12-Jun-2026

ବଲାଙ୍ଗିର(ପ୍ରେରଣା ଖବର) : ବଲାଙ୍ଗିରରେ ଜମି କିଣାବିକା କାରବାର ଆୟର ମୁଖ୍ୟ ସ୍ରୋତ ପାଲଟିଛି । ଗତ କିଛି ବର୍ଷ ଧରି ବଲାଙ୍ଗିର ତଥା ଆଖପାଖ ତହସିଲ ଅଞ୍ଚଳରେ ଜମି କାରବାର କେତେକଙ୍କ ପାଇଁ ମୁଖ୍ୟ ବ୍ୟବସାୟରେ ପରିଣତ ହୋଇଛି । ଏହି କାରବାରରେ ବଡ଼ବଡ଼ିଆଙ୍କ ସମ୍ପୃକ୍ତି ରହୁଥ‌ିବା ବେଳେ ବିକ୍ରେତା ଜମିର ସଠିକ୍ ମୂଲ୍ୟ ନପାଇ କ୍ଷତିଗ୍ରସ୍ତ ହେଉଥ‌ିବା ବେଳେ ମଧ୍ୟସ୍ଥି ବା ଦଲାଲ୍‌ମାନେ ହିଁ ଲାଭବାନ ହେଉଛନ୍ତି । ବଲାଙ୍ଗିର ସହରର କାୟା ବୃଦ୍ଧି ପାଉଥ‌ିବାରୁ ବଲାଙ୍ଗିର ଓ ଉପକଣ୍ଠରେ ଥିବା ପୁଇଁନ୍ତଲା ତହସିଲ ଅଞ୍ଚଳରେ ଜମି କାରବାର ବ୍ୟାପକ ଭାବେ ବୃଦ୍ଧି ପାଇଛି । ବଡ଼ବଡ଼ିଆ ନିଜ କଳାଟଙ୍କାକୁ ଜମି ବ୍ୟବସାୟରେ ବିନିଯୋଗ କରି ବେଶ ଲାଭବାନ ହେଉଛନ୍ତି । ଏହାର ସୁଯୋଗ ନେଇ ମଧ୍ୟସ୍ଥି ବା ଦଲାଲ କ୍ରେତା ଓ ବିକ୍ରେତାଙ୍କ ମଧ୍ୟରେ ସମ୍ପର୍କର ସେତୁ ପାଲଟି ଲକ୍ଷାଧିକ ଟଙ୍କା ଲାଭବାନ ହେଉଛନ୍ତି । ଅନେକ ସମୟରେ

ବିକ୍ରେତା ନିଜ ଜମି ବିକ୍ରି ପରେ ବି ଚୁକ୍ତି ମୁତାବକ ଟଙ୍କା ନ ପାଇ ଆଶା ଆଶଙ୍କା ଦେଇ ଗତି କରୁଥିବା ବେଳେ ବାଧ୍ୟ ହୋଇ ଆଇନର ଦ୍ବାରସ୍ଥ ହେଉଥ‌ିବା ଦେଖିବାକୁ ମିଳିଛି ।

ବଲାଙ୍ଗିର ତହସିଲ ଧୂମାମରା ମୌଜା ପରେ ପୁଇଁନ୍ତଲା ତହସିଲ ଗଇଁନ୍ତଲା ମୌଜାରେ ଜମି କିଣାବିକା ଅଧିକ ପରିମାଣରେ କରାଯାଉଥିବା ଦେଖିବାକୁ ମିଳିଛି । ଗଇଁନ୍ତଲା ମୌଜା ଗଇଁନ୍ତଲାର ଅନ୍ତର୍ଯ୍ୟାମୀ ସାହୁ ନାମକ ଚାଷୀ ନିଜ ପୈତୃକ ଜମି ବିକ୍ରି ପରେ ବି ସମ୍ପର୍କ ଟଙ୍କା ନ ପାଇ ହଟହଟା

