13-Jul-2026

ବିନିକା(ହିମାଂଶୁ ଶେଖର ପୁଟେଲ): ବିନିକା ସ୍ଥିତ ସିଦ୍ଧାର୍ଥ ଜୁନିଅର କଲେଜରେ ରବିବାର ନିଖିଲ ଭାରତ ଓଡ଼ିଆ ଅଧ୍ୟାପକ ସମ୍ମେଳନ ଓ ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟର ମିଳିତ ଆନୁକୂଲ୍ୟରେ ଓଡ଼ିଆ ସନ୍ଥ ସାହିତ୍ୟ ପୁରୋଧା ଭୀମଭୋଇଙ୍କ ଉପରେ ଏକ ଜାତୀୟ ପାଠଚକ୍ର ଅନୁଷ୍ଠିତ ହୋଇଯାଇଛି।ଏହାକୁ ସୁବର୍ଣ୍ଣପୁର ଜିଲ୍ଲପାଳ ଡ. ନୃପରାଜ ସାହୁ ଉଦ୍ଘାଟନ କରିଥିଲେ l ପ୍ରଫେସର ଡ. କୃଷ୍ଣଚନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମ୍ମିଳନୀରେ ମୁଖ୍ୟ ଅତିଥି ଜିଲ୍ଲାପାଳ ଶ୍ରୀ ସାହୁ ଯୋଗଦେଇ ସନ୍ଥ କବି ଭୀମଭୋଇ ଏକାଧାରରେ ଜଣେ ସନ୍ୟାସୀ,ସାଧୁ, ସନ୍ଥ, ସମାଜ ସଂସ୍କାରକ ଓ ବିପ୍ଳବୀ କବି ଭାବେ ଜନମାନସରେ ପରିଚିତ ବୋଲି କହିଥିଲେ ।ପ୍ରଥମ ପର୍ଯ୍ୟାୟରେ ଅନୁଷ୍ଠିତ ସମ୍ମେଳନର ପ୍ରାରମ୍ଭରେ ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ ସ୍ୱାଗତ ଭାଷଣ ପ୍ରଦାନ କରିବା ସହ କାର୍ଯ୍ୟକ୍ରମର ଉଦ୍ଦେଶ୍ୟ ଉପରେ ସୂଚନା ଦେଇଥିଲେ ।ଏଥିରେ ସମ୍ମାନିତ ଅତିଥି ଭାବେ ନିଖିଲ ଭାରତ ଓଡ଼ିଆ ଅଧ୍ୟାପକ ସମ୍ମେଳନ କାର୍ଯ୍ୟକାରୀ ପରିଷଦ ସଦସ୍ୟ ପ୍ରଫେସର ଅନନ୍ତ କିଶୋର ଜେନା, ଭିତ୍ତି ପ୍ରବନ୍ଧ ବିଶିଷ୍ଟ ଗବେଷକ ଓ ସାହିତ୍ୟକ ପ୍ରଫେସର କାଳିଦାସ ମିଶ୍ର, ଆଲୋଚକ ଝାଡ଼ଖଣ୍ଡ ରାଜ୍ୟ ଚାଇବସା କୋହ୍ଲେଣ ବିଶ୍ୱ ବିଦ୍ୟାଳୟ ସହଯୋଗୀ ପ୍ରଫେସର ଡ. ବାଳକୃଷ୍ଣ ବେହେରା ଯୋଗଦେଇ ଭୀମଭୋଇଙ୍କ ରଚିତ ଗ୍ରନ୍ଥାବଳୀ ଉପରେ ଆଲୋକପାତ କରିଥିଲେ।କାର୍ଯ୍ୟକ୍ରମକୁ ନି.ଭା.ଓ ଅଧ୍ୟାପକ ସମ୍ବେଲନ ଉପସଭାପତି ଡ. ପଲ୍ଲିଶ୍ରୀ ପଟ୍ଟନାୟକ ସଂଯୋଜନା କରିଥିବା ବେଳେ ସାଧାରଣ ସମ୍ପାଦକ ଡ.ରମେଶ ଚନ୍ଦ୍ର ବେହେରା ବିବରଣୀ ପଠନ ଓ ସାମାଜିକ ଗଣମାଧ୍ୟମ ଡ. କାଳିଆ ସେଠୀ ଧନ୍ୟବାଦ ଅର୍ପଣ କରିଥିଲେ। ସେହିପରି ଦ୍ୱିତୀୟ ପର୍ଯ୍ୟାୟ ବୈଷୟିକ ଅଧିବେଶନରେ ନି ଭା ଓ କାର୍ଯ୍ୟକାରୀ ସଭାପତି ଡ. କୁଳମଣି ଓଝାଙ୍କ ସଭାପତିତ୍ୱରେ ମୁଖ୍ୟବକ୍ତା ଭାବେ ସୋନପୁର ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଡ. ସନ୍ତୋଷ କୁମାର ପାଢ଼ୀ, ସମୀକ୍ଷକ କାର୍ଯ୍ୟକାରୀ ପରିଷଦ ସଦସ୍ୟ ଡ. ରଞ୍ଜିତ କୁମାର ପରିଡ଼ା ଯୋଗଦେଇ ସନ୍ଥ କବି ଭୀମଭୋଇଙ୍କ ଅବଦାନ ଉପରେ ଆଲୋକପାତ କରିଥିଲେ।