18-Jun-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ସୁବର୍ଣ୍ଣପୁର ଜିଲା ଡୁଙ୍ଗୁରିପାଲିର ୨ ବର୍ଷ ରେ ପଦାର୍ପଣ କରି ବୁଧବାର ଶୀତଳଷଷ୍ଠୀ ଯାତ୍ରା ମହୋତ୍ସବ ଆରମ୍ଭ ହୋଇଛି |ସମସ୍ତଙ୍କ ଅପେକ୍ଷା ବାବା କପିଳେଶ୍ୱର ଓ ମାତା ପାର୍ବତୀଙ୍କ ଉପରେ |ବୁଧବାର ଅପରାହ୍ନ ରେ  କନ୍ୟାପିତା ପକ୍ଷରୁ କପିଳେଶ୍ୱର ମନ୍ଦିର ନିକଟରେ ଥିବା ପୋଖରୀରୁ ମହିଳା ଭକ୍ତ ମାନେ ପୂର୍ଣ କଳସ ଜଳ ଆଣି ମନ୍ଦିର କୁ ପ୍ରବେଶ କରିଥିଲେ |ମନ୍ଦିରରେ ପୂଜା ଅର୍ଚ୍ଚନା କରି   ମାତା ପାର୍ବତୀଙ୍କୁ ମନ୍ଦିରରୁ ଆଣି ଏକ ଶୋଭାଯାତ୍ରାରେ ଡୁଙ୍ଗୁରିପାଲି ସହର ପରିକ୍ରମା କରି ହିମାଦ୍ରୀ ନଗର ଶିବାନନ୍ଦ ପଡାକୁ ପହଁଚି ଥିଲେ |ଚଳିତ ବର୍ଷ ଯାତ୍ରା ମଣ୍ଡପ ବା ଭଣ୍ଡାର ଗୃହ କୁ ବିଗତ ବର୍ଷ ଅପେକ୍ଷା ଅଧିକ ସୁନ୍ଦର ଓ  ଆକର୍ଷଣୀୟ ତୋରଣ ରେ ସଜ୍ଜିତ କରାଯାଇଛି |ଅନ୍ୟ ପକ୍ଷେ ଶିବାନନ୍ଦପଡାର ଜ୍ୟୋତିପ୍ରକାଶ ମିଶ୍ର ଓ ତାଙ୍କ ସ୍ତ୍ରୀ ଜଗତ ଜନନୀ ମା ପାର୍ବତୀ ଙ୍କୁ କନ୍ୟା ଭାବରେ ପାଇଁ ବହୁ ଭାଗ୍ୟବାନ ମନେ କରି ଖୁସିଥିବା କହିଛନ୍ତି |ବିବାହରେ କନ୍ୟାର ନିତ୍ୟ ବ୍ୟବହାର ସାମଗ୍ରୀ ସହିତ ସ୍ଵର୍ଣ ଅଳଙ୍କାର ମଧ୍ୟ ଉପହାର ଦେବା ପାଇଁ ପ୍ରସ୍ତୁତ କରିଛନ୍ତି |ଏହା ସହ ସନ୍ଦ୍ୟା ୮ ଟା ରେ ବୈଦିକ ରୀତିରେ ପତରପେଣ୍ଡି ସମାହିତ ହୋଇଛି |କପିଳେଶ୍ୱର ମନ୍ଦିର ପରିସରରେ ପତରପେଣ୍ଡି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି |ମନ୍ଦିର ପରିସରରେ ବର ମାତାପିତା   ହରିଶ ସାହୁ ଓ ଝୁମି ସାହୁ କନ୍ୟା ଘରକୁ ଆସି ନିର୍ବନ୍ଧ କରିଥିଲେ | ମନ୍ଦିରରେ ସୁନ୍ଦରା କାଣ୍ଡ ଗାୟିକା ମଧୁସ୍ମିତା ମହାପାତ୍ର ପରିବେଷଣ କରିଥିଲେ |କମିଟିର ସଭାପତି ପ୍ରଦୀପ ମିଶ୍ର, ସମ୍ପାଦକ ରୁଦ୍ରକିଶୋର ମହଲା,ବନମାଳୀ ମେହେର,ଲବ ପଧାନ, ସାଧୁ ମେହେର, ଲକ୍ଷ୍ମଣ ମେହେର,ସୁନିଲ କୁମାର ମିତ୍ତଳ,ନରେଶ ଅଗ୍ରୱାଲ, ଅନିଲ ମିତ୍ତଳ,ଉମାଶଙ୍କର ଭରାସାଗରିଆ, ଭୋଜରାଜ ଦଣ୍ଡସେନା ଗୋପାଳ ବାରିକ, ବିପ୍ରଚରଣ ସାହୁ ପ୍ରମୁଖ ଉପସ୍ଥିତ ଥିଲେ |