19-Jun-2026

ନବରଙ୍ଗପୁର: (ପ୍ରିୟଦର୍ଶିନୀ ପାତ୍ର)ଭାରତ ସରକାରଙ୍କ ନୀତି ଆୟୋଗର କେନ୍ଦ୍ରୀୟ ପ୍ରଭାରୀ ମୀରା ମହାନ୍ତି ଆଜି ଡାବୁଗାଁ ବ୍ଲକର ବିଭିନ୍ନ କ୍ଷେତ୍ର ପରିଦର୍ଶନ କରି ଆକାଂକ୍ଷୀ ବ୍ଲକ କାର୍ଯ୍ୟକ୍ରମ ଅଧୀନରେ ଚାଲିଥିବା ଉନ୍ନୟନମୂଳକ କାର୍ଯ୍ୟର ଅଗ୍ରଗତି ସମୀକ୍ଷା କରିଛନ୍ତି l କେନ୍ଦ୍ରୀୟ ପ୍ରଭାରୀ ଡାବୁଗାଁ ବ୍ଲକର ହାଟପଡା ଅଙ୍ଗନୱାଡି କେନ୍ଦ୍ର ପରିଦର୍ଶନ କରି ଶିଶୁମାନଙ୍କୁ ମିଳୁଥିବା ପୁଷ୍ଟିକର ଖାଦ୍ୟ, ପ୍ରାକ୍-ବିଦ୍ୟାଳୟ ଶିକ୍ଷା ଏବଂ ମାତୃ ଓ ଶିଶୁ ସ୍ୱାସ୍ଥ୍ୟ ସେବାର ସ୍ଥିତି ଅନୁଧ୍ୟାନ କରିଥିଲେ। ଏହା ଛଡା ପିଏମ୍‌ ଶ୍ରୀ ଉଚ୍ଚ ବିଦ୍ୟାଳୟ ଜୁନାପାଣି ଯାଇ  ସମସ୍ତ ବିଷୟର ତଦାରଖ କରିଥିଲେ ଏବଂ ବ୍ଲକ୍‌ର ସମଗ୍ର ପ୍ରଗତିକୁ ପ୍ରଶଂସା କରି ଦଳୀୟ ସମନ୍ୱୟ ଓ ସହଯୋଗୀ ମନୋଭାବକୁ ଜାରି ରଖିବାକୁ ପରାମର୍ଶ ଦେଇଥିଲେ। ଏହା ସହ ସେ ଡାବୁଗାଁ ବ୍ଲକ୍ ବିଡ଼ିଓ ସମୀର କୁମାର ପାତ୍ର ଏବଂ ସମସ୍ତ ବ୍ଲକ ସ୍ତରୀୟ ଅଧିକାରୀଙ୍କ ସହ ଡାବୁଗାଁ ବ୍ଲକରେ ନିୟମିତ ସମୀକ୍ଷା ବୈଠକ ଆୟୋଜନ କରି ସମନ୍ୱୟ ବୃଦ୍ଧି କରିବାକୁ ମଧ୍ୟ ପରାମର୍ଶ ଦେଇଥିଲେ।ଆକାଂକ୍ଷୀ ବ୍ଲକ କାର୍ଯ୍ୟକ୍ରମ ପ୍ରତ୍ୟେକ ନାଗରିକଙ୍କ ପାଖରେ ସରକାରୀ ସେବା ଯେପରି ପହଞ୍ଚି ପାରିବ ତା ଉପରେ ଗୁରୁତ୍ବ ଦେଇଥିଲେ।ଏହି ପରିଦର୍ଶନ ସମୟରେ ଜିଲ୍ଲାପାଳ ଡ଼ ମହେଶ୍ୱର ସ୍ୱାଇଁ , ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ଜିଲ୍ଲା ପରିଷଦ ବିରଞ୍ଚି ନାରାୟଣ ଦରୱାନ , ଅତିରିକ୍ତ ଜିଲ୍ଲାପାଳ(ରାଜସ୍ୱ) ବିଶ୍ୱଜିତ ବର୍ମନ,ସହକାରୀ ଯୋଜନା ନିର୍ଦ୍ଦେଶକ ବ୍ରଜବନ୍ଧୁ ନାୟକ, ଡାବୁଗାଁ ତହସିଲଦାର ଗୀତା ମୂର୍ମୁ ଡାବୁଗାଁ ସିଡିପିଓ ମିନତୀ ଦାସ,ଡାବୁଗାଁ ବ୍ଲକ ଏବିଏସ ମୋନାଲ ପରିଡା ପ୍ରମ୍ମୁଖ ଉପସ୍ଥିତ ଥିଲେ।