08-Sep-2026

ବିନିକା(ହିମାଂଶୁ ଶେଖର ପୁଟେଲ) ଗାଁ ରେ ଖୁଲମଖୁଲା ମଦ ବିକ୍ରି ।ଦେଶୀ,ବିଦେଶୀ,ବେଇଆନ ରନ୍ଧା ମଦ ଠୁଁ ଆରମ୍ଭ କରି କଫ ସିରଫ,ନିଶା ବଟିକାର ପେଣ୍ଠସ୍ଥଳୀ ପାଲଟିଛି ଗ୍ରାମ ।ଯାହାକୁ ନେଇ ସାରା ଗ୍ରାମରେ ଅଶାନ୍ତିର ବାତାବରଣ ସୃଷ୍ଟି କରିଛି।ଗ୍ରାମରେ ସମ୍ପୂର୍ଣ୍ଣ ଭାବେ ମଦ ବିକ୍ରି ବନ୍ଦ ନେଇ ଆଜି ଗ୍ରାମର ଶତାଧିକ ମହିଳା ବିନିକା ଥାନା ଓ ଅବକାରୀ ବିଭାଗର ଦ୍ୱାରସ୍ଥ ହୋଇଥିବା ଦେଖିବାକୁ ମିଳିଥିଲା। ବିନିକା ଥାନା ଠାରୁ ୬କିମି ଗୁଲୁଣ୍ଡା ଗ୍ରାମର ଘଟଣା ।ଦୀର୍ଘ ବର୍ଷ ହେଲା ଏହି ଗ୍ରାମର ବିଭିନ୍ନ ସ୍ଥାନରେ ବେଶ ଦି ପଇସା ରୋଜଗାର କରିବା ନେଇ କେତେକ ଖଳ ପ୍ରକୃତିର ଲୋକ ସ୍ଥାନୀୟ ଅବକାରୀ ବିଭାଗ ସହିତ ଭିତିରିଆ ସମ୍ପର୍କ ସ୍ଥାପନ କରି ହାତଗୁଁଛା ଦେଇ ମଦ ବିକ୍ରି କରୁଥିବା ଜଣାପଡ଼ିଛି ।ଗ୍ରାମରେ ମଦ ବିକ୍ରି ସମ୍ପୂର୍ଣ୍ଣ ବନ୍ଦ କରିବା ନେଇ ଆଜି ଗୁଲୁଣ୍ଡା ଗ୍ରାମର ଶତାଧିକ ମହିଳା ବିନିକା ଥାନା ଓ ଅବକାରୀ ବିଭାଗ କୁ ଆସି ଦସ୍ତଖତ ସମ୍ବଳିତ ଦାବି ପତ୍ର ପ୍ରଦାନ କରିଛନ୍ତି।ସେମାନେ ଦାବିପତ୍ରରେ ଉଲ୍ଲେଖ କରିଛନ୍ତି ଯେ ଗୁଲୁଣ୍ଡା ଗାଁର ଚତୁରପାଶ୍ୱରେ ମଦ ବିକ୍ରି ହେଉଛି l ଯେଉଁଥିପାଇଁ ଗାଁର ଯୁବ ପିଡି ଅର୍ଥାତ ଛୋଟରୁ ବଡ଼ ସମସ୍ତେ ନିଶାଖାଇ ବର୍ବାଦ ହେବା ସହ ଭୁଲ ରାସ୍ତାରେ ଯାଉଥିବା ଦେଖିବାକୁ ମିଳୁଛି ।ଏପରିକି ନିଶା ଖାଇ ଅନେକ  ଜଣଙ୍କ ଜୀବନ ବି ଚାଲି ଯାଉଥିବା ଅଭିଯୋଗ ହୋଇଛି l ଗାଁ ର ଝିଅ ବୋହୁ ମାନେ ସୁରକ୍ଷିତ ଯିବା ଆସିବା କରିପାରୁ ନାହାନ୍ତି l ଛୋଟ ଛୋଟ ପିଲାମାନେ ମଧ୍ୟ ମାଦକ ଦ୍ରବ୍ୟ ବ୍ୟବହାର କରୁଥିବା ଜଣାପଡ଼ିଛି । ଏଥିପାଇଁ ଗାଁର ମହିଳା ମାନେ ଆଜି ବେଆଇନ ଦେଶୀ, ବିଦେଶୀ ମଦ,ନିଶା ବଟିକା ଏବଂ କଫ ସିରଫ ବନ୍ଦ ଦାବିରେ ବିନିକା ଥାନାର ଦ୍ୱାରସ୍ତ ହୋଇ ଲିଖିତ ଅଭିଯୋଗ କରିଛନ୍ତି I ଯଦି ଆଗାମୀ ଦିନରେ ଏହି ସବୁ ସାମଗ୍ରୀ ବିକ୍ରିରେ ବନ୍ଦ ନହୁଏ ତେବେ ଆଗାମୀ ଦିନରେ ଗ୍ରାମବାସୀ ରାଜରାସ୍ତାକୁ ଓଲ୍ଲାଇ ଆନ୍ଦୋଳନ କରିବା ସହ ସରକାରୀ କାର୍ଯ୍ୟାଳୟ ଘେରାଉ କରାଯିବ ବୋଲି ଚେତାବନୀ ଦିଆଯାଇଛି । ଥାନାର ଦ୍ୱାରସ୍ଥ ମହିଳା ମାନେ ପ୍ରଥମେ ବିନିକା ଥାନା ସବ ଇନିସ୍ପେକ୍ଟର ପ୍ରଭାତୀ ଦାସଙ୍କୁ ଦାବିପତ୍ର ପ୍ରଦାନ କରିଥିଲେ । ପରେ ଅବକାରୀ କାର୍ଯ୍ୟାଳୟକୁ ଯାଇ ଦାବିପତ୍ର ପ୍ରଦାନ କରିଥିଲେ।