13-Jun-2026

ବଲାଙ୍ଗିର(ପ୍ରେରଣା ଖବର): ଆଜି ସ୍ଥାନୀୟ ତାରା ଦରବାର ଠାରେ ଅଖିଳ ଭାରତ ବ୍ୟବସାୟୀ ସଂଘର ଏକ ଅଧିବେଶନ ସ୍ଥାନୀୟ ପ୍ରତିଷ୍ଠିତ ବ୍ୟବସାୟୀ ଏବଂ ରାଷ୍ଟ୍ରୀୟ ତଥା ପ୍ରାଦେଶିକ କର୍ମକର୍ତ୍ତାଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି l ଉକ୍ତ ଅଧିବେଶନରେ ରିଙ୍କୁ ପାତ୍ର ଅତିଥି ପରିଚୟ ପ୍ରଦାନ କରିବା ସହ ରବି ଅଗ୍ରୱାଲ, ବିକାଶ ଅଗ୍ରୱାଲ ଏବଂ ଆଶିଷ ଅଗ୍ରୱାଲଙ୍କ ସଂଯୋଜନାରେ ସଭା କାର୍ଯ୍ୟ ଆୟୋଜିତ ହୋଇଥିଲା l ଅଧିବେଶନରେ ରାଷ୍ଟ୍ରୀୟ ଉପାଧ୍ୟକ୍ଷ ଆର କେ ଶୁକ୍ଲା  ମୁଖ୍ୟ ଅତିଥି ରୂପେ ଯୋଗ ଦେଇ ବ୍ୟବସାୟୀ ମାନେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟା ତଥା ଏହି ସଂଘ ଦ୍ୱାରା କେଉଁଭଳି ଭାବରେ ସମସ୍ୟା ଗୁଡିକର ସମାଧାନ କରାଯାଉଛି ଆଲୋକପାତ କରିଥିଲେ l ଓଡିଶା ପ୍ରାଦେଶିକ ଅଧ୍ୟକ୍ଷ ଗୋବିନ୍ଦ ଅଗ୍ରୱାଲ , ଓଡିଶା ସଭାପତି  ଜିତେନ୍ଦ୍ର ଗୁପ୍ତା ତଥା ଜି.ଏସ.ଟି ଉପଦେଷ୍ଟା ପ୍ରକାଶ ଜୈନ, ସି ଏ ଏହି ଅଧିବେଶନରେ ଉଦବୋଧନ ଦେଇଥିଲେ l ଆଜିର ଏହି ଅଧିବେଶନରେ ବଲାଙ୍ଗିର ଶାଖାର ଅଧକ୍ଷ ରୂପେ ମହେନ୍ଦ୍ର ଅଗ୍ରୱାଲ, ସଭାପତି ପ୍ରକାଶ କୁମାର ନେପାକ, ସମ୍ପାଦକ ରାଜୀବ ଗୋୟଲ, ଉପସଭାପତି ବିକାଶ  ଅଗ୍ରୱାଲ, ଯୁଗ୍ମ ସମ୍ପାଦକ ରିଙ୍କୁ ପାତ୍ର ତଥା କୋଷାଧକ୍ଷ ନରସିଂହ ଅଗ୍ରୱାଲଙ୍କୁ ସର୍ବସମ୍ମତି କ୍ରମେ ମୋନନୀତ କରାଯିବା ପରେ ପ୍ରାଦେଶିକ ସଭାପତି ଜିତେନ୍ଦ୍ର ଗୁପ୍ତା  ଶପଥ ପାଠ କରାଇଥିଲେ l ଆଜିର ଏହି ଅଧିବେଶନ ରେ  ବାଇଶ ଜଣ ସଭ୍ୟ ଙ୍କୁ ଅଖିଳ ଭାରତ ବ୍ୟବସାୟୀ ସଂଘ (CAIT)ର ଆଜୀବନ ସଭ୍ୟ ରୂପେ ଗ୍ରହଣ କରାଯାଇ ଶପଥ ପାଠ କରାଇ ଥିଲେ l ଅଧିବେଶନରେ ବଲାଙ୍ଗିର ର ବିଶିଷ୍ଟ ଯୁବ ବ୍ୟବସାୟୀ ରମେଶ ଅଗ୍ରୱାଲଙ୍କ ଆକସ୍ମିକ ବିୟୋଗରେ ତାଙ୍କ  ଆତ୍ମାର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା l ଅଧିବେଶନରେ ବଲାଙ୍ଗିର ଶାଖା ଅଧକ୍ଷ ମହେନ୍ଦ୍ର ଅଗ୍ରୱାଲ ତଥା ସଭାପତି ପ୍ରକାଶ କୁମାର ନେପାକ ଉଦବୋଧନ ଦେଇ  ବ୍ୟବସାୟୀ ମାନଙ୍କ ବୃହତ୍ତର ସ୍ୱାର୍ଥ ଦୃଷ୍ଟିରୁ ଏହି ସଂଘକୁ ମଜବୁତ କରିବା ପାଇଁ ଆହ୍ୱାନ ଦେଇଥିଲେ l ପରିଶେଷରେ ପ୍ରାଦେଶିକ  ସଭାପତି ଶ୍ରୀ ଗୁପ୍ତା ଏବଂ ବଲାଙ୍ଗିର ଶାଖା ସମ୍ପାଦକ ରାଜୀବ ଗୋୟଲ ଧନ୍ୟବାଦ ଅର୍ପଣ କରିଥିଲେ।