09-Apr-2026

ବଲାଙ୍ଗୀର,-ବଲାଙ୍ଗୀର ଜିଲ୍ଲାରେ ଜମିର ବେଞ୍ଚମାର୍କ ଭାଲୁଏସନ୍‌ (ବିଏମଭି) ରେ ସମ୍ପ୍ରତି ହୋଇଥିବା ହଠାତ୍ ବୃଦ୍ଧି ନେଇ ବିଭିନ୍ନ ମହଳରେ ଚିନ୍ତା ପ୍ରକାଶ ପାଇଛି। ସ୍ଥାନୀୟ ବିଧାୟକ ଶ୍ରୀ କାଳିକେଶ ନାରାୟଣ ସିଂହଦେଓ ଏହି ପ୍ରସଙ୍ଗରେ ମୂଳ ନୀତିକୁ ପୁନଃପରୀକ୍ଷା କରିବାକୁ ଦାବି କରିଛନ୍ତି।
ଜିଲ୍ଲା ପ୍ରଶାସନ ସହ ହୋଇଥିବା ବିସ୍ତୃତ ସମୀକ୍ଷା ପରେ ଜଣାପଡ଼ିଛି ଯେ, ରାଜ୍ୟ ସରକାରଙ୍କ ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଡିଓର (SOP) ଅନୁଯାୟୀ ପ୍ରକ୍ରିୟା ପାଳନ କରାଯାଇଛି। କିନ୍ତୁ ଫଳାଫଳ ଦେଖାଉଛି ଯେ ବର୍ତ୍ତମାନ ନୀତି ଭୂମିସ୍ତରର ବାସ୍ତବ ପରିସ୍ଥିତିକୁ ଠିକ୍‌ ଭାବରେ ପ୍ରତିଫଳିତ କରୁନାହିଁ।
କିଛି ଅଞ୍ଚଳରେ ଜମିର ମୂଲ୍ୟ ପ୍ରାୟ ₹୧.୩୮କୋଟି ପ୍ରତି ଏକରରୁ ₹୨.୩୪ କୋଟି ଓ ବର୍ତ୍ତମାନ ପ୍ରାୟ ₹୫.୩୧ କୋଟି ପର୍ଯ୍ୟନ୍ତ ବଢ଼ିଛି, ଯାହା ପଛରେ ବଜାରରେ ସେହି ପରି ବୃଦ୍ଧି କିମ୍ବା କ୍ରୟ କ୍ଷମତାର ବୃଦ୍ଧି ଦେଖାଯାଇନାହିଁ।
ଏହି ପ୍ରସଙ୍ଗରେ ଏକ ମୁଖ୍ୟ ଚିନ୍ତାର କାରଣ ହେଉଛି ସହର ଅଞ୍ଚଳର ଜମିର ମୂଲ୍ୟ ନିର୍ଦ୍ଧାରଣ ପ୍ରଣାଳୀ। ବର୍ତ୍ତମାନ ଅଧିକାଂଶ ସହର ଜମିକୁ ତାହାର ପ୍ରକୃତ କିସମ୍‌, ଆକାର କିମ୍ବା ଅବସ୍ଥାନକୁ ଅବହେଳା କରି ହୋମଷ୍ଟେଡ୍‌ ଭଳି ମୂଲ୍ୟ ଧରାଯାଉଛି।ଶ୍ରୀ ସିଂହଦେଓ କହିଛନ୍ତି:“ଏକ ପକ୍ଷରୁ ଜମିକୁ ହୋମଷ୍ଟେଡ୍‌ ଭାବରେ ଧରି ଉଚ୍ଚ ଷ୍ଟାମ୍ପ ଶୁଳ୍କ ନିଆଯାଉଛି, ଆଉ ଅନ୍ୟ ପକ୍ଷରୁ ସେହି ଜମିକୁ ହୋମଷ୍ଟେଡ୍‌ କରିବା ପାଇଁ ଆଲଗା ଭାବରେ ରୂପାନ୍ତରଣ ଶୁଳ୍କ ନିଆଯାଉଛି। ଏହା ସାଧାରଣ ଲୋକଙ୍କ ପାଇଁ ଦୁଇଥର ଭାର ପଡ଼ୁଛି।”ସେ କହିଛନ୍ତି ଯେ, ଏହି ବିଷୟରେ ସ୍ପଷ୍ଟ ନୀତି ଆବଶ୍ୟକ—
ସମସ୍ତ ସହର ଜମିକୁ ହୋମଷ୍ଟେଡ୍‌ ଭାବରେ ଘୋଷଣା କରିବା କିମ୍ବା କିସମ୍‌ ଓ ବ୍ୟବହାର ଅନୁଯାୟୀ ମୂଲ୍ୟ ଭିନ୍ନ କରିବା।
