶ୍ରମଜୀବୀ ମଞ୍ଚ,ଆତ୍ମଶକ୍ତି ଟ୍ରଷ୍ଟ ନିଜର ସହଯୋଗୀ ନାଗରିକ ବିକାଶ ସଂଗଠନ ସହ କଳାହାଣ୍ଡି ଜିଲ୍ଲା ଜୁନାଗଡ ବ୍ଲକ୍ କୋଲିଗାଁ ରେ 'ପଜ ଫର ଏ କଜ' ଭଳି ଏକ ନିଆରା କାର୍ଯ୍ୟକ୍ରମ ଆରମ୍ଭ କରିଛି ଯେଉଁଥିରେ କୋଲିଗାଁ ବସ୍ତିର କିଶୋରୀ ବାଳିକା ଏବଂ ମହିଳା ମାନେ ଯୋଗଦେଇଥିଲେ ।ଆମ ସମାଜରେ ବ୍ୟାପିଥିବା ଲିଙ୍ଗ ଭିତ୍ତିକ ହିଂସା କୁ ବର୍ଣ୍ଣନା କରିବା ପାଇଁ ଚରିତ୍ର ଗୁଡ଼ିକ ସହିତ ଏକ ନିର୍ଦ୍ଦିଷ୍ଟ ଡ୍ରାମା ଫର୍ମ 'ଫ୍ରିଜ୍ ଫ୍ରେମ୍' ପ୍ରଦର୍ଶନ କରିଥିଲେ।

ସେହିପରି ଏହାର ସହଯୋଗୀ ଓଡ଼ିଶା ଶ୍ରମଜୀବୀ ମଞ୍ଚ ଏବଂ ମହିଳା ଶ୍ରମଜୀବୀ ମଞ୍ଚ ଓଡ଼ିଶା ଦ୍ଵାରା ପରିଚାଳିତ ରାଜ୍ୟର  ୧୭ ଟି ଜିଲ୍ଲାର ୮୪ ଟି ବ୍ଲକରେ ମଧ୍ୟ ସଂଗଠନ ଦ୍ଵାରା ପରିଚାଳିତ ମୋ ଚାଟଶାଳୀ (ରେମେଡିଆଲ କ୍ଲାସ୍) କେନ୍ଦ୍ରର ପିଲା ଏବଂସ୍ବେଛସେବୀ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ନେଇ ବିଭିନ୍ନ ଫ୍ରିଜ୍ ଫ୍ରେମ୍ ପ୍ରଦର୍ଶନ କରି ସମ୍ପ୍ରଦାୟରେ ଏକ ଅନ୍ତର୍ଭୁକ୍ତ ସମାଜ ପାଇଁ ବାର୍ତ୍ତା ବିସ୍ତାର କରିଥିଲେ ।ଏହି କାର୍ଯ୍ୟକ୍ରମ ରେ ନାଗରିକ ବିକାଶ ସଂଗଠନ କଳାହାଣ୍ଡି ଜିଲ୍ଲା ର  ଜୁନାଗଡ, ଗୋଲାମୁଣ୍ଡା,କୋକସରା, ନର୍ଲା, ଧର୍ମଗଡ ଏବଂ ଜୟପାଟନା ବ୍ଲକ ସଂଗଠନ ର କର୍ମକର୍ତ୍ତା ସହିତ ନେତୃବୃନ୍ଦ ଯୋଗଦେଇଥିଲେ।