08-Jul-2026

ବିନିକା(ପ୍ରେରଣା ଖବର): ପ୍ରାୟ ୨୦ ଦିନ ତଳେ ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ୍ ଅଧୀନସ୍ଥ ସିଂଘିଯୁବା ଗ୍ରାମରେ ଥିବା ବିନିକା ବ୍ଲକ୍ ଅଧ୍ୟକ୍ଷାଙ୍କ ଘର ଉପରକୁ କିଛି ଦୁର୍ବୁତ୍ତ ୨୮ ରାଉଣ୍ଡ ଗୁଳି ଚାଳନା କରିଥିଲେ। ଯଦ୍ୱାରା ତାଙ୍କ ଘର ଠାରେ ଥିବା ଚାରି ଚକିଆ ଯାନର କାଚ ଭାଙ୍ଗିବା ସହ ଦୋକାନ ଗୃହ ସଟର୍ ରେ ଗୁଳି ବାଜି ବିଭିନ୍ନ ସ୍ଥାନରେ ଛିଦ୍ର ହୋଇଯାଇଛି। ଚର୍ଚ୍ଚା ହୁଏ କୁଆଡେ ଏହି ଗୁଳି ଚାଳନା ଏକ ପ୍ରକାର ଭୟ ପ୍ରଦର୍ଶନ କରିବା। ତେବେ ଏହି ଘଟଣାରେ କେତୋଟି ବନ୍ଧୁକ ବ୍ୟବହାର ହୋଇଥିଲା ଏବଂ ସେହି ବନ୍ଧୁକ ମାନଙ୍କର ଲାଇସେନ୍ସ ଅଛି କି ନାହିଁ ପୋଲିସ ତଦନ୍ତ କରୁଥିବା କହୁଛି। ପୋଲିସ ବି ଏନ ଏସ ର ୧୦୯ ଦଫାରେ ଚାରି ଜଣଙ୍କୁ ଗିରଫ କରି କୋର୍ଟ ଚାଲାଣ କରି ଘଟଣାର ମାଷ୍ଟରମାଇଣ୍ଡ୍ କୁ ଖୋଜୁଛି। ଏତେ ପରିମାଣର ଗୁଳି ଚାଳନା ଓଡ଼ିଶାରେ ପ୍ରଥମ ଥର ସୁବର୍ଣ୍ଣପୁର ଜିଲ୍ଲାର ସିଂଘିଯୁବା ଗ୍ରାମରେ  ହୋଇଥିବା ବେଳେ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ଭୟ ସୃଷ୍ଟି କରିଛି। ଯେଉଁଠି ବ୍ଲକ୍ ଅଧ୍ୟକ୍ଷା ସୁରକ୍ଷିତ ନାହାନ୍ତି ସେଠି ସାଧାରଣ ଜନତା କେତେ ସୁରକ୍ଷିତ ବୋଲି ପ୍ରଶ୍ନ ଉଠିଛି।
ଏହି ଗଣ୍ଡଗୋଳ ଘରୋଇ କଳହ ସହ ଠିକା କାରବାରକୁ ନେଇ ଘଟିଥିବା ଅନୁମାନ କରାଯାଏ। ପୋଲିସ ତଦନ୍ତ ପରେ ଘଟଣା ର ପ୍ରକୃତ ରହସ୍ୟ ଲୋକଲୋଚନକୁ ଆସିବ। ଗୋଟିଏ ପଟେ ସାମ୍, ଦାମ୍,ଦଣ୍ଡ,ଭେଦ ର ଦ୍ୱାହି ଦେଉଥିବା ବେଳେ ଅନ୍ୟପଟେ ପୋଲିସର କାର୍ଯ୍ୟଦକ୍ଷତାକୁ ନେଇ ଉଠିଛି ପ୍ରଶ୍ନ।

