27-Feb-2021

ବଲାଙ୍ଗିର (ସନ୍ତୋଷ କୁମାର ଠାକୁର) : ସରକାର ଯାତ୍ରୀ ମାନଙ୍କ ପାଇଁ ରାସ୍ତା କଡ଼ରେ ଯାତ୍ରୀ ପ୍ରତୀକ୍ଷାଲୟ ନିର୍ମାଣ କରିଛନ୍ତି। କେତେକ ସ୍ଥାନରେ ଏହା ସୁସଜ୍ଜିତ ହୋଇଥବା ବେଳେ ଆଉ କେତେକ ସ୍ଥାନରେ ଦୁର୍ବୃତ୍ତ ଏହାକୁ କବଜା କରିଥିବା ଦେଖିବାକୁ ମିଳିଛି। ସହରର ଆରଟିଓ ଛକ ନିକଟରେ ଥିବା ଯାତ୍ରୀ ପ୍ରତୀକ୍ଷାଲୟ କୁ କେହିଜଣେ କବଜା କରିଛନ୍ତି । ଶୋଇବା ପାଇଁ ଖଟ ଓ ମଶାରୀ ଟଣାହୋଇଛି। ସ୍ଥାନୀୟ ଲୋକଙ୍କୁ କହିବା ଅନୁଯାୟୀ ୬ ମାସ ହେବ ଏହି ଭଲି ଜଣେ କବଜା ରହିଆସୁଛନ୍ତି। ଦିନ କୁ ଦିନ ଗ୍ରୀଷ୍ମ ପ୍ରଭାବ ବଢିବାରେ ଲାଗିଛି ।ବଲାଙ୍ଗିରରୁ ଟିଟିଲାଗଡ ରାସ୍ତା ଦେଇ ଦିନକୁ ସତାଧିକ ଯାତ୍ରୀ ଯିବା ଆସିବା କରିଥାନ୍ତି। ହେଲେ ପ୍ରତୀକ୍ଷାଲୟ ରେ ସ୍ଥାନ ନଥିବାରୁ ଏଣେ ତେଣେ ଠିଆ ହେଉଛନ୍ତି ମୁଖ୍ୟତଃ ମହିଳା ଓ ଛୋଟ ଛୋଟ ଶିଶୁ ହଇରାଣ ହେଉଛନ୍ତି । ଜିଲ୍ଲା ପ୍ରଶାସନ ଏହି ଅବୈଧ କବଜା କୁ ଉଚ୍ଛେଦ କରିବା ପାଇଁ ଜନସାଧରଣରେ ଦାବି ହେଉଛି।