08-Aug-2026

(ଡୋଲେଶ୍ୱର  ବାଗ )
ନୂଆପଡ଼ା ଜିଲ୍ଲା ବୋଡ଼େନ ଥାନା ପାଟଦରା ଅଞ୍ଚଳ କଠାଫାଟ ଗ୍ରାମରେ ଅଭାବନୀୟ ଘଟଣା।  ମଦ ନିଶାରେ ନିଜ ସମ୍ପର୍କୀୟ ଭାଈକୁ ଠେଙ୍ଗାରେ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଅଛି l ଗତ ୩ ତାରିଖରେ ପାଟଦରା ଅଞ୍ଚଳର ଦୁଇ ଭାଇ ଓ ଦୁଇ ଭାଇଙ୍କ ସ୍ତ୍ରୀ ମାନେ ମିଶି ଭତ୍ତା ଟଙ୍କା ଆଣିବାକୁ ଯାଇଥିଲେ। ଅକାଲୁ ପହରିଆ ଓ ତାଙ୍କ ପତ୍ନୀ ଏବଂ ରବି ପହରିଆ ଓ ତାଙ୍କ ପତ୍ନୀ ବୋଡ଼େନକୁ ଭତ୍ତା ଟଙ୍କା ନେବା ପାଇଁ ଆସିଥିଲେ l ଅକାଳୁ ଓ ରବି ସମ୍ପର୍କୀୟ ଭାଈ l ଦୁଇ ଭାଈ ସାଙ୍ଗେ ମଦ ପିଇଲେ l କଥା କଥାରେ ରବି ଅକାଳୁକୁ  ଠେଙ୍ଗାରେ ପିଟି ପିଟି ମାରି ଦେଇ ଫେରାର ହୋଇ ଯାଇଥିଲେ l ଘଟଣାର ୪/୫ ଦିନ ପରେ ପୋଲିସ ସୂଚନା ପାଇ ତଦନ୍ତ ଆରମ୍ଭ କରିଥିଲେ।ହତ୍ୟାକାରୀ ରବି ଓ ହତ୍ୟାକାଣ୍ଡରେ ବ୍ୟବହୃତ ଠେଙ୍ଗାକୁ ଜବତ କରିଛି l ଅଭିଯୁକ୍ତକୁ ଗିରଫ କରି ଅଧିକ ତଦନ୍ତ କରୁଛି  ବୋଲି ନୂଆପଡ଼ା ପୋଲିସ ଆରକ୍ଷୀ ଅଧୀକ୍ଷକ ଅମୃତ ପାଲ ସିଂ  ପ୍ରକାଶ କରିଛନ୍ତି।