20-Apr-2026

ନବରଙ୍ଗପୁର  (ପ୍ରିୟଦର୍ଶିନୀ ପାତ୍ର)
ଡାବୁଗାଁ ନିର୍ବାଚନ ମଣ୍ଡଳୀ ଅଧିନ ପାପଡାହାଣ୍ଡି ବ୍ଲକର କେରଣ୍ଡି ଗ୍ରାମରେ ପ୍ରତିଷ୍ଠା ହେଲା ମାଁ ଠାକୁରାଣୀଙ୍କ ଭବ୍ୟ ମନ୍ଦିର। ଆଜି ମାଁ ଠାକୁରାଣୀ ମନ୍ଦିର ପ୍ରତିଷ୍ଠା ପାଇଁ ବ୍ରହ୍ମଯଜ୍ଞ  ଏବଂ କଳସ ଯାତ୍ରା ଅନୁଷ୍ଠିତ ହେଲା।ଭାର ସଖାଳୁ ଗ୍ରାମର ମାଁ ଭଉଣୀ ମାନେ କଳସରେ ପାଣି ଆଣିବା ପରେ ବିଧିବଦ୍ଧ ଭାବେ ପ୍ରତିଷ୍ଠା ଉତ୍ସାବ ଆରମ୍ବ ହେଲା ଏବଂ ସମ୍ପୂର୍ଣ୍ଣ ହିନ୍ଦୁ ଧର୍ମର ରୀତିନୀତି ଅନୁସାରେ ପୂଜାକାର୍ଯ୍ୟ ଆରମ୍ବ ହେବା ସହ  ବ୍ରହ୍ମଯଜ୍ଞ ଅନୁଷ୍ଠିତ ହେଲା। ଲାଠି, କୁରଚି, ସିରା ସମେତ ଗ୍ରାମର ସମସ୍ତ ଜନ ସାଧାରଣ ଆଜି ଏହି ଅବସରେ ମନ୍ଦିର ପ୍ରତିଷ୍ଠା ସ୍ଥାନରେ ଏକତ୍ରିତ ହୋଇ ଥିଲେ। ଏହି ପ୍ରତିଷ୍ଠା ଉତ୍ସାବ ପାଇଁ ଗ୍ରାମରେ ଗତକାଲି ଠାରୁ ଗହଳି ଚହଲି ଲାଗି ରହୁଛି ଏବଂ ଆସନ୍ତା କାଲି ଚୈତ୍ର ଯାତ୍ରା ଅନୁଷ୍ଠିତ ହେବା ପରେ ବିଧିବଦ୍ଧ ଭାବେ ସଂମ୍ପନ୍ନ ହେବ। ଆଖ ପାଖ  ୧୦ ଖଣ୍ଡ ଗ୍ରାମରୁ ହଜାର ହଜାର ଭକ୍ତ ଆଜି କେରାଣ୍ଡି ଗ୍ରାମରେ ଏକତ୍ରିତ ହୋଇ ଥିଲେ ଏବଂ ଯାତ୍ରା ପାଇଁ ଦୁକାନ ବଜାର ମଧ୍ୟ ବସିଛି ତତ ସାଙ୍ଗେ ସାଙ୍ଗେ ସମସ୍ତଙ୍କ ମନରଞ୍ଜନ ପାଇଁ ରାତିରେ ଆଦିବାସୀ ନାଟକର ବ୍ୟବସ୍ଥା ମଧ୍ୟ ଗ୍ରାମବାସୀ କରିଛନ୍ତି।