06-Jul-2026

ନବରଙ୍ଗପୁର-(ପ୍ରିୟଦର୍ଶିନୀ ପାତ୍ର) ଡ଼ାବୁଗାଁ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ୭୭ତମ ବନ ମହୋତ୍ସବ ସପ୍ତାହ ଅବସରରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହେଲା । ଏହି କାର୍ଯ୍ୟକ୍ରମ ରେ ଡାବୁଗାଁ ବାନଖଣ୍ଡ ଅଧିକାରୀ ରାମଚନ୍ଦ୍ର ଭତ୍ରା ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ର ଛାତ୍ରୀ ଙ୍କୁ ଗଛ ଲଗାଇଲେ କିପରି ଆମର ପରିବେଶ ସନ୍ତୁଳନ ରକ୍ଷା ହେବ ସେ ବିଷୟରେ ବୁଝାଇଥିଲେ । ଏହା ପରେ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧକ୍ଷ ରମେଶ ଚନ୍ଦ୍ର ନାହାକ ବୃକ୍ଷ ରୋପଣ ଉପରେ ଏକ କବିତା ପାଠ କରିଥିଲେ । ଏବଂ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ବନଖଣ୍ଡ ଅଧିକାରୀ  ଶ୍ରୀ  ଭତ୍ରା, ବିଦ୍ୟାଳୟ ଅଧକ୍ଷ ଶ୍ରୀ ନାହାକ ଙ୍କ ସହ  ସମସ୍ତ ଛାତ୍ର ଛାତ୍ରୀ ମାନେ ମିସି ହଷ୍ଟେଲ ପରିସର ରେ ବୃକ୍ଷ ରୋପଣ କରିଥିଲେ ।

ଏହି କାର୍ଯ୍ୟକ୍ରମ ରେ ଡାବୁଗାଁ ବାନପାଳ ପ୍ରଫୁଲ୍ଲ ମାଝୀ , ଅନିତା ହିଆଲ , କାର୍ତ୍ତିକ ମାଝୀ , ତାପସ ରଞ୍ଜନ ପଟ୍ଟନାୟକ , ଆକଂଶି କରଣ , ସୁଭଦ୍ରା ସାହୁ, ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟର ସମସ୍ତ କର୍ମଚାରୀ ମାନେ ଏବଂ ସାମ୍ବାଦିକ ମାନେ ଉପସ୍ଥିତ ରହି ବୃକ୍ଷ ରୋପଣ କରିଥିଲେ । ଏହି କାର୍ଯ୍ୟକ୍ରମ ରେ ବିଦ୍ୟାଳୟ ପରିସରରେ ମୋଟ ୩୦୦ ଟି ଗଛ ଲଗାଯାଇଥିଲା ।