20-Apr-2026

ସୋନପୁର (ମନୋରଞ୍ଜନ ତ୍ରିପାଠୀ )
 ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ସଭା ଗୃହ ଠାରେ ଆଜି 20-04-2026 ରିଖ ଦିନ ଅଷୟ ତୃତୀୟା ଉପଲକ୍ଷେ ବାଲ୍ୟ ବିବାହ ନିରାକରଣ ପାଇଁ ବ୍ଲକ ସ୍ତରୀୟ ସ୍ଵତନ୍ତ୍ର ବୈଠକ ଅନୁଷ୍ଠିତ ହୋଇ ଥିଲା  l   ସୋନପୁର ସିଡିପିଓ ସାଗରିକା ସ୍ଵାଇଁ  ଙ୍କ  ସଭାପତିତ୍ୱ  ଆୟୋଜନ ଏହି ବୈଠକ ରେ ବ୍ଲକ ଚେୟାରମ୍ଯାନ ଶ୍ରୀ  ପ୍ରହଲ୍ଲାଦ ନାଏକ, ବ୍ଲକ ଉନ୍ନୟନ ଅଧିକାରୀ ଶ୍ରୀ ପ୍ରତିକ କର, ଡି ଏସ ପି ରେଣୁକା ସୁନା, ଏ ବି ଇ ଓ କୃଷ୍ଣଚନ୍ଦ୍ର  ପଣ୍ଡା, ଡି ସି ପି ଓ  ଅଫିସ ଷ୍ଟାଫ୍,  ଯୋଗଦାନ କରିଥିଲେ   l  ଡି ଏସ ପି ରେଣୁକା ସୁନା ବାଲ୍ୟ ବିବାହ ଆଇନ ଓ ଦଣ୍ଡବିଧାନ  ଉପରେ ବିସ୍ତାର ଭାବେ ଧାରଣା ଦେଇଥିଲେ l ସିଡିପିଓ ସାଗରିକା ସ୍ଵାଇଁ ବାଲ୍ୟ ବିବାହ ର କୁ ପରିଣାମ ବିଷୟରେ କହିଥିଲେ  , l ବାଲ୍ୟ ବିବାହ କୁ କିପରି ଆମେ ଦୁର କରି ପାରିବl ଓ ଏଥିପାଇଁ ଆମେ କେଉଁ ପନ୍ଥା ଅବଲମ୍ବନ କଲେ ଲୋକ ମାନେ ବାଲ୍ୟ ବିବାହ ନ କରିବା ପାଇଁ  ସଚେତନ  ହୋଇ ପାରିବେ ସେହି ସଂପର୍କ ରେ ଆଲୋଚନା  କରାଗଲା   l ଉପସ୍ଥିତ ଥିବା ବିଭିନ୍ନ ଅଞ୍ଚଳର ଓ୍ବାର୍ଡ ମେମ୍ବର,ସରପଞ୍ଚ , ପ୍ରିଣ୍ଟିଙ୍ଗ ପେସ୍ ମାଲିକ, ଜ୍ୟୋତିଷ,  ଟେଣ୍ଡ ହାଉସ କର୍ମକର୍ତ୍ତା, ଅଙ୍ଗନୱାଡି କର୍ମୀ, ମନ୍ଦିର ପୂଜକ କମିଟିର ସଦସ୍ଯ  ,ପି ଆର ଆଇ ମେମ୍ବର ବାଲ୍ୟ ବିବାହ ଦୂରିକରଣର ରେ ତାଙ୍କର ଭୂମିକା ସଂପର୍କ ରେ କହିଥିଲେ l ପରେ ନିଜ ବ୍ଲକ କୁ ବାଲ୍ୟ ବିବାହ ମୁକ୍ତ କରିବା ପାଇଁ ଶପଥ ନେଇଥିଲେ l ସର୍ବ ଶେଷରେ  ରୋଜି ସ୍ମିତା ଭୋଇ ସମସ୍ତଙ୍କୁ ଧନ୍ୟବାଦ ଅର୍ପଣ କରି ଥିଲେ l