08-Aug-2026

ବରପାଲି (ସୁଦାମ ଦୀପ)  ଅନ୍ତର୍ଜାତୀୟ ଖ୍ୟାତି ସମ୍ପର୍ଣ୍ଣ ବାନ୍ଧ ଓ ବୟନ ଶିଳ୍ପୀ ବରପାଲିର ଡ଼. ସୁରେନ୍ଦ୍ର ମେହେର ଙ୍କୁ  ଦ୍ୱାଦଶତମ ଜାତୀୟ ହସ୍ତତନ୍ତ ଦିବସ ପାଳନ ଅବସରରେ, ଭୁବନେଶ୍ୱର ଠାରେ ଓଡିଶା ସରକାରଙ୍କ ତରଫରୁ ମାନ୍ୟବର ରାଜ୍ୟପାଳ, ଜୀବନବ୍ୟାପୀ ସାଧନା ପୁରସ୍କାରରେ ସମ୍ମାନିତ କରିଛନ୍ତି। ଡ଼. ମେହେର ଦୀର୍ଘ ୩୭ ବର୍ଷ ପୂର୍ବରୁ ୧୯୮୯ ମସିହାରେ ତତ୍କାଳୀନ ଓଡ଼ିଶାର ମୁଖ୍ୟମନ୍ତ୍ରୀ, ମାନ୍ୟବର ବିଜୁ ପଟ୍ଟନାୟକ ଙ୍କ ଠାରୁ ରାଜ୍ୟ ସ୍ତରୀୟ ପୁରସ୍କାର ପାଇ ଥିଲେ। ପରେ ପରେ ଜାତୀୟ ପୁରସ୍କାର, ତିନି ଥର ୟୁନେସ୍କୋ ପୁରସ୍କାର, ୱାର୍ଲଡ କ୍ରାଫ୍ଟ କାଉନସିଲ ପୁରସ୍କାର, ଇଣ୍ଡିଆ ବୁକ ଅଫ ରେକର୍ଡ, ଓଡିଶା ସିଟିଜେନ ଆୱାର୍ଡ ଇତ୍ୟାଦି ଅନେକ ପୁରସ୍କାର ପାଇ ସମ୍ବଲପୁରୀ ବାନ୍ଧ କଳା ଜଗତକୁ ସନବୃଦ୍ଧ କରିପାରିଛନ୍ତି। ସମ୍ବଲପୁର ବିଶ୍ୱବିଦ୍ୟାଳୟ ତାଙ୍କୁ ସମ୍ମାନୀୟ ଡି. ଲିଟ ଉପାଧି ରେ ସମ୍ମାନିତ କରିଛନ୍ତି।ସେ ହେଉଛନ୍ତି, ବାନ୍ଧ କଳା ଜଗତର ପ୍ରବାଦ ପୁରୁଷ, ଶିଳ୍ପଗୁରୁ, ପଦ୍ମଶ୍ରୀ କୁଞ୍ଜ ବିହାରୀ ମେହେରଙ୍କ ସୁପୁତ୍ର। ଡ଼. ମେହେର ଏହି ବାନ୍ଧ କଳାର ଜୀବନ୍ତ ପ୍ରଦର୍ଶନ ପାଇଁ ଭାରତ ସରକାରଙ୍କ ତରଫରୁ, ଦୁବାଇ, ଯୁକ୍ତ ରାଷ୍ଟ୍ର ଆମେରିକା, ହୋଲଣ୍ଡ, ଅଷ୍ଟ୍ରିଆ, ଲଣ୍ଡନ, ଇସ୍ରାଏଲ ଇତ୍ୟାଦି ଦେଶ ଗୁଡିକରେ ଅନୁଷ୍ଠିତ ଭାରତ ଉତ୍ସବରେ ଯୋଗଦାନ କରି ଅଜସ୍ର ସମ୍ମାନ ପାଇଛନ୍ତି। ଆଜିର ଏହି କୃତକାର୍ଯ୍ୟରେ, ବୁଣାକାର ଜଗତରେ ଆନନ୍ଦର ଲହରୀ ଖେଳି ଯାଇଛି। ଭିଭିନ୍ନ ଅନୁଷ୍ଠାନ ତରଫରୁ ତାଙ୍କର ଏହି ସଫଳତାରେ ହାର୍ଦ୍ଧିକ ଅଭିନନ୍ଦନ ଜଣାଇଛନ୍ତି।