18-Jul-2026

ଡୁଙ୍ଗୁରିପାଲି(ପ୍ରେରଣା ଖବର)-ସୁବର୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକର କପାସିରାରେ ଚାଷୀଙ୍କ ଜମିରେ ରାସ୍ତା ନିର୍ମାଣ ହୋଇଥିବା ଓ ଚାଷୀ କୌଣସି କ୍ଷତିପୁରଣ ପାଇ ନଥୁବା ନେଇ ରାସ୍ତାରେ କଂଟାବାଡ ଦେଇ ରାସ୍ତା ରୋକ କରିଥିବା ଭଳି ଗୁରୁତର ଘଟଣା ଦେଖ‌ିବାକୁ ମିଳିଛି । ପ୍ରାପ୍ତ ସୂଚନା ଅନୁସାରେ କପାସିରା ଗୁରାଣ୍ଡି ନାଳ ଉପରେ ବହୁ ପୁରୁଣା ଦିନରୁ ଏକ ପୋଲ ରହିଥିଲା । ଉକ୍ତ ପୋଲ ଦେଇ ଡୁଙ୍ଗୁରିପାଲି ବ୍ଲକର ଇଚ୍ଛାପୁର, ଶୁଖା, କଲାଯୁରୀ, ସଙ୍ଗୁଲ, ତମାମୁରା, ସହଲା, ଚେରୁପାଲି ପ୍ରମୁଖ ଗ୍ରାମର ଲୋକେ ସୋନପୁର ଯିବାକୁ ହେଲେ ଉକ୍ତ ପୋଲ ଦେଇ ଯିବାକୁ ହୋଇଥାଏ । ଡୁଙ୍ଗୁରିପାଲିରୁ ଲଛିପୁର, ଭୀମଭୋଇ ସମାଧ ପୀଠ ଖଲିଆପାଲି, ସମେତ

ବୌଦ୍ଧ, ଭୁବନେଶ୍ୱର ଯିବା ଆସିବାରେ ଏହି ପୋଲ ଉପରେ ଅଂଚଳବାସୀ ନିର୍ଭର କରିଥାନ୍ତି । ସେହିପରି କୁଲୁଣ୍ଡା, ଗଳବନ୍ଧ, ଲବ୍‌ପୁର ଅଂଚଳରୁ ଲୋକେ ଡୁଙ୍ଗୁରିପାଲିକୁ ମଧ୍ଯ ଏହି ପୋଲ ଦେଇ ଆସି ଥାନ୍ତି । ଏଣୁ ଲୋକଙ୍କ ଦାବୀକୁ ନେଇ ତତ୍କାଳୀନ ବିଜେଡି ସରକାର ସମୟରେ ଏହି ପୋଲି ନିର୍ମାଣ କରାଯାଇଥିଲା । ସୋନପୁର ବିଧାୟକ ମଧ୍ଯ ଲୋକଙ୍କ ଦାବୀକୁ ଗୁରୁତ୍ବ ଦେଇ ନିର୍ମାଣ ପାଇଁ ପଦକ୍ଷେପ ଗ୍ରହଣ କରିଥିଲେ । ବ "ମାନ ପୋଲ ନିର୍ମାଣ ସମାପ୍ତ ହୋଇଥିବା ବେଳେ ଏହାର ଉଭୟ ପାର୍ଶ୍ଵରେ ନୂତନ ରାସ୍ତା ନିର୍ମାଣ କରାଯାଇଛି । କେତେକଙ୍କ ଜମିରେ ଉକ୍ତ ରାସ୍ତା ନିର୍ମାଣ ହୋଇଥିବା ବେଳେ କେତେ ଜଣ ଚାଷୀଙ୍କ ଜମି ଅଧିଗ୍ରହଣ ଠିକ୍ ଭାବରେ ହୋଇନ ଥିବାରୁ ଆଜି ସେଠାରେ ଅଭାବନୀୟ ଘଟଣା ଦେଖାଯାଇଛି । କପାସିରା ଗ୍ରାମର ଚାଷୀ ଚୂଡାମଣି ପଧାନ ଅଭିଯୋଗ କରିଛନ୍ତି ଯେ ତାଙ୍କର ଜେଜେମାଆଙ୍କ ନାମରେ ଥ‌ିବା ଜମିରେ ରାସ୍ତା ନିର୍ମାଣ କରାଯାଇଛି । ତାଙ୍କ ଜେଜେମାଆଙ୍କ ଦେହାନ୍ତ ହୋଇଥିବା ଏବଂ ତାଙ୍କ ବାପା ମଧ୍ଯ ମୃତ୍ୟୁ ବରଣ କରିଥିବାରୁ ଉତ୍ତରାଧୁକାରୀ ସୂତ୍ରରେ ଜ‌ମିର ମାଲିକ ନିଜେ ଚୂଡାମଣି ଏବଂ ତାଙ୍କ ଭାଇ ବିଦ୍ୟାଧର । ବିଭିନ୍ନ ସମୟରେ ତାଙ୍କୁ ପ୍ରଶାସନ ପ୍ରତିଶୃତି ଦେଇ ମଧ୍ଯ ଜମିର କ୍ଷତି ପୁରଣ ପ୍ରଦାନ କରିନାହିଁ । ବିଭିନ୍ନ ସମୟରେ ତାଙ୍କୁ ପ୍ରଶାସନ ଡାକି କ୍ଷତି ପୂରଣ ଦେବାକୁ କହିଥିଲେ ମଧ୍ୟ ପ୍ରଦାନ କରିନାହିଁ । ଉତ୍ତରାଧୁକାରୀ ପ୍ରମାଣ ପତ୍ର ମଧ୍ୟ ରାମପୁର ତହସିଲ ପକ୍ଷରୁ ପ୍ରଦାନ କରାଯିବାରେ ଟାଲଟୁଲ ନୀତି କରୁଥିବାରୁ ସେ କ୍ଷତିପୁରଣ ପାଉନାହାନ୍ତି । ପୋଲ ନିର୍ମାଣ ସରିଯାଇ ରାସ୍ତା ମଧ୍ଯ ନିର୍ମାଣ ହୋଇ ସାରିଥିଲେ ମଧ୍ୟ ଜମି ଅଧୁଗ୍ରହଣର କ୍ଷତି ପୁରଣ ନ ଦେଇ ରାସ୍ତାରେ ଚଳାଚଳ କରାଯିବାକୁ ସେ ମନା କରିଛନ୍ତି । ପ୍ରଶାସନ ପକ୍ଷରୁ ସହ ଯୋଗ ନ ମିଳିବାରୁ ଆଜି ସକାଳେ ରାସ୍ତାରେ ଖୁଟ ଦେଇ କଂଟା ବାଡ ଦେଇ ରାସ୍ତା ଅବରୋଧ କରିଥିଲେ । ଏହି ରାସ୍ତା ଦେଇ ରୋଗୀ ନେଇ ଏକ ଆମ୍ବୁଲାନ୍ସ ଆସିଥିଲା । ରାସ୍ତା ବନ୍ଦ ଥିବାରୁ ସେଠାରୁ ଫେରି ଯାଇଥିବା ଦୃଶ୍ୟ ଦେଖୁବାକୁ ମିଳିଛି । ଖବର ପାଇ ଘଟଣା ସ୍ଥଳରେ ରାମପୁର ଅତିରିକ୍ତ ତହସିଲଦାର ବିଶ୍ୱମ୍ବର ପାଣ୍ଡେ ପହଂଚି ଆଲୋଚନା କରିଥିଲେ ।ସାତ ଦିନ ମଧ୍ୟରେ ସମାଧାନ କରାଯିବ ବୋଲି ପ୍ରତିଶୃତି ଦେଇଥିଲେ ମଧ୍ଯ ବ ମାନ ସୁଦ୍ଧା ରାସ୍ତା ଅବରୋଧ ରହିଛି । ଏ ସଂପର୍କରେ ଚୂଡାମଣି ପ୍ରକାଶ କରିଛନ୍ତି ଯେ ପ୍ରଶାସନ ବାରମ୍ବାର ପ୍ରତିଶୃତି ଦେଇଥିଲେ ମଧ୍ୟ କୌଣସି ସୁଫଳ ନ ହେବାରୁ ବାଧ୍ଯ ହୋଇ ରାସ୍ତା ଅବରୋଧ କରିଛି । ରାସ୍ତା ଅବରୋଧ କରି ଲୋକଙ୍କୁ ହଇରାଣ କରିବା ମୋର ଉଦ୍ଦେଶ୍ୟ ନୁହେଁ । ପ୍ରଶାସନ ବିରୋଧରେ ଏହା ମୋର ପ୍ରତିବାଦ ବୋଲି ସେ ପ୍ରକାଶ କରିଛନ୍ତି । ଏ ସଂପର୍କରେ ଅତିରିକ୍ତ ତହସିଲଦାର ଶ୍ରୀ ପାଣ୍ଡେଙ୍କୁ ପଚାରିବାରୁ ଭ ରାକାରୀ ପ୍ରମାଣ ପତ୍ରରେ କିଛି ହେଁ ରହିଛି । ସାତ ଦିନ ମଧ୍ୟରେ ସମାଧାନ କରାଯିବ ବୋଲି ସେ ପ୍ରକାଶ କରିଥିଲେ । ଅଂଚଳବାସୀଙ୍କ ସ୍ବାର୍ଥ ଦୃଷ୍ଟିରୁ ସମାସ୍ୟାର ସମାଧାନ ଶିଘ୍ର କରି ରାସ୍ତା ଅବରୋଧ ହଟାଇବାକୁ ବିଭିନ୍ନ ମହଲରେ ଦାବୀ ହେଉଛି ।