08-Jul-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ପି ଏମ ଶ୍ରୀ ଉଚ୍ଚ ବିଦ୍ୟାଳୟ କରଙ୍ଗାମାଲ ଓ ବନ ବିଭାଗ ଆନୁକୂଲ୍ୟରେ ବିଦ୍ୟାଳୟ ପରିସରରେ ବନ ମହୋତ୍ସବ ପାଳିତ ହୋଇଯାଇଛି ।ଏହି ଅବସରରେ ପ୍ରଧାନ ଶିକ୍ଷକ ସତ୍ୟନାରାୟଣ ମେହେରଙ୍କ ସଭାପତିତ୍ବରେ ଆୟୋଜିତ ସଚେତନତା ସଭାରେ ଫରେଷ୍ଟର ଦୁର୍ଯ୍ୟୋଧନ ଦିକ୍ଷିତ ମୁଖ୍ୟ ଅତିଥି ଭାବରେ ଯୋଗଦାନ କରି ଛାତ୍ର ଛାତ୍ରୀଙ୍କୁ ବନ ମହୋତ୍ସବ ଉପରେ ପ୍ରାଞ୍ଜଳ ଭାବରେ ବୁଝାଇବା ସହିତ ପରିବେଶ ଓ ପରିବେଶ ପ୍ରତି ଆମର ଦାୟୀତ୍ୱ କ'ଣ ରହିବା ଦରକାର ଏବଂ ଆମେ କାହିଁକି ଯତ୍ନବାନ ହେବାକୁ ପଡିବ, ବିଭିନ୍ନ ଉଦାହରଣ ଉପସ୍ଥାପନ କରି ସଚେତନ କରିଥିବାବେଳେ ପ୍ରଧାନ ଶିକ୍ଷକ ଶ୍ରୀଯୁକ୍ତ ମେହେର ବନ ମହୋତ୍ସବର ଉଦ୍ଦେଶ୍ୟ ଉପସ୍ଥାପନ କରି ବୃକ୍ଷ ସହାୟତାରେ ପରିବେଶ ସନ୍ତୁଳନ,ଜଳବାୟୁ ନିୟନ୍ତ୍ରଣ,ମୃତ୍ତିକା ସଂରକ୍ଷଣ ଓ ଜୈବ ବିବିଧତା ଯଥେଷ୍ଟ ମାତ୍ରାରେ ବୃଦ୍ଧି ହେଉଥିବା ବିଷୟଟିକୁ ସରଳ ଭାବରେ ବୁଝାଇଥିଲେ । ସମ୍ମାନିତ ଅତିଥି ରୂପେ ଏସ ଏମ ସି ପ୍ରେସିଡେଣ୍ଟ ବିନୟ କୁମାର ବାଗ,ଫରେଷ୍ଟ ଗାର୍ଡ ନିବେଦିତା ନାୟକ,ଶିକ୍ଷକ ଶଙ୍କର ବେହେରା ପ୍ରମୁଖ ମଞ୍ଚାଶିନ ଥିଲେ ।ସମସ୍ତ ଅତିଥି,ଛାତ୍ର ଛାତ୍ରୀ,ଶିକ୍ଷକ ଶିକ୍ଷୟିତ୍ରୀ ବନ ମହୋତ୍ସବର ଅନେକ ସ୍ଲୋଗାନ ଗାନ କରି ଶୋଭାଯାତ୍ରାରେ ବାହାରି ପରେ ବିଦ୍ୟାଳୟ ପରିସରରେ ବିଭିନ୍ନ ପ୍ରକାର ବୃକ୍ଷ ରୋପଣ କରି ଏହାରି ଯତ୍ନ ନେବା ପାଇଁ ଶପଥ ପାଠ କରିଥିଲେ ।ୱାଚର ସୁଶିଲ ବାଗ ଓ ଶିକ୍ଷକ ଜଗଦୀଶ ଭୋଇଙ୍କ ସମେତ ସମସ୍ତ ଶିକ୍ଷକ ଶିକ୍ଷୟତ୍ରୀ କାର୍ଯ୍ୟକ୍ରମରେ ସହଯୋଗ କରିଥିଲେ ।