17-Jul-2026

ବରପାଲି (ସୁଦାମ ଦୀପ)ବରପାଲି ପୋଲିସ ଏକ ବଡ଼ ସଫଳତା ହାସଲ କରି ମୋଟରସାଇକେଲ ଚୋରି ର ପର୍ଦ୍ଦାଫାସ କରିଛି। ପୋଲିସ ଚଢ଼ାଉ କରି ୨୦ଟି ଚୋରା ମୋଟରସାଇକେଲ ଉଦ୍ଧାର କରିବା ସହ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି।ପୋଲିସ ସୂଚନା ଅନୁସାରେ, ବରପାଲି ଥାନାରେ ରୁଜୁ ହୋଇଥିବା ଏକ ମୋଟରସାଇକେଲ ଚୋରି ମାମଲାର ତଦନ୍ତ ବେଳେ ପ୍ରଥମେ ଜଣେ ଅଭିଯୁକ୍ତଙ୍କ ନିକଟରୁ ଏକ HF Deluxe ମୋଟରସାଇକେଲ ଜବତ କରାଯାଇଥିଲା। ପରେ ଅଭିଯୁକ୍ତଙ୍କୁ ପଚରାଉଚରା କରିବା ପରେ ଅନ୍ୟ ଦୁଇ ଜଣଙ୍କ ସମ୍ପୃକ୍ତତା ସାମ୍ନାକୁ ଆସିଥିଲା।
ତଦନ୍ତକୁ ଆହୁରି ଜୋରଦାର କରି ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ମୋଟ ୨୦ଟି ଚୋରା ମୋଟରସାଇକେଲ ଜବତ କରିଥିଲା। ଏହି ମୋଟରସାଇକେଲ ଗୁଡ଼ିକ ବରପାଲି ସମେତ ବରଗଡ଼ ଓ ସମ୍ବଲପୁର ଜିଲ୍ଲାର ବିଭିନ୍ନ ସ୍ଥାନରୁ ଚୋରି ହୋଇଥିବା ଜଣାପଡ଼ିଛି।
ଗିରଫ ଅଭିଯୁକ୍ତମାନେ ହେଲେ:
ବିକି ସେଠ (ବୟସ ୨୪ ବର୍ଷ), ବରପାଲି,
ନିହାଲ ସେଠ (ବୟସ ୨୪ ବର୍ଷ), ବରପାଲି,
ଭାବୁଲ ନିଶାଦ (ବୟସ ୨୪ ବର୍ଷ), ବରପାଲି 
ଅଭିଯୁକ୍ତମାନଙ୍କୁ କୋର୍ଟଚାଲାଣ କରାଯାଇଥିବା ବେଳେ ସେମାନଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (BNS) ର ସମ୍ପର୍କିତ ଧାରାରେ ମାମଲା ରୁଜୁ କରାଯାଇଛି। ପୋଲିସ ଏହି ଚୋରି  ସହ ଆଉ କେହି ସମ୍ପୃକ୍ତ ଅଛନ୍ତି କି ନାହିଁ, ସେ ଦିଗରେ ତଦନ୍ତ ଜାରି ରଖିଛି।
ଏହି ସଫଳ ଅଭିଯାନ ବରପାଲି ପୋଲିସର ଅପରାଧ ଦମନ କ୍ଷେତ୍ରରେ ଏକ ଉଲ୍ଲେଖନୀୟ ସଫଳତା ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି।