20-Apr-2026

ବଲାଙ୍ଗୀର, ବଲାଙ୍ଗୀର ଆଦର୍ଶପଡା ସ୍ଥିତ ଉତ୍କଳ  କଲେଜ ଅଫ୍ ନର୍ସିଂ ଆଣ୍ଡ ମେଡିକାଲ ସାଇନ୍‌ସ ର  ବାର୍ଷିକୋତ୍ସବ ଏବଂ ନର୍ସିଂ ର ଛାତ୍ରୀ ମାନଙ୍କ ଏକ ଶପଥଗ୍ରହଣ ଉତ୍ସବ ଅନୁଷ୍ଠିତ ହୋଇଯାଇଛି ।  ନର୍ସିଂ କଲେଜର ଜିଏନ୍‌ଏମ ଓ ବିଏସ୍‌ସି ନର୍ସିଂ ର ପ୍ରଥମ ବର୍ଷର ଛାତ୍ରୀ ମାନଙ୍କ ଶପଥଗ୍ରହଣ ଉତ୍ସବ ଅନୁଷ୍ଠିତ ହୋଇଥିଲା । ଏକ ସୁସ୍ଥ  ଓ ସୁନ୍ଦର ସମାଜ ଗଠନ ପାଇଁ ଲୋକଙ୍କୁ ଉପଯୁକ୍ତ ସେବା ଯୋଗାଇ ଦେବାର ଶପଥ ନେଇଥିଲେ ନର୍ସିଂ ଛାତ୍ରୀ । ଫ୍ଲୋରେନ୍ସ ନାଇଟଏଙ୍ଗଲଙ୍କ ଫଟୋଚିତ୍ରରେ ମାଲ୍ୟାର୍ପଣ ତଥା ଛାତ୍ରୀ ମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ଗାନ ପରେ ସଭାକାର୍ଯ୍ୟ ଆରମ୍ଭ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ବଲାଙ୍ଗୀର ଏଏନ୍‌ଏମ୍ ଟ୍ରେନିଂ ଇନଷ୍ଟିଚ୍ୟୁଟର ଅଧ୍ୟକ୍ଷା ବିନୋଦିନୀ ଦାସ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ସାଇଟ୍ ନର୍ସିଂ କଲେଜର ଅଧ୍ୟକ୍ଷା ସ୍ନିଗ୍ଧା ମିନତୀ ଦାନୀ, ସମାଜସେବୀ ଶାନ୍ତନୁ କୁମାର ପୂଝାରୀ ଏବଂ ବୀଣାପାଣି ଶିକ୍ଷା ସଦନର ନିର୍ଦ୍ଦେଶକ ଅଶୋକ ମେହେର   ପ୍ରମୁଖ ଯୋଗ ଦେଇ ସେବା ଓ ସମର୍ପଣର ପ୍ରତୀକ ନର୍ସିଂ ସାର୍ଭିସି ରେ ଯୋଗ ଦେଇଥିବା ଛାତ୍ରୀ ମାନେ ଏହାକୁ ସ୍ୱାସ୍ଥ୍ୟସେବାକୁ ଏକ ବୃତ୍ତି ନୁହେଁ ବ୍ରତ ଭାବରେ ଗ୍ରହଣ କରିବାକୁ ଉପଦେଶ ଦେଇଥିଲେ ।  କଲେଜର ନିର୍ଦ୍ଦେଶକ ବିଶ୍ୱଭୂଷଣଶ ସାମନ୍ତରାୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ କଲେଜର ଏକାଡେମିକ୍ ହେଡ୍ ଜୟଲକ୍ଷ୍ମୀ ନାଏକ, କଲେଜର ଅଧ୍ୟକ୍ଷ ମଂଜୁଲତା ସାହୁ, ପ୍ରଶାସନିକ ଅଧିକାରୀ ରବିନ୍ଦ୍ର ତ୍ରିପାଠୀ   ପ୍ରମୁଖ ମଂଚାସୀନ ଥିଲେ । 
ଶେଷରେ କଲେଜ ଛାତ୍ରୀ ମାନଙ୍କ ଦ୍ୱାରା ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ନର୍ସିଂ କଲେଜର ସମସ୍ତ ଅଧ୍ୟାପକ, ଅଧ୍ୟାପିକା, ଏବଂ ଛାତ୍ରୀ ମାନେ ସହଯୋଗ କରିଥିଲେ ।