30-Apr-2026

ବଲାଙ୍ଗିର/ତରଭା (ପ୍ରେରଣା ଖବର)- ସୋନପୁର ଜିଲ୍ଲା ତରଭା ବ୍ଲକ ଅନ୍ତର୍ଗତ ବ୍ରାହ୍ମଣୀ ପାଲି ଗ୍ରାମରେ ଗତ ତିନିଦିନ ହେଲା ଏକ ବିଦ୍ୟୁତଟ୍ରାନ୍ସଫର୍ମର ପୋଡିଯାଇଛି। କିନ୍ତୁ ବିଦ୍ୟୁତବିଭାଗ ଉକ୍ତ ଟ୍ରାନ୍ସଫର୍ମରକୁ ବଦଳାଇ ନୂଆ ଲଗାଇବାକୁ ମନାକରୁଥିବା ଅଭିଯୋଗ ହେଉଛି। ଏପରିକି ବକେୟା ବିଲ ପଇଠ ନକଲେଟ୍ରାନ୍ସଫର୍ମର ଲାଗିବ ନାହିଁ ବୋଲି ଖାରୀ ସେକସନ ଅଫିସର ଚେତାବନୀ ଦେଉଛନ୍ତି ବୋଲି ଅଭିଯୋଗ ହୋଇଛି। ଦୁଃଖର ବିଷୟ ଯେ,ବ୍ରାହ୍ମଣୀପାଲି ଗ୍ରାମର ଦଳିତବସ୍ତିକୁ ଏହି ଟ୍ରାନ୍ସଫର୍ମରରୁ ବିଦ୍ୟୁତସଂଯୋଗ ହୋଇଛି ଓ ଭାଗିରଥି ସାହୁ ନାମକ ଜଣେ ଚାଷିଙ୍କ ଦେଢଏକର ଡାଳୁଅ ଧାନଚାଷକୁ ମଧ୍ୟ ଲାଗିଥିବା ମୋଟର ଏହି ବିଦ୍ୟୁତ ସଂଯୋଗରୁ ଚାଲୁଛି । ଟ୍ରାନ୍ସଫର୍ମର ପୋଡିଯାଇଥିବାରୁ ଗ୍ରାମବାସୀ ଖାରୀ ସେକସନ ଅଫିସରଙ୍କୁ ଯୋଗାଯୋଗ କରିଥିଲେ । କିନ୍ତୁ ଦଳିତବସ୍ତିର ଅନେକ ଲୋକଙ୍କର ବିଦ୍ୟୁତବିଲ ବକେୟ ରହିଛି ସେହି କାରଣରୁ ନୂଆ ଟ୍ରାନ୍ସଫର୍ମର ଦିଆଯାଇ ପାରିବ ନାହିଁ ବୋଲି ସେକସନ ଅଫିସର କହିଛନ୍ତି । ଫଳରେ ଫଳରେ ଚାଷି ଭାଗିରଥି ସାହୁ ଓ ଦଳିତବସ୍ତିର ଲୋକଙ୍କ  ମୁଣ୍ଡରେ ଚଡକ ପଡିଛି। ଗତ ତିନିଦିନ ହେଲା ଡିପବୋରୱେଲର ମୋଟର ବିଦ୍ୟୁତ ନଥିବା କାରଣରୁ ଚାଲିପାରୁନାହିଁ । ଆଉ ଦୁଇତିନିଦିନ ମୋଟର ନଚାଲିଲେ ଧାନଚାଷ ମରୁଡିଗ୍ରସ୍ତ ହେବାର ଆଶଂକା ରହିଛି ।  ଏବେ ପ୍ରବଳ ଗ୍ରୀଷ୍ମପ୍ରବାହ ଲାଗିରହିଛି। ଏହି ଅଞ୍ଚଳରେ ପ୍ରାୟ ୪୩ ଡିଗ୍ରୀ ଉପରେ ତାପମାତ୍ରା ରହୁଛି। ବିତ୍ୟୁତ ଚାଲିଯାଇ ଥିବାରୁ ଲୋକମାନେ ବହୁ ଅସୁବିଧାର ସମ୍ମୁଖିନ ହେଉଛନ୍ତି । ତେଣୁ ବିଦ୍ୟୁତ ବିଭାଗର ଉଚ୍ଚକତ୍ତୃପକ୍ଷ ତୁରନ୍ତ ଧ୍ୟାନ ଦେଇ ବ୍ରାହ୍ମଣୀପାଲିର ଟ୍ରାନ୍ସଫର୍ମର ଲଗାଇବାକୁ ଗ୍ରାମବାସୀ ଦାବି କରିଛନ୍ତି । ଏନେଇ ବଲାଙ୍ଗୀର ବିଦ୍ୟୁତସର୍କଲର ଅଧିକ୍ଷଣ ଯନ୍ତ୍ରୀ ଇଂ.ପଣ୍ଡା ଙ୍କୁ ପଚାରିବାରୁ ସେ ଏନେଇ ପଦକ୍ଷେପ ନେଉଛି ବୋଲି କହିଛନ୍ତି ।