08-Jul-2026

ସମ୍ବଲପୁର:(ସଂଜୀବ ପାଣିଗ୍ରାହୀ ): ଭୁବନେଶ୍ଵରଠାରେ ଆୟୋଜିତ ଘର୍ଟ ଇଣ୍ଟରନ୍ୟାସନାଲ ଷଷ୍ଠ ପ୍ରତିଷ୍ଠା ଦିଵସ ଭୁବନେଶ୍ୱରସ୍ଥିତ ଓଡ଼ିଶା ରାଜ୍ୟ ସଂଗ୍ରହାଳୟର ସମ୍ମିଳନୀ କକ୍ଷରେ ବହୁ ଆଡ଼ମ୍ବର ଓ ଗାମ୍ଭୀର୍ଯ୍ୟ ସହିତ ପାଳିତ ହୋଇଯାଇଛି। ଏହି ସମାରୋହରେ ଘର୍ଟ୍ ଇଣ୍ଟରନ୍ୟାସନାଲର ରାଜ୍ୟ ସଭାପତି ପ୍ରଫେସର ଡକ୍ଟର ଇଞ୍ଜିନିୟର ମାନସ କୁମାର ଦାଶ ସଭାପତିତ୍ୱ କରିଥିଲେ। ଏହି ଅବସରରେ ସାତଜଣ ବିଶିଷ୍ଟ ବ୍ୟକ୍ତିତ୍ୱଙ୍କୁ ମାନଦ ଓ ଡକ୍ଟରେଟ ଉପାଧି ପ୍ରଦାନ କରାଯାଇଥିଲା।ସେମାନଙ୍କ ମଧ୍ୟରେ ଡକ୍ଟର ଗୌରବ ଦୀପଙ୍କୁ ସମାଜସେବା କ୍ଷେତ୍ରରେ ସମ୍ମାନିତ କରାଯାଇଥିଲା। ଡକ୍ଟର ଗୌରବ ଦୀପ ଜଣେ ସମାଜସେବୀ ଭାବରେ ଯୁଯୋମୁରା ବ୍ଲକ୍ ଅନ୍ତର୍ଗତ ବିଭିନ୍ନ ଗ୍ରାମରେ ଗରୀବ ଓ ଦଳିତ ଶ୍ରେଣୀ ଲୋକମାନଙ୍କ ମଧ୍ୟରେ କାର୍ଯ୍ୟ କରନ୍ତି। ତାଙ୍କ କାର୍ଯ୍ୟକଳାପଗୁଡ଼ିକ ଶିକ୍ଷା,ସ୍ୱାସ୍ଥ୍ୟ ଓ ଜନ କଲ୍ୟାଣ ଭିତ୍ତିକ ଅଟେ । ଗରୀବ ପିଲାମାନଙ୍କର ପାଠପଢାକୁ ଗୁରୁତ୍ବ ଦେଇ ସେ ଡେ. କେୟାର.ସେଣ୍ଟର୍ ଦ୍ୱାରା ମୌଳିକ ଓ ନୈତିକ ଶିକ୍ଷାର ଗୁରୁତ୍ୱ ଉପରେ କାର୍ଯ୍ୟାରମ୍ଭ କରିଥିଲେ।ଏହା ସହିତ ଯୁବତୀ ଓ ମହିଳାମାନଙ୍କ ପାଇଁ ସିଲାଇ ଶିକ୍ଷାର ସୁବ୍ୟବସ୍ଥା ମଧ୍ୟ କରିଆସୁଛନ୍ତି ।ମହିଳା ମାନଙ୍କ ସଶକ୍ତିକରଣ ଓ ସେମାନଙ୍କୁ ଆର୍ଥିକ ସ୍ୱାବଲମ୍ଭୀ କ୍ଷେତ୍ରରେ ଗୌରବ ପ୍ରମୁଖ ଭୂମିକା ନିର୍ବାହ କରିଥାନ୍ତି।