ହେଉଥ‌ିବା ଅଭିଯୋଗ ହୋଇଛି । ଅଭିଯୋଗ ଅନୁସାରେ, ଗଇଁନ୍ତଲା ଗାଁର ସ୍ବର୍ଗତ ରୁଦ୍ରଧର ସାହୁଙ୍କ ପ୍ରାୟ ୧୦ ଏକର ଜମି ରହିଥିଲା । ଏହି ଜମି ରୁଦ୍ରଧରଙ୍କ ଦୁଇପୁଅ ଅନ୍ତର୍ଯାମୀ ଓ ଅବନୀକାନ୍ତ ସାହୁଙ୍କ ମଧ୍ୟରେ ଭାଗବଣ୍ଟା ହୋଇଥିଲା । ଏଥିରେ ସ୍ୱର୍ଗତ ରୁଦ୍ରଧରଙ୍କ ୨ ଝିଅ କାଞ୍ଚନ ପଧାନ ଓ ମୁକ୍ତା ବିଶ୍ଵାଳ ନିଜ ଆପରି ନ ଥିବା ଜଣାଇଥିଲେ । ଅନ୍ୟପକ୍ଷେ, ରୁଦ୍ରଧରଙ୍କ ତୃତୀୟ ଝିଅ ଅନୁସୟା ପଧାନଙ୍କ ଗତ ପ୍ରାୟ ୨୦ ବର୍ଷ ତଳେ ଦେହାନ୍ତ ହୋଇଥିଲା । ଜମିବାଡ଼ି ଭାଗବଣ୍ଟା

କ୍ରେତା ଲାଭବାନ ବାରଦୁଆର ବିକ୍ରେତା

କଲା ସମୟରେ ସ୍ବର୍ଗତ ଅନୁସୟାଙ୍କ ପୁଅ ଓ ଝିଅଙ୍କ କୌଣସି ମତ ନିଆଯାଇ ନ ଥିଲା । ନିଜ ଆବଶ୍ୟକତା ଦୃଷ୍ଟିରୁ ଅନ୍ତର୍ଯାମୀ ୨୦୨୪ ନଭେମ୍ବର ୧୦ରେ ନିଜ ପୈତୃକ ଜମିରୁ ୨ଏକର ୨୬ ଡେସିମିଲ ବଲାଙ୍ଗିରର ରଞ୍ଜନ ଅଗ୍ରୱାଲଙ୍କୁ ବିକ୍ରି କରିଥିଲେ । ଏକର ପ୍ରତି ୪୦ ଲକ୍ଷ ଟଙ୍କାରେ ଜମି ବିକ୍ରି ପାଇଁ କ‌ଥାବାର୍ଭା ଛିଣ୍ଡିଥିଲା। ପରବର୍ତ୍ତୀ ସମୟରେ ୨ଜଣ ମଧ୍ୟସ୍ଥି କିଣାବିକାରେ ହସ୍ତକ୍ଷେପ କରି ଜମି ଦର ୫୦ ଲକ୍ଷ ଟଙ୍କାକୁ ନେଇଥିଲେ । ଜମି ରେଜିଷ୍ଟ୍ରି ପୂର୍ବରୁ ଜମି କ୍ରେତା ଶ୍ରୀ ଅଗ୍ରୱାଲ ବିକ୍ରେତା ଶ୍ରୀ ସାହଙ୍କ ୫୨ ଲକ୍ଷ ୪୭୪୯୦ ଟଙ୍କା