ନି ଭା ଓ ଆଞ୍ଚଳିକ ସମ୍ପାଦକ ଡ଼ ପ୍ରଦୀପ୍ତ କୁମାର ମିଶ୍ର କାର୍ଯ୍ୟକ୍ରମ କୁ ସଂଯୋଜନା କରିଥିବା ବେଳେ ବୌଦ୍ଧ ମଡେଲ ଡିଗ୍ରୀ କଲେଜ ଅଧ୍ୟାପକ ଡ. କଳ୍ପତରୁ ନାୟକ ଧନ୍ୟବାଦ ଅର୍ପଣ କରିଥିଲେ।ତୃତୀୟ ପର୍ଯ୍ୟାୟ ବୈଷୟିକ ଅଧିବେଶନ(ଖ) ସାମନ୍ତରାଲ ନି ଭା ଓ କାର୍ଯ୍ୟକାରୀ ପରିଷଦ ସଦସ୍ୟ ପ୍ରଫେସର ବବ୍ରୁବାହାନ ମହାପାତ୍ର ସଭାପତିତ୍ୱରେ ମୁଖ୍ୟବକ୍ତା ଭାବେ ଉପଦେଷ୍ଟା ଡ.ଶଶାଙ୍କ ଚୁଡ଼ାମଣି,ସମୀକ୍ଷକ ଉପ ସଭାପତି ଡ.କୃଷ୍ଣଚନ୍ଦ୍ର ମହାପାତ୍ର ଯୋଗଦେଇ ସନ୍ଥ କବି ଭୀମଭୋଇଙ୍କ ଉପରେ ଆଲୋକପାତ କରିଥିଲେ।କାର୍ଯ୍ୟକ୍ରମକୁ ଆଞ୍ଚଳିକ ସମ୍ପାଦକ ଡ. ରଞ୍ଜନ କୁମାର ସେଠୀ ସଂଯୋଜନା କରିଥିବା ବେଳେ କୁସଙ୍ଗ ଆଞ୍ଚଳିକ ଡିଗ୍ରୀ କଲେଜର ଅଧ୍ୟାପକ ଡ. ଅଜିତ କୁମାର ଭୋଇ ଧନ୍ୟବାଦ ଅର୍ପଣ କରିଥିଲେ ।ଶେଷ ପର୍ଯ୍ୟାୟ ସାଙ୍ଗଠନିକ ଅଧିବେଶନରେ ନି ଭା ଓ କାର୍ଯ୍ୟକାରୀ ପରିଷଦ ସଦସ୍ୟ ଡ. ଦେବେନ୍ଦ୍ର କୁମାର ବେହେରା ସଭାପତିତ୍ୱ କରିଥିବା ବେଳେ ସଂଯୋଜକ ଭାବେ ଏସ ରାମପୁର ପଞ୍ଚାୟତ ବାଳିକା ଉଚ୍ଚ

ବିଦ୍ୟାଳୟ ଅଧ୍ୟକ୍ଷା ଡ. କଳ୍ପନା ଦାସ ଯୋଗଦେଇ ସନ୍ଥ କବି ଉଲ୍ଲେଖନୀୟ ଅବଦାନ ଉପରେ ଆଲୋକପାତ କରିଥିଲେ।ଅନୁଷ୍ଟିତ ଏହି ସମ୍ବେଲନରେ ରାଜ୍ୟର ବିଭିନ୍ନ କୋଣରେ ଥିବା ମହାବିଦ୍ୟାଳୟ/ବିଶ୍ୱ ବିଦ୍ୟାଳୟ ରୁ ପ୍ରାୟ ୩୦୦ରୁ ଅଧିକ ଅଧ୍ୟାପକ/ଅଧ୍ୟାପିକା ଯୋଗଦେଇଥିଲେ।ସେହିପରି ଅନ୍ୟ ପକ୍ଷରେ ତାଳଚେର ସ୍ୱଂଶାସିତ ମହାବିଦ୍ୟାଳୟ ଅଧ୍ୟାପକ ଡ. ସତ୍ୟବ୍ରତ ପଣ୍ଡା, ସାହିତ୍ୟକ ଗୋରେଖନାଥ ସାହୁ, ପ୍ରାଧ୍ୟାପିକା ମୀନା ମହାରଣା,ଅଧ୍ୟାପିକା ବୈଜୟନ୍ତୀ ସାହୁ,ଐତିହାସିକ ସୁଦାମ ନାୟକ,ଡ. ଅନିରୁଦ୍ଧ କୁରକୁରିଆ, ଅଧ୍ୟାପକ ଶେଷଦେବ ଛତ୍ରିଆ, ଦେବେଶ ଗଡନାୟକ, ରୋହିତ ଧରୁଆ,କବି ଆର୍ତ୍ତତ୍ରାଣ ବାବୁ ପ୍ରମୁଖଙ୍କ ସମେତ ବହୁ ସାହିତ୍ୟକ ଉପସ୍ଥିତ ରହି ସନ୍ଥ କବି ଭୀମଭୋଇଙ୍କ ଜୀବନଶୈଲୀ ଓ ସାହିତ୍ୟ ପ୍ରତି ଅବଦାନ ଉପରେ ବକ୍ତବ୍ୟ ପ୍ରଦାନ କରିଥିଲେ।