18-May-2026

ବଲାଙ୍ଗିର (ପ୍ରେରଣା ଖବର): ବଲାଙ୍ଗିର କୋଶଲ କଳା ମଣ୍ଡଳ ଠାରେ ଦୁଲଦୁଲି କଲା ପରିଷଦ ପକ୍ଷରୁ ନବମ ଲୋକକଳା ଉତ୍ସଵ ଅନୁଷ୍ଠିତ ହେବ। ୨୧ ରୁ ୨୪ ତାରିଖ ଯାଏ ଏହି ଉତ୍ସବ ପାଳନ କରାଯିବ। ଆଜି ବଲାଙ୍ଗିର ସାମ୍ୱାଦିକ ଭବନ ଠାରେ ଆୟୋଜକ କମିଟି ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଏହି କଥା ଘୋଷଣା କରାଯାଇଛି। ଏହି ସମ୍ମିଳନୀରେ ସଭାପତି ଅନନ୍ତ ଦାଶ, ସମ୍ପାଦକ ବାସୁଦେବ ସା, ଚଳଚ୍ଚିତ୍ର ଅଭିନେତ୍ରୀ ବିଦୁସ୍ମିତା ଦାଶ ମନ୍ତ୍ରୀ, ରସରାଜ ଅଚ୍ୟୁତ ପୁରୋହିତ, କଣ୍ଠଶିଳ୍ପୀ ବ୍ୟାସଦେବ ପୁରୋହିତ, ସଂଗଠକ ଶତ୍ରୁଘନ ପାଣିଗ୍ରାହୀ, କବି ନିଗମାନନ୍ଦ ନାଥ, ନୃତ୍ୟଶିଳ୍ପୀ ସ୍ୱରୂପା ସିଂ, ଜିଲ୍ଲା କଳସଂସ୍କୃତି ସଂଘ ଉପସଭାପତି ସୁଦାମ ବିଶି, ସାମ୍ବାଦିକ କୁନା ବାଗ ମଞ୍ଚାସୀନ ଥିଲେ। ଦୁଲଦୁଲି କଲା ପରିଷଦର ୨୫ ବର୍ଷ ପୂର୍ତ୍ତୀ ଉପଲକ୍ଷେ ନବମ ଲୋକ କଳା ଉତ୍ସବ ଅନୁଷ୍ଠିତ ହେବ। ଏହି ଉତ୍ସବରେ ରାଜ୍ୟ ର ୧୫ଟି ତଥା ରାଜ୍ୟ ବାହାରର ୪ଟି ସାଂସ୍କୃତିକ ଦଳ ଯୋଗ ଦେବେ। ଉତ୍ସଵ ମାଧ୍ୟମରେ ଲୋକ କଳାକାର ମାନଙ୍କୁ ନିଜର କଳା ଦେଖାଇବାର ସୁଯୋଗ ଦେବା ସହ ପ୍ରୋତ୍ସାହନ ଦିଆୟିବ ବୋଳି ଦୁଲଦୁଲି କଲା ପରିଷଦ ର କର୍ମକର୍ତ୍ତା ସୂଚନା ଦେଇଛନ୍ତି। ତେବେ ୨୧ ତାରିଖ ସାଂସ୍କୃତିକ ଶୋଭାଯାତ୍ରା ସହର ପରିକ୍ରମା କାର୍ଯ୍ୟକ୍ରମ ଥିବା ବେଳେ ୨୨ ରୁ ୨୪ ତାରିଖ ଯାଏ କୋଶଲ କଲା ମଣ୍ଡପ ମଞ୍ଚରେ ସାଂସ୍କୃତିକ ଦଳ ତାଙ୍କ କଳା ପ୍ରଦର୍ଶନ କରିବେ। ଏହି ଅବସରରେ ଲୋକକଳା ଉତ୍ସବର ଲୋଗୋ ମଧ୍ୟ ଉନ୍ମୋଚନ ହୋଇଥିଲା।