20-Apr-2026

ଟିଟିଲାଗଡ଼(ପବିତ୍ର ସାହୁ): ସ୍ଥାନୀୟ କଟକିଆ ପଡା ସ୍ଥିତ ଏସ. ଏଚ.ଜି. ଗୃହ ଠାରେ ଏ. ଆଈ. ଟି. ୟୁ. ସି.ସହ ବନ୍ଧିତ ନିଖିଳ ଓଡିଶା ଆଶା କର୍ମୀ ସଂଘର ଟିଟିଲାଗଡ଼ ସହରାଞ୍ଚଳ କମିଟୀ ଓ ବ୍ଲକ କମିଟୀ ର  ସହଯୋଗ ରେ ସଭାନେତ୍ରୀ ଭୂମିସୁତା ବେହେରା ଓ ବୃନ୍ଦାବତୀ ସରାଫଙ୍କ ମିଳିତ ଆହ୍ୱାନରେ ତଥା ସୁମିତ୍ରା ବେହେରା ଙ୍କ ସଭାପତିତ୍ୱ ରେ ସଂଗଠନର ପରିବର୍ଦ୍ଧିତ ବାର୍ଷିକ ବୈଠକ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ସଂଗଠନର ଜିଲ୍ଲା ସଭାପତି ତଥା ରାଜ୍ୟ ଉପ-ସଭାପତି ତୀର୍ଥ

ପଧାନ ମୁଖ୍ୟ ଅତିଥି ଭାବେ ଯୋଗ ଦେଇ ତାଙ୍କ ବକ୍ତବ୍ୟ ରଖିଥିଲେ l ସଂଘର ଟିଟିଲାଗଡ଼ ସବ ଡିଭିଜନାଲ ସଂଯୋଜକ ପ୍ରବୀର କମ୍ପ ସମ୍ମାନିତ ଭାବେ ଯୋଗ ଦେଇ ବକ୍ତବ୍ୟ ଦେଇଥିଲେ l ସହରାଞ୍ଚଳ କମିଟିର ସମ୍ପାଦିକା ଯଶୋଦା ନନ୍ଦ ସଂଗଠନ ଦ୍ୱାରା ଆଗକୁ ଅନୁଷ୍ଠିତ ହେବାକୁ ଥିବା କାର୍ଯ୍ୟକ୍ରମ ସମ୍ବନ୍ଧେ ସୂଚନା ଦେଇ କମିଟୀର ସମସ୍ୟା ବିଷୟରେ ଆଲୋକପାତ କରିଥିଲେ l ରାଜ୍ୟରେ ବି ଜେ ପି ଶାସିତ ଡବଲ ଇଂଜିନ ସରକାର   କ୍ଷମତା ସିନ ହେଲାପରେ ଆଶା କର୍ମୀଙ୍କ କାର୍ଯ୍ୟଭାର ଅଧିକ ବୃଦ୍ଧି ହୋଇଯାଇଛି କିନ୍ତୁ ପ୍ରୋତ୍ସାହନ ରାଶି ଠିକ ଭାବେ ଦିଯାଉନାହିଁ l ବ୍ୟବସ୍ଥା ଥିଲେ ମଧ୍ୟ ଏପରି କି ବର୍ଷ ବର୍ଷ ଧରି କଣ୍ଟିଜେନସି ବାବଦରେ ପଇସା ଦିଆଯାଉ ନାହିଁ l ଜିଲ୍ଲlରେ ଅସହ୍ୟ ଭାବେ ତାପମାତ୍ରା ବଢିବା ସତ୍ୱେ ସବୁ ବର୍ଗର ଲୋକଙ୍କ ପାଇଁ କାମକରିବାର ସମୟ ନିର୍ଦ୍ଧାରିତ ହୋଇଥିବା ବେଳ ଆଶା କର୍ମୀଙ୍କ ପାଇଁ ସେ ସୁବିଧା ନାହିଁ l ୨୪ ଘଣ୍ଟିଆ କାମ କଲେ ମଧ୍ୟ ସରକାର ତଥା ଜିଲ୍ଲା

ପ୍ରଶାସନ ନିର୍ଦ୍ଧିଷ୍ଟ ସମୟରେ ସଠିକ ପରିମାଣର ପ୍ରାପ୍ୟ ପ୍ରୋତ୍ସାହନ ରାଶି ଆଶା କର୍ମୀଙ୍କୁ ଦିଆଯାଉନାହିଁ  l ଗତ ବର୍ଷରୁ ଆୟୁଷ୍ମାନ ଯୋଜନାରେ କାମ କରାଯାଇଥିବା ପ୍ରୋତ୍ସାହନ ରାଶି ଏପର୍ଯ୍ୟନ୍ତ ମିଳି ନାହିଁ l ଏହି ସବୁ ସମସ୍ୟା କୁ ନେଇ ନିଖିଳ ଓଡିଶା ଆଶା କର୍ମୀ ସଂଘ, ବଲାଙ୍ଗିର ଜିଲ୍ଲା କମିଟି ଦ୍ୱାରା ଆସନ୍ତା ତା ୧୧/୫/୨0୨୬ ରେ ବଲାଙ୍ଗିର ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇ ଦାବୀ ପତ୍ର ଦିଆଯିବ କୁ କହି ଅଧିକ ସଂଖ୍ୟାରେ ଯୋଗ ଦେବା ପାଇଁ ସଭାପତି ଆହ୍ୱାନ ଦେଇଥିଲେ l  ଏଥିରେ ହିରନ ବାଗ,ଜ୍ୟୋସ୍ନା ମିଶ୍ର, ଭାଗ୍ୟବତୀ ସାଣ୍ଢ, ସାଧବlଣୀ ପୁଟେଲ, ସରସ୍ବତୀ ସାହୁ, ପଦ୍ମିନୀ କଟା, ଆରତୀ ସାହୁ, ନବବତୀ ସାହୁ, ମହେନ୍ଦ୍ର ରଣା, ପୁରୁଷୋତ୍ତମ କର୍ମୀ ପ୍ରମୁଖ ଯୋଗ ଦେଇ ବକ୍ତବ୍ୟ ଦେଇଥିଲେ l