ସମୀକ୍ଷାରେ ଆଉ କିଛି ପ୍ରଣାଳୀଗତ ସମସ୍ୟା ମଧ୍ୟ ଚିହ୍ନଟ ହୋଇଛି:l• ଉଚ୍ଚ ମୂଲ୍ୟର କିଛି ବିକ୍ରୟ ଉପରେ ଅଧିକ ନିର୍ଭରତା,lବଡ଼ ଜମି ଖଣ୍ଡ ପାଇଁ ଯଥୋଚିତ ସମନ୍ୱୟର ଅଭାବ,l ଅବସ୍ଥାନ, ରାସ୍ତା ସଂଯୋଗ ଓ ପ୍ରାଣାଳୀଗତ ସୁବିଧା ଅନୁଯାୟୀ ମୂଲ୍ୟର ପ୍ରଭାବ କମ୍‌ ରହିବା।ଏହାର ଫଳରେ ବେଞ୍ଚମାର୍କ ଭାଲୁଏସନ୍‌ ବଜାର ମୂଲ୍ୟଠାରୁ ଅଧିକ ହୋଇପାରୁଛି, ଯାହା ଖରିଦାର ଓ ବିକ୍ରେତା ଉଭୟଙ୍କୁ ପ୍ରଭାବିତ କରୁଛି।ବ୍ୟବହାରିକ ଦୃଷ୍ଟିରୁ: ଖରିଦାରଙ୍କୁ ଅଧିକ ଷ୍ଟାମ୍ପ ଶୁଳ୍କ ଦେବାକୁ ପଡ଼ୁଛି, ବିକ୍ରେତା ଓ ଖରିଦାର ଉଭୟଙ୍କୁ ଆୟକର ସମସ୍ୟାର ସମ୍ମୁଖୀନ ହେବାକୁ ପଡ଼ୁଛି, ବଜାର ମୂଲ୍ୟରେ ସଠିକ୍‌ ଭାବରେ ବ୍ୟବହାର କରିବା କଷ୍ଟକର ହେଉଛି। “ଯେତେବେଳେ ବେଞ୍ଚମାର୍କ ମୂଲ୍ୟ ବଜାର ସତ୍ୟତାଠାରୁ ଅଧିକ ହୋଇଯାଏ, ସମ୍ପୂର୍ଣ୍ଣ ପ୍ରଣାଳୀରେ ଅସୁବିଧା ସୃଷ୍ଟି ହୁଏ,” ବୋଲି ସେ କହିଛନ୍ତି। ସେ ଏହାକୁ ପ୍ରୟୋଗର ସମସ୍ୟା ନୁହେଁ, ବରଂ ନୀତିର ସମନ୍ୱୟର ସମସ୍ୟା ବୋଲି ଉଲ୍ଲେଖ କରିଛନ୍ତି। ସେ ପ୍ରସ୍ତାବ ରଖିଛନ୍ତି:  ସମସ୍ତ ଶହର ଜମିକୁ ହୋମଷ୍ଟେଡ୍‌ ଭାବରେ ଘୋଷଣା କରିବା କିମ୍ବା କିସମ୍‌ ଅନୁଯାୟୀ ଭିନ୍ନତା କରିବା,  ଅବସ୍ଥାନ, ରାସ୍ତା ସଂଯୋଗ ଓ ପ୍ରାଣାଳୀ ଅନୁଯାୟୀ ମୂଲ୍ୟ ଧରିବା, ବିଭିନ୍ନ ବ୍ୟବହାର ତଥ୍ୟ ଆଧାରିତ ମଧ୍ୟମ ମୂଲ୍ୟ ନିର୍ଦ୍ଧାରଣ, ବେଞ୍ଚମାର୍କ ଭାଲୁଏସନ୍‌ ଓ ରୂପାନ୍ତରଣ ଶୁଳ୍କ ମଧ୍ୟରେ ସମନ୍ୱୟ ଆଣିବା।ବଲାଙ୍ଗୀର ଯେହେତୁ କେବିକେ ଅଞ୍ଚଳର ଅଂଶ, ଏଠାରେ ଲୋକଙ୍କର କ୍ରୟ କ୍ଷମତା ସୀମିତ ଥିବାରୁ ଏପରି ନୀତି ଭୂମିସ୍ତରର ଅର୍ଥନୀତିକ କାର୍ଯ୍ୟକଳାପକୁ ବାଧା ଦେଇପାରେ ବୋଲି ବିଧାୟକ ଉଲ୍ଲେଖ କରିଛନ୍ତି। ତେବେ ଏହାର ପୁନଃ ମୂଲ୍ୟାୟନ କରିବାକୁ ରାଜସ୍ୱମନ୍ତ୍ରୀଙ୍କୁ ବିଧାୟକ ଚିଠି କରିଛନ୍ତି l ମନ୍ତ୍ରୀ ତୁରନ୍ତ ଏନେଇ ପଦକ୍ଷେପ ନେବାକୁ ସେ ଦାବି ଜଣାଇଛନ୍ତି l