15-May-2026

ସୁବର୍ଣ୍ଣପୁର( ମନୋରଞ୍ଜନ ତ୍ରିପାଠୀ )
 କେନ୍ଦ୍ର ସାହିତ୍ୟ ଏକାଡେମୀ ଏବଂ ଜିଲ୍ଲା ସଂସ୍କୃତି ପରିଷଦ, ସୁବର୍ଣ୍ଣପୁରର ମିଳିତ ଆନୁକୂଲ୍ୟରେ ବିଶିଷ୍ଟ ସାହିତ୍ୟିକ ମହାପାତ୍ର ନୀଳମଣି ସାହୁଙ୍କ ଜନ୍ମ ଶତବାର୍ଷିକୀ ଅବସରରେ ଆଜି ଜିଲ୍ଲା ସଂସ୍କୃତି ଭବନ ଠାରେ ଏକ ଗମ୍ଭୀର ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ଉଦଘାଟନୀ ଅଧିବେଶନରେ ଗୌରହରି ଦାସ ସଭା ମୁଖ୍ୟ ଭାବେ ସଭା ପରିଚାଳନା କରିଥିବାବେଳେ ସୁବର୍ଣ୍ଣପୁର ଜିଲ୍ଲାପାଳ ନୃପରାଜ ସାହୁ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ପ୍ରଖ୍ୟାତ ଓଡ଼ିଆ ଲେଖକ ଶ୍ରୀନିବାସ ଉଦଗାତା ଉଦଘାଟନୀ ଅଭିଭାଷଣ ପ୍ରଦାନ କରିଥିବାବେଳେ ବିଶିଷ୍ଟ ସମାଲୋଚକ କାଳିଦାସ ମିଶ୍ର ମୂଳ ଭାଷଣ ରଖିଥିଲେ। ଓଡ଼ିଆ ଉପଦେଷ୍ଟା ପରିଷଦ ସାହିତ୍ୟ ଏକାଡେମୀ ମନୋଜ କୁମାର ପଣ୍ଡା,  କଲିକତା ସାହିତ୍ୟ ଏକାଡେମୀ ଆଞ୍ଚଳିକ କାର୍ଯ୍ୟାଳୟ ସହାୟକ ସଂପାଦକ କ୍ଷେତ୍ର ବାସୀ ନାଏକ ସ୍ବାଗତ ଅଭିଭାଷଣ ପ୍ରଦାନ କରିଥିଲେ l ଜିଲ୍ଲା ସାଂସ୍କୃତିକ ପରିଷଦ ସୁବର୍ଣ୍ଣପୁର ସୌରଭ ରଞ୍ଜନ ଖମାରୀ ସମ୍ମାନିତ ଅତିଥି ଭାବରେ ଯୋଗଦେଇ ମହାପାତ୍ର ନୀଳମଣି ସାହୁ ଙ୍କ ସାହିତ୍ୟ ଉପରେ ସ୍ମୁତି ଚାରଣ କରିଥିଲେ l 
ମୁଖ୍ୟ ଅତିଥି ଜିଲ୍ଲାପାଳ ନୃପରାଜ ସାହୁ ତାଙ୍କ ବକ୍ତବ୍ୟରେ କହିଥିଲେ ଯେ, ଯେଉଁ ପର୍ଯ୍ୟନ୍ତ ଆମ ଚିତ୍ତ ବିଗଳିତ ନ ହେଉଛି ସେ ପର୍ଯ୍ୟନ୍ତ ଆମେ ସାରସ୍ୱତ କ୍ଷେତ୍ରରେ ସଫଳତା ର ଶୀର୍ଷ କୁ ପହଞ୍ଚିବା ସହଜ ହେବ ନାହିଁ l ମହାପାତ୍ର ନୀଳମଣି ସାହୁ  ପରମାତ୍ମା ସହ ଯୋଡ଼ି ହୋଇ ଲେଖା ଆରଂଭ କରୁଥିଲେ ଲ ଏଵଂ ପ୍ରତ୍ୟେକ ସୃଷ୍ଟି ରେ ଶଦ୍ଧ ରେ ତାଙ୍କ ଜୀବନ ଗାଥା ଲେଖିଛନ୍ତି l ସେ ଜଣେ  ଯିଏକି ତାଙ୍କ ଲେଖାରେ ସତ କୁ ସ୍ୱୀକାର କରନ୍ତି l  