 ସୂଚନାରୁ ପ୍ରକାଶ,  ସିଂଘିଯୁବା ଗ୍ରାମ ନିକଟସ୍ଥ ସାନଭାଲୁପାଲି ଗ୍ରାମରେ ବିନା କାଗଜପତ୍ରରେ ବର୍ଷାଧିକାଳ ହେବ ବରଗଡ଼ ଜିଲ୍ଲାର କିଛି ପ୍ରତିପତ୍ତିଶାଳୀ ଯୁବକ ଏକ କ୍ରସର୍ କରି କୋଟି କୋଟି ଟଙ୍କାର ରାଜସ୍ୱ ହଡ଼ପ କରି ବ୍ୟବସାୟ କରୁଥିବା ଚର୍ଚ୍ଚା ହେଉଛି। କୁଆଡେ ଏହି କ୍ରସରରୁ ବାହାରୁଥିବା ପଥର ନିମ୍ନ ମାନର ଥିବା ବେଳେ ଅନ୍ୟ କ୍ରସର୍ ଠାରୁ ଦରରେ ତିନି ଚାରି ଟଙ୍କା ଅଧିକ। ଏଣୁ ଅନ୍ୟ ପକ୍ଷ ନିଜର ଠିକା କାମ ପାଇଁ ଏହି କ୍ରସର ଉପରେ ନିର୍ଭର ନ କରି ବଲାଙ୍ଗିର ଜିଲ୍ଲାର ଏକ କ୍ରସର୍ ରୁ ତାଙ୍କର ସାମାନ୍ ନେବା ଆରମ୍ଭ କଲେ। ଯଦ୍ୱାରା ଏହି କ୍ରସର୍ ର ବ୍ୟବସାୟରେ ବାଧା ସୃଷ୍ଟି ହେଲା। କୁଆଡେ ଠିକାଦାରଙ୍କ ଠିକା କାମ କରିଥିବା ପ୍ରାପ୍ୟ ବନ୍ଦ କରିଦିଆଗଲା ବୋଲି ଚର୍ଚ୍ଚା ହୁଏ। ତେବେ ଘଟିଥିବା ଘଟଣା ଏହାର କାରଣ ନୁହେଁ ତ ବୋଲି ଚର୍ଚ୍ଚା ହେଉଛି। ଅନ୍ୟପକ୍ଷେ କ୍ରସର୍ ଭିତରେ ଥିବା ରାସ୍ତା ମରାମତିର ଫଳକକୁ ଦେଖିଲେ ଜଣାପଡ଼େ ବିନିକାର ପଞ୍ଚାୟତ ସମିତିର କାର୍ଯ୍ୟଦକ୍ଷତା କେତେ ଠିକ୍। ପଞ୍ଚାୟତିରାଜ ଓ ପାନୀୟ ଜଳ ଯୋଗାଣ ବିଭାଗ ଓଡ଼ିଶା ର ୧,୪୩,୮୦୩ ଟଙ୍କା ୨୦୨୫/୨୬ ଆର୍ଥିକ ବର୍ଷରେ କମିରା କେନାଲ ବ୍ରିଜ୍ ଠାରୁ ସାନଭାଲୁପାଳି ରାସ୍ତା ମରାମତି ନାମରେ ଉଠିଥିବା ଟଙ୍କା ଏହି କ୍ରସର୍ ଭିତରେ ଥିବା ଫଳକରୁ ଜଣାପଡ଼େ ଏହି ଟଙ୍କା ଉପରୋକ୍ତ ରାସ୍ତା ପାଇଁ ନା କ୍ରସର୍ ର ରାସ୍ତା ପାଇଁ ତାହା ତଦନ୍ତ ସାପେକ୍ଷ୍ୟ।
୨୮ରାଉଣ୍ଡ ଗୁଳି ଚାଳନାକୁ ନେଇ ରାମପୁର ଏବଂ ବିନିକା ଥାନାରେ ପୃଥକ୍ ପୃଥକ୍ ମାମଲା ହୋଇଥିବା ବେଳେ ପୋଲିସ ଏହାର ମାଷ୍ଟରମାଇଣ୍ଡ କୁ ଖୋଜୁଛି। ପୋଲିସ ମାଷ୍ଟରମାଇଣ୍ଡ୍ କୁ ଧରିବାରେ ସଫଳ ହେବ ତ ?

  ଆଗାମୀ ଦିନରେ ଏହି ଘଟଣାର ପୁଙ୍ଖାନୁପୁଙ୍ଖ ଅଭିଯୁକ୍ତଙ୍କ ନାମ ସହ ସ୍ଥାନିତ ହେଵ।