11-May-2026

କଟକ(ତପନ ମହାନ୍ତି) : କଟକ ଡେଭଲପମେଣ୍ଟ ଅଥରିଟି (ସିଡିଏ) ପକ୍ଷରୁ ମହାନଦୀବିହାର ଡେଭଲପମେଣ୍ଟ ଆସୋସିଏସନ ଓ ଜଗନ୍ନାଥ ସାଂସ୍କୃତିକ ପରିଷଦର ମିଳିତ ସହ‌ଯୋଗରେ ପବିତ୍ର ଚନ୍ଦନ ଯାତ୍ରା ୪୭ ନଂ. ୱାର୍ଡ ମହାନଦୀବିହାରସ୍ଥିତ ଶ୍ରୀ ଜଗ ଜଗନ୍ନାଥ ଉଦ୍ୟାନ ପରିସରରେ ଦୁଇଦିନ ଧରି ଅନୁଷ୍ଠିତ ହୋଇଯାଇଛି। ଉଦ୍ୟାନ ପରିସରରେ ସୁନ୍ଦର ଆଲୋକ ସଜ୍ଜା, ପୁଷ୍ପ ସଜା ଓ ଆକର୍ଷଣୀୟ ଆତସବାଜି ପ୍ରଦର୍ଶନୀ ମଧ୍ୟରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବା ସ‌ହିତ ମହାପ୍ରଭୁଙ୍କ ପବିତ୍ର ଚାପ ଖେଳ ଅନୁଷ୍ଠିତ ହୋଇଥିଲା। ଏମ୍‌ଡିଏ ସଞ୍ଜୟ କୁମାର ଜେନାଙ୍କ  ସଭାପତିତ୍ୱରେ ଆୟୋଜିତ ଏହି କାର୍ଯ୍ୟ କ୍ରମରେ ବିଧାୟକ ସୌଭିକ ବିଶ୍ଵାଳ ମୁଖ୍ୟଅତିଥି ଭାବେ ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସିଡିଏ ମେମ୍ବର ଇଂ. ଅତନୁ ସାମନ୍ତ, ଏହି ଏସିପି ଜୋନ୍ -୫ ସୁଧାଂଶୁ ଜେନା, ଚାଉଳିଆଗଞ୍ଜ ଥାନା ଆଇଆଇସି ବିୟୁଟି ମହାନ୍ତି, ୪୭ ନଂ. ଓ୍ବାର୍ଡ କର୍ପୋରେଟର ଇଂ.ସୁବ୍ରତ ଘଡେଇ ପ୍ରମୁଖ ଯୋଗ ଦେଇଥିଲେ।

ଦ୍ଵିତୀୟ ଦିନରେ ଅତିଥି ଭାବେ ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ବାଳ, ବିଜେପି ନେତା ଶ୍ରୀତମ ଦାସ, ଓର୍‌ମାସ କାର୍ଯ୍ୟ ନିର୍ବାହୀ ଅଧୂକାରୀ ବିପିନ ରାଉତ, କଟକ କ୍ଲବ ସମ୍ପାଦକ ଶୁଭେନ୍ଦୁ ପଟ୍ଟନାୟକ, ଏମ୍‌ଡିଏ ସମ୍ପାଦକ ହିମାଂଶୁ ଷଡ଼ଙ୍ଗୀ, ଉପସଭାପତି ସରୋଜ ସ୍ବାଇଁ, ଜ୍ଞାନ ରଞ୍ଜନ ଦାସ, ପ୍ରଭାକର ରଣା, ଜଗନ୍ନାଥ ସାଂସ୍କୃତିକ ପରିଷଦର କାର୍ଯ୍ୟକାରୀ ସଭାପତି ଇଂ.ସୁବୋଧ ରାଉତରାୟ, ଉପସଭାପତି ବୈକୁଣ୍ଠ ନାଥ ଆଚାର୍ଯ୍ୟ, ସହ ସମ୍ପାଦକ ରାକେଶ ତ୍ରିପାଠୀ, କୋଷାଧ୍ଯକ୍ଷ ଶଶି ଭୂଷଣ ନାୟକ ପ୍ରମୁଖ ଉପସ୍ଥିତ ଥିଲେ। ଗାଲେଖ ଚନ୍ଦ୍ର କାନୁନଗୋ, ବରଦା ପ୍ରସନ୍ନ ନାୟକ, ବିଷ୍ଣୁ ପ୍ରସାଦ କର, ଶରତ ଚନ୍ଦ୍ର ଦାସ, ପ୍ରମୋଦ ଦାସ, ମହେନ୍ଦ୍ର ନାଥ ପଣ୍ଡା, ପ୍ରହ୍ଲାଦ ଚନ୍ଦ୍ର ମହାନ୍ତି, ଇଂ.ଗାପାଳ ଚନ୍ଦ୍ର ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହ‌ଯୋଗ କରିଥିଲେ ଜଗନ୍ନାଥ ସାଂସ୍କୃତିକ ପରିଷଦର ସଭାପତି ଚତୁର୍ଭୁଜ ମହାପାତ୍ର ଧନ୍ୟବାଦ ଦେଇଥିଲେ।