ସେ ଅନ୍ୟମାନଙ୍କୁ ସମ୍ମାନ ଦେବାରେ ଅସୀମ ଉଦାର ଥିଲେ। ତାଙ୍କ ରଚନା “ମୁଁ କାହିଁକି ଲେଖେ” ଓ “ମୁଁ ଗଳ୍ପ ଲେଖେ କାହିଁକି” ଅତ୍ୟନ୍ତ ହୃଦୟସ୍ପର୍ଶୀ ବୋଲି ସେ କହିଥିଲେ। ନୀଳମଣି ସାହୁ ତାଙ୍କ ଘରର ନାମ “ଆକାଶ ପାତାଳ” ରଖିଥିବା ସହ ଆକାଶରୁ ପାତାଳ ପର୍ଯ୍ୟନ୍ତ ତାଙ୍କ ମନର ଗତି ଥିବା କଥା କହୁଥିଲେ। ଏକ ଅଦୃଶ୍ୟ ଶକ୍ତି ତାଙ୍କ କଲମକୁ ଚାଳନା କରୁଥିବା ଉଲ୍ଲେଖ କରି ଜିଲ୍ଲାପାଳ କହିଥିଲେ ଯେ, ନୀଳମଣି ସାହୁଙ୍କ ଜୀବନ ଓ ସାହିତ୍ୟରୁ ଆମେ ଜୀବନ ଜୀଇଁବାର ମାର୍ଗ ଶିଖିବା ଆବଶ୍ୟକ। ସଭା ପ୍ରାରମ୍ଭ ରେ ମା ସୁରେଶ୍ଵରୀ ଙ୍କ ଫଟୋ ଚିତ୍ର ଓ ମହାପାତ୍ର ନୀଳମଣି ସାହୁ ଙ୍କ ଫଟୋ ଚିତ୍ର ରେ ପୂଜା ଅର୍ଚ୍ଚନା କରା ଯାଇଥିଲା l  କୋଶଳ ଉଚ୍ଚ ବିଦ୍ୟାଳୟ ର ଛାତ୍ରୀ ଙ୍କ ଦ୍ଵାରା ସ୍ବାଗତ ସଙ୍ଗୀତ ପରିବେଷଣ କରା ଯାଇଥିବା ବେଳେ ବରେଣ୍ୟ ଅତିଥି ମାନଙ୍କୁ ମହା ନଦୀ ଧାରା ସୋନପୁର ପକ୍ଷରୁ ଉପ ଢ଼ୌକନ ମଲି ମାଳ ଓ ପୁସ୍ତକ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା l    ଶ୍ରୀ ଖମାରୀ ଧନ୍ଯବାଦ ଅର୍ପଣ କରିଥିଲେ l ପ୍ରଥମ ଅଧିବେଶନ ରେ ବିଶିଷ୍ଟ ସାହିତ୍ୟକ ବିଜୟ କୁମାର ଶତପଥି ପ୍ରବନ୍ଧ ଉପସ୍ଥାପନ କାର୍ଯ୍ଯ କ୍ରମ ରେ ସଭା ମୁଖ୍ୟ ଥିଲେ l ସାହିତ୍ୟିକା ତଥା ପ୍ରାବନ୍ଧିକା ଚିରଶ୍ରୀ ଇନ୍ଦ୍ର ସିଂ, ପ୍ରାବନ୍ଧିକ ତଥା ପ୍ରଫେସର ଦେବାଶିଶ ମହାପାତ୍ର, ଦେବାଶିଷ ପାଣ୍ଡିଆ ପ୍ରବନ୍ଧ ଉପସ୍ଥାପନ କରି ଦର୍ଶକ ଙ୍କୁ ବାନ୍ଧି ରଖି ମାହାପାତ୍ର ନୀଳମଣୀ ସାହୁ ଙ୍କ ନାଁ କେବଳ ନ ଥିଲା ନୀଳମଣୀ ସ୍ପର୍ଶ ମଣି ବୋଲି କହିଥିଲେ  l ଦ୍ୱିତୀୟ ଅଧିବେଶନ ରେ ଅତିଥି ତଥା ପ୍ରାବନ୍ଧିକ ଅରବିନ୍ଦ ରାୟ ସଭା ମୁଖ୍ୟ ଥିବା ବେଳେ ପ୍ରାବନ୍ଧିକ ଭାଗିରଥୀ ମିଶ୍ର ଓ ପୁରୁଷୋତ୍ତମ ମିଶ୍ର ପ୍ରବନ୍ଧ ଉପସ୍ଥାପନ କରି ଥିଲେ l