08-Aug-2026

(ରଂଜିତ ମହାନ୍ତି )
ବରୀ ବ୍ଳକ ସ୍ୱାଇଁଖଣ୍ଡ ପଞ୍ଚାୟତର ଜଂପଡ଼ା ଗ୍ରାମର ଜଣେ ସୁଯୋଗ୍ୟ ସନ୍ତାନ ସୁପ୍ରସିଦ୍ଧ କଣ୍ଠଶିଳ୍ପୀ ସଙ୍କୀର୍ତନ ଓ ଭଜନ ଶିଳ୍ପୀ ଭାବେ ବେଶ୍ ଖ୍ୟାତି ଅର୍ଜନ କରିଥିବା ସୁରେନ୍ଦ୍ର କୁମାର ସାହୁ ଙ୍କ ପରଲୋକ ଘଟିଛି lଦୀର୍ଘ ଦୁଇ ବର୍ଷ ହେବ କର୍କଟ ରୋଗରେ ଆକ୍ରାନ୍ତ ହୋଇ ଚିକିତ୍ସାଧିନ ଅବସ୍ଥାରେ ଆଜି ଭୁବନେଶ୍ବର ର ଏକ ଘରୋଇ  ଡାକ୍ତରଖାନାରେ ସୁରେନ୍ଦ୍ର କୁମାର ସାହୁ ସମସ୍ତ ଙ୍କୁ ଛାଡି ଆଜି ବିଦାୟ ନେଇଛନ୍ତି l ଯାଜପୁର ଜିଲ୍ଲା ବରୀ ଅଞ୍ଚଳ ତଥା ସମଗ୍ର ଓଡିଶାର ସଂସ୍କୃତି ପ୍ରେମୀ ପାଇଁ ଏକ ଅପୂରଣୀୟ କ୍ଷତି l  ସ୍ୱର୍ଗତ ସାହୁ ନିଜର ସୁମଧୁର କଣ୍ଠରେ ନଦୀଆ କୀର୍ତ୍ତନ, ଓଡିଶୀ, ଛାନ୍ଦ, ଚମ୍ପୁ ଓ ହରିନାମ ସଂକୀର୍ତନ ପରିବେଷଣ କରି ଓଡିଶା ସମେତ କଲିକତା, ବାଙ୍ଗାଲୋର, ଦିଲ୍ଲୀ, ମୁମ୍ବାଇ ସ୍ଥାନ ମାନଙ୍କ ରେ ସ୍ୱତନ୍ତ ପରିଚୟ ସୃଷ୍ଟି କରିପାରିଥିଲେ l  ଚଳିତ ରଥଯାତ୍ରାରେ ଜଂପଡ଼ା ଗ୍ରାମର ଶ୍ରୀ ଗୁଣ୍ଡିଚା ମନ୍ଦିରରେ ସାନ୍ଧ୍ୟ ଦର୍ଶନରେ ଶେଷ ଭଜନ ପରିବେଷଣ କରିଥିବା ବେଳେ ତାଙ୍କର ମୃଦଙ୍ଗ ବଜାଇବା ଠାଣି ଅନନ୍ୟ ଥିଲା l ତାଙ୍କ ବିୟୋଗ ରେ ସ୍ଥାନୀୟ ଅଞ୍ଚଳ ରେ ଶୋକର ଛାୟା ଖେଳି ଯାଇଛି l ସୁରେନ୍ଦ୍ର ଜଣେ ଅତି  ଧର୍ମ ପରାୟଣ  ଲୋକ ଥିଲେ l  ତାଙ୍କ ବିୟୋଗ ଜଂପଡ଼ା ତଥା ବରୀ ପାଇଁ ଅପୂରଣୀୟ କ୍ଷତି ବୋଲି ଉତ୍କଳୀୟ ସ୍ୱାଭିମାନ ଅନୁଷ୍ଠାନ ର ସଭାପତି ମନୋଜ ନାୟକ କହିଛନ୍ତି.l ମୃତ୍ୟୁର ଖବର ପାଇ  ବରୀ ଅଞ୍ଚଳ ର ବିଶିଷ୍ଟ ସମାଜସେବୀ ତାଙ୍କ ଜଂପଡ଼ା ବାସଭବନରେ ପହଂଚି  ଶେଷ ଦର୍ଶନ କରିଥିଲେ l ତାଙ୍କ ବିୟୋଗରେ ଜଂପଡ଼ା ଶୋକର ଛାୟା ଖେଳିଯାଇଛି l ଗ୍ରାମବାସୀ ମାନେ ତାଙ୍କ   ମରଶରୀର କୁ ବିରାଟ ଶୋଭାଯାତ୍ରାରେ ନେଇ ଗ୍ରାମ ମଶାଣି ରେ ଶେଷକୃତ୍ୟ ସମ୍ପନ୍ନ କରିଥିଲେ