18-May-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ଜିଲ୍ଲା ସୋନପୁର ପଟାଭାଡିସ୍ଥିତ କୋଶଳ ଆବାସିକ ବିଦ୍ୟାଳୟ ଅଡିଟୋରିୟମ ଠାରେ ୧୩ତମ ଜିଲ୍ଲାସ୍ତରୀୟ ଆନ୍ତର୍ଜାତୀୟ ଆର୍ଟ ଅଫ ଗିଭିଙ୍ଗ ଉତ୍ସଵ ମହାସମାରୋହରେ ପାଳିତ ହୋଇଯାଇଛି ।ଚଳିତ ବର୍ଷର ଥିମ ରହିଥିଲା ସେୟାର ଟୁ ସାଇନ ।କିସ ଜିଲ୍ଲା ସଂଯୋଜକ ପ୍ରଭଞନ ପୁଝାରୀଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପଖଣ୍ଡ ପୋଲିସ ଅଧିକାରୀ କଲ୍ୟାଣୀ ବେହେରା ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବରେ ସମାଜସେବୀ ଶ୍ରୀବତ୍ସ ମଲ୍ଲିକ,କୋଶଳ ଆବାସିକ ବିଦ୍ୟାଳୟର ପ୍ରଧାନ ଶିକ୍ଷକ ପରମାନନ୍ଦ ନାଏକ,ଶିକ୍ଷକ ବ୍ରତାନନ୍ଦ ଭୋଇ,କଳିଙ୍ଗ ଟିଭି ଜିଲ୍ଲା ପ୍ରତିନିଧି ଶେଷଦେବ ବାରିକ, ବରିଷ୍ଠ କ୍ରୀଡା ଶିକ୍ଷକ ସଂଜୟ କୁମାର ସାହୁ ପ୍ରମୁଖ ଅତିଥି ଭାବରେ ଯୋଗଦେଇ ଡଃ.ଅଚ୍ୟୁତ ସାମନ୍ତଙ୍କ ମହନୀୟତା ଉପରେ ଆଲୋକପାତ କରିଥିଲେ । ସେବାର ପୂଝାରୀ ଭାବରେ ସେବା ମନୋଭାବ ରଖି କାର୍ଯ୍ୟ କରିବା ସହିତ ବହୁମୁଖୀ ଭାବରେ ସମାଜ ସେବା କାର୍ଯ୍ୟକରି ସମାଜରେ ସେ ପ୍ରିୟ ଭାଜନ ହୋଇ ପାରିଛନ୍ତି ।କେବଳ ସେତିକି ନୁହେଁ ସେବା ସହିତ ଗାଁ ଗହଳିରେ ବସବାସ କରୁଥିବା ଯୁବ ପ୍ରତିଭା ମାନଙ୍କୁ ଚିହ୍ନଟ କରି କ୍ରୀଡା କ୍ଷେତ୍ରରେ କିଭଳି ଆଗକୁ ଯାଇ ପାରିବେ ସେନେଇ ଚଳିତ ବର୍ଷ ପ୍ରତ୍ୟହ ବ୍ଲକରେ ଭଲିବଲ ଖେଳାଳିଙ୍କୁ ଭଲିବଲ,ନେଟ,ଜରସି ଆଦି ପ୍ରଦାନ କରାଯାଇଥିଲା । ଦୁଇଶହରୁ ଉର୍ଦ୍ଧ ଛାତ୍ର ଽଛାତ୍ରୀଙ୍କୁ ନେଇ ଏହି ଆନ୍ତର୍ଜାତୀୟ ଆର୍ଟ ଅଫ ଗିଭିଙ୍ଗ ମହାସମାରୋହରେ କୋଶଳ ହାଇସ୍କୁଲରେ ପାଳନ କରାଯାଇଥିବା ବେଳେ ସେହିଦିନ ଛାତ୍ର ଓମଙ୍କ ଜନ୍ମଦିନ ପଡୁଥିବାରୁ ସମସ୍ତ ଅତିଥି ଓମ ଭାଇଙ୍କୁ ବନ୍ଦାପନା କରିବା ସହିତ କେକ କାଟି ତାଙ୍କ ଦିର୍ଘାୟୁ କାମନା କରିଥିଲେ । ବିଶେଷକରି ଡଃ.ଅଚ୍ୟୁତ ସାମନ୍ତଙ୍କ ନୀତୀ ଆଦର୍ଶରେ ଅଣୁପ୍ରାଣିତ ହେବାକୁ ସମସ୍ତଙ୍କୁ ବୁଝାଇଥିଲେ ।ଆଜିର ଏହି କାର୍ଯ୍ୟକ୍ରମରେ କୋଶଳ ହାଇସ୍କୁଲର ଶିକ୍ଷୟିତ୍ରୀ ସ୍ମିତା ନନ୍ଦ,ସଭାପରିଚାଳନା କରିଥିବା ବେଳେ ବିଦ୍ୟାଳୟର କ୍ରୀଡା ଶିକ୍ଷକ ସଂଜୟ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।