03-May-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀରର ଅଗ୍ରଣୀ ନୃତ୍ଯ ସଂଗୀତ ଅନୁଷ୍ଠାନ ଖୁସି ସାଂସ୍କୃତିକ ଓ ଗବେଷଣା ଏକାଡେମୀ ତରଫରୁ ଟାଉନ ବାଳିକା ଉଚ୍ଚବିଦ୍ୟାଳୟ ପରିସରରେ ଆନ୍ତର୍ଜାତିକ ନୃତ୍ଯ ଦିବସ ଅବସରରେ ଏକା ନୃତ୍ୟ ସନ୍ଧ୍ୟା ଆୟୋଜନ କରାଯାଇଥିଲା।
ଆୟୋଜିତ ଏହି ନୃତ୍ଯ ସଂଗୀତର ଅପୂର୍ବ  ସଂଯୋଜନାର ଆରମ୍ଭରେ ଅନୁଷ୍ଠିତ ସାଂସ୍କୃତିକ ସଭାରେ ଏକାଡେମୀର ସଭାପତି ପୂର୍ଣ୍ଣଚନ୍ଦ୍ର ତ୍ରିପାଠୀଙ୍କ ସଭାପତିତ୍ବରେ ନାଟ୍ୟକାର, ଲେଖକ, ନିର୍ଦେଶକ ନାଟ୍ୟଭୂଷଣ ଜଗଦାନନ୍ଦ ଛୁରିଆ ମୁଖ୍ଯ ଅତିଥି ଭାବରେ ଯୋଗ ଦେଇଥିବା ବେଳେ, ସମ୍ମାନୀତ ଅତିଥି ଭାବରେ ଓ.ଟିଭି ଜିଲ୍ଲା ପ୍ରତିନିଧି ଘଟେଶ୍ୱର ମିଶ୍ର, ସଂସ୍କୃତି ଗବେଷକ ଅଧ୍ୟାପକ ସନ୍ଦୀପ କୁମାର କୁଅଁର, କବି କପିଳେଶ୍ୱର ଖମାରୀ, ନାଟ୍ୟକର୍ମୀ ରାମ ପ୍ରସାଦ ଦାଶ ଓ ଟାଉନ୍ ବାଳିକା ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ନରେନ୍ଦ୍ରନାଥ ମିଶ୍ର ଯୋଗ ଦେଇ ଥିଲେ। ଅନୁଷ୍ଠାନର ସଂପାଦିକା  ସୁଶ୍ରୀ ଜ୍ୟୋତିରେଖା ତ୍ରିପାଠୀ ମଂଚାସୀନ ହୋଇଥିଲେ। କବି ରତ୍ନମୟ ତ୍ରିପାଠୀ ଉଭୟ କାର୍ଯ୍ୟକ୍ରମ ଓ ସାଂସ୍କୃତିକ ସଭାକୁ

ସଂଯୋଜନା କରିଥିଲେ। ଅତିଥି ମାନେ ଆନୁଷ୍ଠାନିକ ନୃତ୍ଯ ଓ ସଂଗୀତ ଶିକ୍ଷା ଉପରେ ବର୍ତ୍ତମାନ ଗୁରୁତ୍ବାରୋପ କରିବା ସହ  ସମସ୍ତଙ୍କ ସର୍ବାଙ୍ଗୀନ ବିକାଶ ପାଇଁ ନୃତ୍ଯଗୀତର ଆବଶ୍ୟକତା ରହିଥିବା ପ୍ରକାଶ କରି ବଲାଙ୍ଗୀରରେ ଶାସ୍ତ୍ରୀୟ ନୃତ୍ୟର  ପରଂପରା ରହିଥିବା ପ୍ରକାଶ କରିଥିଲେ। ପରେ ପରେ ଆରମ୍ଭ ହୋଇଥିଲା ନୃତ୍ଯ କାର୍ଯ୍ୟକ୍ରମ। ଶ୍ରୀୟା ଙ୍କ ସଂଯୋଜନାରେ ଏକାଡେମୀର ଛାତ୍ରୀ ମାନେ ସୃତି, ସ୍ୱାଧୀନତା, ଆଦ୍ୟା, ସରନ୍ୟା,  ଶ୍ରୀ, ସିଦ୍ଧି, ସ୍ରିଷ୍ଟି, ପ୍ରତୀକ୍ଷା, ଆରାଧ୍ୟା, ପ୍ରିୟଙ୍କା, ପ୍ରିନସି ଓ ଅନ୍ଯମାନେ ଓଡିଶୀ, ଲୋକନୃତ୍ଯ ଓ ଆଧୁନିକ ନୃତ୍ଯ  ପରିବେଷଣ କରିଥିଲେ l