20-Apr-2026

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଳକ ବାବୁପାଲି ପଞ୍ଚାୟତ ଅନ୍ତର୍ଗତ ବାଗଡ଼ିଆ ଗ୍ରାମରେ ନାମଯଜ୍ଞ ପାଇଁ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ରବିବାର ଅପରାହ୍ନରେ ସଙ୍କୀର୍ତ୍ତନ, ଘଣ୍ଟବାଦ୍ୟର ତାଳେ ତାଳେ ଗ୍ରାମର ଶତାଧିକ ମହିଳା ଓ ପୁରୁଷମାନେ ଶୋଭାଯାତ୍ରାରେ ଯାଇ ଗାଁ ନିକଟସ୍ଥ କେନାଲରୁ ଜଳପୂର୍ଣ୍ଣ କଳସ ଆଣି ଗାଁ ରେ ନିର୍ମାଣ ହୋଇଥିବା ନୂତନ ରାସ୍ତାରେ ପୂଜାର୍ଚନା କରି ସେହି ରାସ୍ତା ଦେଇ ନାମଯଜ୍ଞ ମଣ୍ଡପକୁ ଆସି କଳସ ସ୍ଥାପନ କରିଥିଲେ । ସୋମବାର ମଧ୍ୟାହ୍ନ ସମୟରୁ ଆରମ୍ଭ ହୋଇଥିବା ମହାମନ୍ତ୍ର ନାମଜପ ଆସନ୍ତା ୨୩ତାରିଖ ପୂର୍ଣ୍ଣାହୁତି ହେବ ବୋଲି ଗ୍ରାମବାସୀ ପ୍ରକାଶ କରିଛନ୍ତି । ଏଥିରେ ପୂଜା କର୍ତ୍ତା ଭାବରେ ମହାରଣା ରାଏ ଓ ତାଙ୍କ ଧର୍ମପତ୍ନୀ ଦୈଇମତି ରାୟ ଦାୟିତ୍ଵ ତୁଲାଇଥିବା ବେଳେ ପୂଜକ ଦାୟିତ୍ୱରେ ଲଳିତ ଲିକୁ ମିଶ୍ର ଓ ତାଙ୍କ ସହଯୋଗୀମାନେ  ଦାୟିତ୍ଵ ତୁଲାଇଛନ୍ତି।