15-May-2026

ବଲାଙ୍ଗିର- ବଲାଙ୍ଗିର ଆମ ଆଦମୀ ପାର୍ଟି ଜିଲ୍ଲା ସଭାପତି ତଥା ରାଷ୍ଟ୍ରୀୟ ପରିଷଦ ସଦସ୍ୟ ଆଶିଷ ପାଣ୍ଡେଙ୍କ ନେତୃତ୍ୱରେ ମହାମହିମ ରାଷ୍ଟ୍ରପତି ଙ୍କୁ ବଲାଙ୍ଗିର ଜିଲ୍ଲାପାଳ ଙ୍କ ଜରିଆରେ ନିଟ୍ ପରୀକ୍ଷାରେ ଘଟିଥିବା ପେପର ଲିକ ଓ ସରକାରଙ୍କ ଅପାରଗତ ବିରୋଧରେ ଏବଂ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପଧାନଙ୍କ ଇସ୍ତାଫା ଦାବି ଙ୍କୁ ନେଇ ଦାବିପତ୍ର ଦିଆଯାଇଛି ଏବଂ ଶ୍ରୀ ପାଣ୍ଡେ କହିଛନ୍ତି ଦେଶର ସବୁଠାରୁ ଗୁରୁତ୍ୱପୂର୍ଣ୍ଣ ପ୍ରବେଶିକା ପରୀକ୍ଷା ନିଟ୍ ରେ ହୋଇଥିବା ପେପର ଲିକ୍ ଘଟଣା ଦେଶର ୨୨ ଲକ୍ଷ ଛାତ୍ର ଛାତ୍ରୀଙ୍କ ଭବିଷ୍ୟତକୁ ଅନ୍ଧକାରରେ ପକାଇ ଦେଇଛି । ଏହା ଶିକ୍ଷା ବ୍ୟବସ୍ଥାର ନିସ୍ପକ୍ଷତା ଓ ପ୍ରତିଶୃତି ଉପରେ ଗୁରୁତର ପ୍ରଶ୍ନ ଉଠାଇଛି । କାରଣ ଏହି ସରକାର ସମୟରେ ଏହି ଘଟଣା ପ୍ରଥମ ନୁହେଁ ଅନେକ ଥର ବିଭିନ୍ନ ପରିକ୍ଷାର ବିଭିନ୍ନ ପେପର ଲିକ ହୋଇଛି ଖାସ କରି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କାର୍ଯ୍ୟକାଳ ରେ ୨୦୨୧,୨୦୨୪, ୨୦୨୬ ରେ ଅନେକ ପେପର ଲିକ୍ ହୋଇଛି । ତେଣୁ ଏ ସରକାର ପରକ୍ଷା କରିବାରେ ମଧ୍ୟ ଆସକ୍ଷମ ବାରମ୍ବାର ପେପର ଲିକ୍ ହୋଉଛି ଏଥି ପାଇଁ କେନ୍ଦ୍ର ଶିକ୍ଷାମନ୍ତ୍ରୀ ଦାୟୀ ଏବଂ ସରକାର ଦାୟୀ ତେଣୁ କେନ୍ଦ୍ର ଶିକ୍ଷାମନ୍ତ୍ରୀଙ୍କୁ ପଦରୁ ବହିଷ୍କାର କରିବା ଉଚିତ । ଏହିପରି ଘଟଣାକୁ ରୋକିବାକୁ ସରକାର ବାରମ୍ବାର ବିଫଳ ହୋଇଥିବାରୁ ଛାତ୍ର ଛାତ୍ରୀ ଓ ତାଙ୍କ ପରିବାର ମନୋବେଦନା ଓ ଅନିଶ୍ଚିତତା ରେ ଅଛନ୍ତି । ଆମେ ଏହାକୁ ବିଜେପି ସରକାର ଡବଲ ଇଞ୍ଜିନ ସରକାରର ବୃହତ ଅପାରଗତା ଭାବେ ଦେଖୁଛୁ । ନିଟ୍ ପରୀକ୍ଷା ପେପର ଲିକ୍ ଘଟଣାରେ ଉଚ୍ଚ ସ୍ତରୀୟ ନିସ୍ପକ୍ଷ ତଦନ୍ତ କରାଯାଉ, କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ମନ୍ତ୍ରୀ ପଦରୁ ବହିଷ୍କାର କରାଯାଉ, ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯାଉ, ଛାତ୍ର ଛାତ୍ରୀଙ୍କ ନ୍ୟାୟ ପାଇଁ ପୁନଃ ପରୀକ୍ଷା କିମ୍ବା ଯୋଗ୍ୟ ବିକଳ୍ପ ବ୍ୟବସ୍ଥା କରାଯାଉ, ଭବିଷ୍ୟତରେ ଏପରି ଘଟଣା ନ ଘଟିବା ପାଇଁ କଡା ସୁରକ୍ଷା ବ୍ୟବସ୍ଥା ଲାଗୁ କରାଯାଉ । ଏହି ଗୁରୁତର ସମସ୍ୟା ବିଷୟରେ ତୁରନ୍ତ ସରକାର ସ୍ପେସିଆଲ ଟିମ୍ କରି ତଦନ୍ତ କରୁ ଏବଂ କେନ୍ଦ୍ର ଶିକ୍ଷାମନ୍ତ୍ରୀ ଙ୍କୁ ବହିଷ୍କାର କରୁ ନଚେତ ବଲାଙ୍ଗିର ଆମ ଆଦମୀ ପାର୍ଟି ତରଫରୁ ଆଗାମୀ ଦିନରେ ତୀବ୍ର ଆନ୍ଦୋଳନ ହେବ । ଏହି କାର୍ଯ୍ୟକ୍ରମରେ ଆପ ବଲାଙ୍ଗିର ୟୁଥ ୱିଙ୍ଗ ଇନଚାର୍ଜ ରମାକାନ୍ତ ବେହେରା, ବଲାଙ୍ଗିର ବିଧାନସଭା ଜଏଣ୍ଟ ସେକ୍ରେଟାରୀ କାହ୍ନୁ କରଣ, ପଙ୍କଜ ସାହୁ, ପ୍ରମୋଦ ବହିଦାର, ବାଳକୃଷ୍ଣ ନାଏକ, ସୁନ୍ଦର ରାଇ ଏବଂ ଆହୁରି ପାର୍ଟି ର ସକ୍ରିୟ ସଦସ୍ୟ ସୁମନ୍ତ ବାଗ, ପ୍ରଦିପ ନାଗ, ଦିପେଶ ଝାଙ୍କର, ରାଧାମୋହନ ମାଝି ଆଦି ଉପସ୍ଥିତ ରହି କେନ୍ଦ୍ର ସରକାରକୁ ଦୃଢ ନିନ୍ଦା କରିଥିଲେ ।