ପ୍ରଦାନ କରିଥିଲେ । ଅବଶିଷ୍ଟ ଟଙ୍କା ୩ ମାସ ମଧ୍ୟରେ ଶ୍ରୀ ସାହୁଙ୍କ ବ୍ୟାଙ୍କ ଆକାଉଣ୍ଟରେ ଜମା କରିଦେବାକୁ କୁଆଡ଼େ ପ୍ରତିଶ୍ରୁତି ଦେଇଥିଲେ । ଜମି କିଣାବିକାକୁ ଦେଢ଼ ବର୍ଷରୁ ଅଧିକ ସମୟ ହୋଇଥିଲେ ହେଁ ଶ୍ରୀ ଅଗ୍ରୱାଲ ତାଙ୍କ ଟଙ୍କା ଦେଉ ନ ଥିବା ବେଳେ କିଣିଥିବା ଜମି ବିକ୍ରି ହେଲାପରେ ଅବଶିଷ୍ଟ ଟଙ୍କା ଦେଇପାରିବେ ବୋଲି କହୁଥିବା ଶ୍ରୀ ସାହୁ ପ୍ରକାଶ କରିଛନ୍ତି । ଜମି ବିକ୍ରି ପରେ ବି ନିଜ ଟଙ୍କା ନପାଇ ଶ୍ରୀ ସାହୁ ହଇରାଣ ହରକତ ହେଉଥିବା ବେଳେ ଜମି କିଣାବିକାରେ ମଧ୍ଯସ୍ଥି ସାଜିଥିବା ୨ଜଣ ଭଦ୍ରବ୍ୟକ୍ତି ଜମି କ୍ରେତାଙ୍କ ଠାରୁ ଲକ୍ଷାଧିକ ଟଙ୍କା ଲାଭ ନେଇଥିବା ଜଣାପଡ଼ିଛି । ଏହି ଘଟଣାକୁ ନେଇ ଶ୍ରୀ ଅଗ୍ରୱାଲଙ୍କୁ ଯୋଗାଯୋଗ କଲାରୁ ଜମି ରେଜିଷ୍ଟ୍ରି ପୂର୍ବରୁ ବିକ୍ରେତା ଶ୍ରୀ ସାହୁଙ୍କୁ ସମସ୍ତ ଟଙ୍କା ଦିଆଯାଇଥିବା ନେଇ ପ୍ରକାଶ କରିଛନ୍ତି । ଏହା ସହ ଶ୍ରୀ ସାହୁଙ୍କ ନାମରେ ସମ୍ପୃକ୍ତ ଜମି ପଟ୍ଟା ହେବା ପୂର୍ବରୁ ତାଙ୍କ ମୃତ ଭଉଣୀ ଅନୁସୟାଙ୍କୁ ଜମି ଭାଗ ଦିଆଯାଇ ନବାରୁ ତାଙ୍କ ଉତ୍ତରାଧିକାରୀ ପୁଅ ଝିଅ ଏହାକୁ ନେଇ ଆଇନର ଦ୍ବାରସ୍ଥ ହୋଇଥିବାରୁ ସମସ୍ୟା ଉପୁଜିଥିବା ଶ୍ରୀ ଅଗ୍ରୱାଲ ପ୍ରକାଶ କରିଛନ୍ତି । ଅନ୍ୟପଟେ, ଏହି ଘଟଣାକୁ ଶ୍ରୀ ସାହୁ ମଧ୍ୟ ସ୍ୱୀକାର କରିଛନ୍ତି । ତେବେ, ଜମି ବିକ୍ରି ପୂର୍ବରୁ ହୋଇଥିବା କ‌ଥାବାର୍ଭା ମୁତାବକ ତାଙ୍କ ଅବଶିଷ୍ଟ ଟଙ୍କା ପ୍ରଦାନ କରିବାକୁ ସେ ଅନରୋଧ କରିଛନ୍ତି । ଚକ୍ସି

ମୁତାବକ ଟଙ୍କା ନପାଇ ଶ୍ରୀ ସାହୁ ଆଶା ଆଶଙ୍କା ମଧ୍ୟରେ ରହିଥ‌ିବା ବେଳେ ହଇରାଣ ହରକତ ହେଉଥିବା ପ୍ରକାଶ କରିଛନ୍ତି ।

ପ୍ରକାଶ ଯେ, ଶ୍ରୀ ସାହୁଙ୍କ ପତ୍ନୀ ତୁଷୁରା ଅଞ୍ଚଳରେ ଥିବା ଏକ ବିଦ୍ୟାଳୟରେ ରୋଷେୟା ଭାବେ କାମ କରୁଥିବାରୁ ସେ ନିଜ ପତ୍ନୀ ଓ ୨ ଝିଅଙ୍କ ସହ ଗାଁରେ ନ ରହି ତୁଷୁରା ଅଞ୍ଚଳରେ ରହୁଛନ୍ତି । ନିଜ ଜମି ବିକ୍ରିର ଅବଶିଷ୍ଟ ଟଙ୍କା ଯୋଗାଇ ଦେବାକୁ ଶ୍ରୀ ସାହୁ ନିବେଦନ କରିଛନ୍ତି । ଗଇଁନ୍ତଲାର ଶ୍ରୀ ସାହୁ ଏକ ଉଦାହରଣ ମାତ୍ର । ବଲାଙ୍ଗିରରେ ଏଭଳି ଅନେକ ଘଟଣା ଘଟୁଥିବା ବେଳେ ମଧ୍ୟସ୍ଥି ଏହାର ସୁଯୋଗ ନେଇ ଲାଭବାନ ହେଉଛନ୍ତି । ଅନେକ ସମୟରେ ବିକ୍ରେତା କ୍ଷତିଗ୍ରସ୍ତ ହେଉଥିବା ଦେଖିବାକୁ ମିଳିଛି । ପରେ କେତେକ ମାମଲା ସମାଧାନ ହେଉ ଥିଲେ ହେଁ ଅନେକ ଆଇନ ଜାଲରେ ଛନ୍ଦି ଯାଉଛି ।