19-Jun-2026

ବରପାଲି (ସୁଦାମ ଦୀପ )
ବରପାଲି ର ୧୪୯ ତମ ଶୀତଳ ଷଷ୍ଠୀ ଯାତ୍ରା ରେ ଆଜି ଶୁଭ ଲଗ୍ନ ରେ ଦେବ ଦମ୍ପତ୍ତି ଙ୍କ ବୈବାହିକ କାର୍ଯ୍ୟ ସମ୍ପନ୍ନ ହୋଇଛି। ବାବା କପିଳେଶ୍ୱର ଓ ମାତା ପାର୍ବତୀ ଆଜି ହିମାଦ୍ରୀ ନଗର ମଣ୍ଡପ  ଠାରେ ଭକ୍ତ ଗଣଙ୍କୁ ଦର୍ଶନ ଦେବେ । ଆଜିର ଯାତ୍ରା କୁ ବୈଠକୀ ଯାତ୍ରା କୁହାଯାଏ ଗତ କାଲି ମଧ୍ୟ ରାତ୍ର ରେ ବାବା ଙ୍କ ବରାତ ବାହାରି ନଗର ପରିକ୍ରମା କରି ସକାଳ ପ୍ରାୟ ୬ ଘଣ୍ଟା ସମୟ ରେ ହିମାଦ୍ରୀ ନଗର ମଣ୍ଡପ କୁ ପହଞ୍ଚି ଥିଲେ । ବରାତି ଶୋଭାଯାତ୍ରା ରେ ଡମ୍ବରୁ ପାର୍ଟି, ମହକାଲ୍ ଦଳ, ମୂର୍ତ୍ତି ନୃତ୍ୟ, ଡି ଜେ , ଦୁଳ ଦୁଳି, ବ୍ୟାଣ୍ଡ ପାର୍ଟି, ଘଣ୍ଟ ପାର୍ଟି ଆଦି ବହୁ ସାଂସ୍କୃତିକ ଦଳ ଏଥିରେ ସାମିଲ ହୋଇଥିଲେ । ପ୍ରଥମେ ଭୋର୍ ପ୍ରାୟ ୫ ଟା ସମୟ ରେ କନ୍ୟା ପକ୍ଷ ରୁ ପ୍ରଥମ ବାଟ ବରଣ କରିବା ପରେ ମଣ୍ଡପ ନିକଟ ରେ ଚଳିତ ବର୍ଷର କନ୍ୟା ପିତା ମାତା ଶିବ କୁମାର ଅଗ୍ରୱାଲ ଓ ଗାୟତ୍ରୀ ଦେବୀ କପିଳେଶ୍ୱର ବାବା ଙ୍କୁ ବିବାହ ମଣ୍ଡପ ପାଖ କୁ ପାଛୋଟି ନେବା ସହ ହିମାଦ୍ରୀ ନଗର ଶୈବ ଭକ୍ତ ଗଣ ବରଯାତ୍ରୀ ଦଳ ଙ୍କୁ ମଧ୍ୟ ଭବ୍ୟ ସ୍ୱାଗତ କରିଥିଲେ ।

ଅପରାହ୍ନ ୧ ଟା ରେ ଶୁଭ ଲଗ୍ନ ରେ ଦେବ ଦମ୍ପତ୍ତି ଙ୍କ ହସ୍ତ ଗଣ୍ଠି ପଡ଼ିଥିଲା । ଏହି ବୈବାହିକ କାର୍ଯ୍ୟ ରେ ବହୁ ମହିଳା ଶୈବ ଭକ୍ତ ସାମିଲ ହୋଇଥିଲେ। ସମସ୍ତ ଭକ୍ତ ହସ୍ତ ଗଣ୍ଠି ରେ ଜଳ ଦାନ କରିଥିଲେ ସନ୍ଧ୍ୟା ରେ ବୈଠକି ଯାତ୍ରା ଥିବାରୁ ନବ ବିବାହିତ ଦର୍ଶନ ପାଇଁ ସନ୍ଧ୍ୟା ରୁ ଭକ୍ତ ମାନଙ୍କ ଲମ୍ବା ଲାଇନ୍ ଲାଗି ଯାଇଥିଲା । ରାତ୍ର ରେ ଦୀପ୍ତି ରେଖା ପାଢ଼ୀ ଙ୍କ ଅର୍କେଷ୍ଟ୍ରା ହିମାଦ୍ରୀ ନଗର ଠାରେ ପରିବେଷଣ କରାଯିବ ବୋଲି ସମ୍ପାଦକ ଧିରେନ୍ଦ୍ର କୁମାର ତ୍ରିପାଠୀ ପ୍ରକାଶ କରିଛନ୍ତି ।
ସେହି ପରି ଶୀତଳ ଷଷ୍ଠୀ ଯାତ୍ରା କମିଟି ପକ୍ଷରୁ ସହର ର ବିଭିନ୍ନ ସ୍ଥାନରେ ସାଂସ୍କୃତିକ କାର୍ଯକ୍ରମ ମାନ ଅନୁଷ୍ଠିତ ହେବ। ଅନ୍ୟ ପକ୍ଷରେ ହାଇସ୍କୁଲ ପଡ଼ିଆ ଠାରେ ଅନୁଷ୍ଠିତ ନଟରାଜ ଉତ୍ସବ ରେ ମଧ୍ୟ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ ।ହାଇସ୍କୁଲ ପଡ଼ିଆ ମଧ୍ୟ ରେ ଥିବା ମୀନା ବଜାର ରେ ମଧ୍ୟ ସନ୍ଧ୍ୟା ରୁ ପ୍ରବଳ ଭିଡ ପରିଲକ୍ଷିତ ହୋଇଛି । ବହୁ ଦୂର ଦୂରାନ୍ତ ରୁ ଭକ୍ତ ଙ୍କ ସୁଅ ଛୁଟୁଛି । ଭିଡ କୁ ଲକ୍ଷ କରି ବରଗଡ଼ ଜିଲ୍ଲା ପୋଲିସ ଆରକ୍ଷୀ ଅଧିକ୍ଷକ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ରେ ସହର ରେ ବ୍ୟାପକ ପୋଲିସ, ଟ୍ରାଫିକ ପୋଲିସ ମୁତୟନ କରାଯାଇଛି ।