09-Apr-2026

ବୌଦ୍ଧ(ପ୍ରେରଣା ଖବର): ଓଡ଼ିଶା ଦିବସ ଉପଲକ୍ଷେ ପାଳିତ ଓଡ଼ିଆ ପକ୍ଷ-୨୦୨୬ ଅନୁସାରେ ୦୯ ଏପ୍ରିଲ ୨୦୨୬ ଦିନ ଆଦର୍ଶ ସ୍ନାତକ ମହାବିଦ୍ୟାଳୟରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଜାତୀୟ ସେବା ଯୋଜନା ଅଧିକାରୀ ସୁଶ୍ରୀ କେ.ପି. ଶାସ୍ୱତୀ ସ୍ୱେତାଲିନା ଏବଂ ଯୁବ ୟୁଥ୍ ରେଡ଼କ୍ରସ୍ ଅଧିକାରୀ ସୁଶ୍ରୀ ପ୍ରଜ୍ଞା ପାରମିତା, ଡକ୍ଟର ଦେବସ୍ମିତା ନାଏକଙ୍କ ମିଳିତ ଆନୁକୂଲ୍ୟରେ ଅଧ୍ୟକ୍ଷ ଶ୍ରୀଯୁକ୍ତ ରବୀନ୍ଦ୍ର କୁମାର ସାହୁ, କଲେଜ ପ୍ରଶାସନିକ ଅଧିକାରୀ ଶ୍ରୀଯୁକ୍ତ ପ୍ରମୋଦ କୁମାର ମେହେର ଏବଂ ବୌଦ୍ଧ ଜିଲ୍ଲା ଜାତୀୟ ସେବା ଯୋଜନା ଅଧିକାରୀ ଡକ୍ଟର କଳ୍ପତରୁ ନାୟକଙ୍କ ଉପସ୍ଥିତିରେ ୨୩ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ବୌଦ୍ଧ ରକ୍ତ ଭଣ୍ଡାର ଅଧିକାରୀ ଡକ୍ଟର ବି.କେ.ଆର୍.ସି.ଦେଓ ହେମରମ୍ ଏବଂ ତାଙ୍କ ସହଯୋଗୀମାନେ ସହାୟତା କରିଥିଲେ। ଏଥିରେ ଅଧ୍ୟାପକ-ଅଧ୍ୟାପିକା ମଧ୍ୟରେ ଉତ୍କର୍ଷ ବୀର, ଡକ୍ଟର ଶୁଭ୍ରଜିତ୍ ବେହେରା, ଟୁନା ମେହେର, ପ୍ରିତମ୍ କୁମାର ଦାସ, ଅଶ୍ୱିନି କୁମାର ମାଝି, ସୌମ୍ୟରଞ୍ଜନ ନାୟକ, ସୁଧାଂସୁ ଶେଖର ଭୋଇ, ମନିଷା ଦାସ ଜୟସିଂ, ଦିବ୍ୟ ନାଏକ ଏବଂ ଛାତ୍ରଛାତ୍ରୀଙ୍କ ମଧ୍ୟରେ ସିଲୁ, ମିଲନ୍, ସାଗର, ହେମନ୍ତ, ସନ୍ଦୀପ୍, ସ୍ୱୟଂ ଶିବ, ଅଭିଷେକ, ଉମେଶ, ସୁରଜ, ସଂଗ୍ରାମ, ଗୌତମ ଆଦି ରକ୍ତଦାନ କରିଥିଲେ। ରକ୍ତଦାନ କରିଥିବା ସମସ୍ତ ଛାତ୍ରଛାତ୍ରୀ, ଅଧ୍ୟାପକ-ଅଧ୍ୟାପିକାମାନଙ୍କୁ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ରବୀନ୍ଦ୍ର କୁମାର ସାହୁ ଶୁଭେଚ୍ଛା ଜଣାଇଥିଲେ। ରକ୍ତଦାନ ପରେ ‘ଆସ ବହିଟିଏ କିଣିବା’ ଅଭିଯାନ ପାଳନ କରାଯାଇଥିଲା। ଏଥିରେ ଅଧ୍ୟାପିକା ଶ୍ରୀମତୀ ଜ୍ୟୋତିର୍ମୟୀ କହଁର ଏବଂ ମହେଶ୍ୱର ପ୍ରଧାନ ସହଯୋଗ କରିଥିଲେ।