12-Feb-2021

କୋରାପୁଟ (ପ୍ରେରଣା ଖବର) ମାଓବାଦୀଙ୍କ ପି ଏଲ୍ ଜି ଏ ସପ୍ତାହ ପାଳନ ସମୟରେ କୋରାପୁଟ ଜିଲ୍ଲା ପୋଲିସ ନିକଟରେ ପୋଲିସ ଗୁଳିରେ ଆହତ ହୋଇଥିବା ମାଓବାଦୀ ରାମୀ ମାଡକାମୀ  ଆତ୍ମସମର୍ପଣ କରିଥିଲେ । ଆନ୍ଧ୍ର ପେଦାବାଇଲୁ ଥାନା ଲାଣ୍ଡଲୁ ଗ୍ରାମ ନିକଟରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇ ଆହତ ହୋଇଥିଲେ ।

ମାଓ କ୍ୟାମ୍ପରେ ଚିକିତ୍ସା ଠିକ୍ ଭାବେ ମିଳିନଥିବାରୁ କୋରାପୁଟ ପୋଲିସ ପାଖରେ ଆତ୍ମସମର୍ପଣ କରିଥିଲେ । ତାଙ୍କ ଉପଯୁକ୍ତ ଚିକିତ୍ସା ପାଇଁ ଜିଲ୍ଲା ପୋଲିସ ବର୍ତ୍ତମାନ ପଦକ୍ଷେପ ନେଉଛି ।  ଏହା ବ୍ୟତୀତ ଜିଲ୍ଲା ପୋଲିସ ସରକାରଙ୍କ ଆତ୍ମସମର୍ପଣ ଏବଂ ପୁନର୍ବାସ ଯୋଜନା ଅନୁଯାୟୀ ଆର୍ଥିକ ସହାୟତା ପ୍ରଦାନ ପାଇଁ ସାମିଲ୍ କରିବା ନେଇ ଜିଲ୍ଲା ପୋଲିସ ଆରକ୍ଷୀ ଅଧୀକ୍ଷକ ଜଣାଇଛନ୍ତି । ପରିବାର ସହ ନିଜ ଗ୍ରାମରେ ରହିବା ସମୟରେ ଯଦି କୌଣସି ମାଓ ଭୟ ହୁଏ ପୋଲିସ ସୁରକ୍ଷା ଦେବ ବୋଲି କୋରାପୁଟ ଏସପି କହିଛନ୍ତି ।