03-May-2026

କଟକ(ତପନ ମହାନ୍ତି): ରାଜ୍ୟ ବାହାରେ ବିଜେଡି ଦଳର ଆକାଉଣ୍ଟ ଖୋଲା ଯାଇଥିବା ବିଷୟ ଦଳର ସଭାପତିଙ୍କୁ  ପୂର୍ବତନ ବିଧାୟକ ପ୍ରଭାତ ବିଶ୍ୱାଳ ଜଣାଇବାରୁ ଦଳ ଶ୍ରୀ ବିଶ୍ୱାଳଙ୍କୁ  ବହିଷ୍କାର କରିଛି। ସେହିପରି ବିଧାୟକ  ସୌ୍ଭିକ ବିଶ୍ୱାଳ ପିତାଙ୍କ ପ୍ରତି ହୋଇଥିବା ଅନ୍ୟାୟର ଉଚିତ ଜବାବ ଦେବାକୁ ଯାଇ ରାଜ୍ୟସଭା ନିର୍ବାଚନରେ ଦଳର ହୁଇପ ଜାରି ହୋଇଥିଲେ ମଧ୍ୟ ଏହାକୁ ବେଖାତିର କରି  କ୍ରସ ଭୋଟିଙ୍ଗ କରି  ଦିଲ୍ଲୀପ ରାୟଙ୍କ ସପକ୍ଷରେ ଭୋଟ ଦେଇଥିଲେ। ଏହାପରେ ଶ୍ରୀ ବିଶ୍ବାଳ କର୍ମୀଙ୍କ ସହିତ 

ବାରମ୍ବାର ରୁଦ୍ଧଦ୍ୱାର ବୈଠକ କରିବା ଦେଖିବାକୁ ମିଳୁଥିଲା। ଆଜି ନିଜର ଶକ୍ତି ପ୍ରଦର୍ଶନ କରିବାକୁଯାଇ ଚୌଦ୍ୱାର କଟକ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଡ. ପ୍ରଭାତ ରଞ୍ଜନ ବିଧାୟକଙ୍କ ଦ୍ୱାର ସ୍ଥାନୀୟ ଓଏମପି ସ୍ଥିତ ଚାଉଳିଆଗଞ୍ଜ  ଖେଳ ପଡିଆରେ କର୍ମୀ ସମିଳନୀ ଅନୁଷ୍ଠିତ ହୋଇଥିଲା। ଆୟୋଜିତ ସମିଳନୀରେ ଶ୍ରୀ ବିଶ୍ୱାଳ ଚୌଦ୍ୱାରର କପିଳେଶ୍ଵର ମନ୍ଦିରରେ ପୂଜାଅର୍ଚନା କରି ବିଶାଳ ଶୋଭାଯାତ୍ରାରେ  ଚୌଦ୍ୱାର ଦେଇ ଜଗତପୁର ବ୍ୟାରେଜ, ଯୋବ୍ରା, ମାତାମଠ, ନୂଆପାଟଣା, ମଙ୍ଗଳାବାଗ, ଗୋପାଳ ସାହି, ରାଣୀହାଟ ଦେଇ ଚାଉଳିଆଗଞ୍ଜ ଖେଳ ପଡିଆରେ ପହଂଚିଥିଲେ। ସେଠାରେ ଶ୍ରୀ ବିଶ୍ୱାଳଙ୍କୁ କର୍ମୀ ମାନେ ହୁଳହୁଳି, ଉତ୍ତରୀୟ, ପୁଷ୍ପଗୁଛ ଦେଇ ସମ୍ବୋର୍ଦ୍ଧନା ଦେଇଥିଲେ। ପରେପରେ ବୈଷ୍ଣବ ସାମଲ ଙ୍କ  ସଭାପତିତ୍ବରେ ଏକ ସଭାର ଆୟୋଜନ କରାଯାଇଥିଲା। ମଞ୍ଚରେ ବସିଥିବା ଅତିଥି ମାନଙ୍କର 

ପରିଚୟ ପ୍ରଦାନ କରାଯାଇଥିଲା। ଅତିଥିମାନେ ସେମାନଙ୍କର ଭାଷଣ ରଖିଥିଲେ। ଆୟୋଜିତ ସଭାରେ ୧୦ହଜାରରୁ ଉର୍ଦ୍ଧ କର୍ମୀଙ୍କ ସମାଗମ ଦେଖିବାକୁ ମିଳିଥିଲା। ପ୍ରକାଶ ଥାଉକି ୧୫ ଶହରୁ ଉର୍ଦ୍ଧ କର୍ମୀ ଆଜି ବିଜେଡି ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିଲେ  ସିବେନ୍ଦ୍ର ହାତୀ, ପୂର୍ବାଞ୍ଚଳ ଶାନ୍ତି କମିଟି ସଭାପତି  ବିଜୟ ସାହୁ ସମର୍ଥନ ଜଣାଇଥିଲେ। ଅନ୍ୟମାନଙ୍କ ମଧ୍ୟରେ ଅବସରପ୍ରାପ୍ତ ସଚିବ ପୂର୍ତ୍ତ ବିଭାଗ ଗୋପାଳ କୃଷ୍ଣ ବେହେରା, ପୂର୍ବତନ ସଭାପତି ଅର୍ବାନ ବ୍ୟାଙ୍କ ଶରତ ପ୍ରଧାନ, ସମବାୟ ବିତ ମହେନ୍ଦ୍ର ନାୟକ, ପୂର୍ବାଞ୍ଚଳ ଶାନ୍ତି କମିଟି  ସମ୍ପାଦକ ପ୍ରଫୁଲ୍ଲ ସାହୁ,  ପୂର୍ବତନ ଛାତ୍ର ନେତା ସତ୍ୟ ମହାନ୍ତି, କର୍ପୋରେଟର ସୁବ୍ରତ ଘଡ଼ାଇ, ମିନା ସାହୁ, ପଦ୍ମିନୀ ସାହୁ, ବିଶ୍ୱବନ୍ଦିତା ପଣ୍ଡା, ଅରବିନ୍ଦ ଜେନା, ଯତୀନ୍ଦ୍ର  ବେହେରା, ସବିତା ମାହାଲି, ଚୌଦ୍ୱାର ମୁନିସିପାଲିଟି  ଉପାଧ୍ୟକ୍ଷ  ଶୁଭେନ୍ଦୁ  ସାମଲ, ପୂର୍ବତନ କର୍ପୋରେଟର ପବିତ୍ର ଭୂୟାଁ, ସମେତ କଳାକାର ସଂଘ, ୨୨ଦିଗଭାଗ ସଂକୀର୍ତନ ମଣ୍ଡଳୀର କର୍ମକର୍ତା  ପ୍ରମୁଖ ଉପସ୍ଥିତି ଥିଲେ। ଏହି କାର୍ଯ୍ୟକ୍ରମରେ ଯୋଗଦେଇଥିବା ଚୌଦ୍ୱାର ପୌରପାଳିକାର ଉପାଧ୍ୟାକ୍ଷ ଶୁଭେନ୍ଦୁ ସାମଲଙ୍କୁ ବିଜେଡି  ଦଳ ନିଲମ୍ବିତ କରିଛି।