08-Jul-2026

ମାଲକାନଗିରି(କେଶବ ଚନ୍ଦ୍ର ନାୟକ):  ଜଣେ ବାଲି ବ୍ୟବସାୟଙ୍କ ଠାରୁ ଦୁଇ ଲକ୍ଷ ୬୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଜାଲରେ ଖଣି ଉପନିର୍ଦ୍ଦେଶକ ସତ୍ୟଜିତ ରାଉତ ଧରାପଡ଼ିଛନ୍ତି । ଗତକାଲି ରାତିରେ ତାଙ୍କ କ୍ବାର୍ଟରୁ ଏହି ଟଙ୍କା ଚଢାଉ ସମୟରେ ମିଳିଥିଲା । ଜୟପୁର ଦୁର୍ନୀତି ନିବାରଣ ଇନସ୍ପେକ୍ଟର ଅନୁଭା ଦାଶ ତାଙ୍କୁ ଗିରଫ କରିଥିଲେ ।
ଦୁର୍ନୀତି ନିବାରଣ ବିଭାଗ ଦ୍ଵାରା ବିଭିନ୍ନ ସ୍ଥାନରେ ଥିବା ତାଙ୍କର ଆୟବର୍ହିଭୂତ ସମ୍ପତ୍ତି ଉପରେ ଚଢ଼ାଉ କରାଯାଇଥିଲା। ମାଲକାନଗିରି ଏବଂ କୋରାପୁଟ ଦାୟିତ୍ୱ ରେ ଥିବା 
ଖଣି ଉପନିର୍ଦେଶକ ସତ୍ୟଜିତ ରାଉତ 
 ଲିଜ୍ ଅବଧି ପରେ ବିସ୍ତାର ଏବଂ ବାଲି ଉତ୍ସର ସ୍ପଟ୍ ନିଲାମରେ ଲାଭ ଯୋଗାଇବା ପାଇଁ ଦୁଇ ଲକ୍ଷ ୬୦ ହଜାର ଟଙ୍କା ଲାଞ୍ଚ ନେବା ବେଳେ ଜୟପୁର ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି।

ଯାଞ୍ଚ ସମୟର ୨ ଲକ୍ଷ ୬୦ ହଜାର ଟଙ୍କା ଜବତ କରାଯାଇ ଥିବା ବେଳେ ଅନ୍ୟାନ୍ୟ ଘରୁ  ନଗଦ ଜବତ ୪. ୯୦ ଲକ୍ଷ ଟଙ୍କା ପ୍ରାପ୍ତ ହୋଇଛି। ଭିଜିଲାନସ ହାତରେ ଧରା ପଡିବା ପରେ ରାଉତଙ୍କ ଜୟପୁରର ଲିଙ୍ଗରାଜ ନଗରରେ ଥିବା ଆବାସିକ ଘର, ବିଦ୍ୟାଧରପୁର କଟକରେ ଥିବା ଘର ଏବଂ ଓଲକାନା, ମାହାଙ୍ଗା, କଟକ ରେ ଥିବା ଘର ଉପରେ ଏକକାଳୀନ ତଲାସ କରାଯାଇଛି। 
 ଦୁର୍ନୀତି ନିବାରଣ (ସଂଶୋଧନ) ଆଇନ, ୨୦୧୮ର ଧାରା ୭ ଅନୁଯାୟୀ କୋରାପୁଟ ଭିଜିଲାନ୍ସ ପି.ଏସ୍. ମାମଲା ନଂ ୧୪/୨୦୨୬ ପଞ୍ଜୀକୃତ କରାଯାଇଛି। ଅଭିଯୁକ୍ତ ରାଉତଙ୍କ ବିରୁଦ୍ଧରେ ମାମଲା ଋଜୁ  କରାଯାଇ ଆଜି କୋର୍ଟ ଚାଲାଣ କରାଯାଇଛି।