07-May-2026

ବଲାଙ୍ଗିର(ପ୍ରେରଣା ଖବର):ଚଳିତ ବର୍ଷ ମାଟ୍ରିକ ପରୀକ୍ଷାରେ ବଲାଙ୍ଗିର ଜିଲ୍ଲା ପୁଇଁନ୍ତଲା ବ୍ଲକ ମହୀମୁଣ୍ଡା ପିଏମ୍ ଶ୍ରୀ ସରକାରୀ ଉଚ୍ଚ ବିଦ୍ୟାଳୟର ଛାତ୍ର ଶିବ ନାରାୟଣ ସେଲମା ସର୍ବାଧିକ ନମ୍ବର ରଖି ବ୍ଲକ ସ୍ତରରେ ଟପ୍ପର ହୋଇଛନ୍ତି। ଛାତ୍ର ସେଲମା ଯାଦବ ସମାଜର ହୋଇଥିବାରୁ ପୁଇଁନ୍ତଲା ବ୍ଲକ ଯାଦବ ସମାଜ ଜାତିର ଗର୍ବ ମନେ କରି ଉତ୍ସାହିତ ହେବା ସହ ତାଙ୍କ ମହାଦେବପାଲି ସ୍ଥିତ ବାସଭବନ କୁ ଯାଇ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମାଜ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା !  ଛାତ୍ର ଶ୍ରୀମାନ ସେଲମା ଜିଲ୍ଲା ଯାଦବ ମହାସଭାର ଉପସଭାପତି ପ୍ରଦୀପ କୁମାର ସେଲମା ଓ ଶ୍ରୀମତୀ ଦୀପା ସେଲମା ଙ୍କ ସୁପୁତ୍ର ଅଟନ୍ତି।
ଏହି ସମ୍ବର୍ଦ୍ଧନା ପର୍ବରେ ବ୍ଲକ ଯାଦବ ସମାଜର ସଭାପତି ଅନିରୁଦ୍ଧ ବଗର୍ତ୍ତୀ, ସାଧାରଣ ସଂପାଦକ ଜଗନ୍ନାଥ ଚନ୍ଦନ, ଉପସଭାପତି ଚନ୍ଦ୍ର ବଦନ ବଗର୍ତ୍ତୀ, ଜିଲ୍ଲା ସହ ସଂପାଦକ ଦେବେନ୍ଦ୍ର ହାତୀ, ଯୁବ ଯାଦବ ସଂପାଦକ ସଚିତା ନନ୍ଦ ବଗର୍ତ୍ତୀ, ପିତାମ୍ବର ବାଙ୍କ, ସମ୍ପତ୍ତି ବାଗ, ରଘୁନାଥ ମଟାରୀ, ପାର୍ଥ ପୋଡ଼, ଚମ୍ପେଶ୍ୱର ବାଗଙ୍କ ସମେତ ଯାଦବ ସମାଜର କର୍ମକର୍ତ୍ତା ମାନେ ଉପସ୍ଥିତ ଥିଲେ।