19-Jun-2026

ଛୋଟ ଦିନରୁ ଲେଖାଲେଖି ପ୍ରତି ରହିଥିଲା ତାଙ୍କର ଗଭୀର ଅନୁରକ୍ତି। ବୟସ ବଢ଼ିବା ସହ  ସାହିତ୍ୟ ନିଶା ତାଙ୍କର ବଢ଼ିବାରେ ଲାଗିଲା।  ନିଜର ଲେଖନୀ ମାଧ୍ୟମରେ କବିତା, ଗଳ୍ପ ଏବଂ  ସମାଜର ବିଭିନ୍ନ ପ୍ରସଙ୍ଗକୁ ଅତି ଚମତ୍କାର  ଭାବରେ ଉପସ୍ଥାପନା କରିପାରୁଥିବା ଏପରି ଜଣେ ସାରସ୍ୱତ ସାଧିକା ହେଉଛନ୍ତି ସଂଗୀତା ମିଶ୍ର। ସଂଗୀତାଙ୍କ ଲେଖନୀ  ଶୈଳୀ ଉଚ୍ଚକୋଟୀର ହୋଇଥିବା ବେଳେ ଅବସର ସମୟରେ ବିଭିନ୍ନ ଜନସେବା କାମରେ ସେ  ନିଜକୁ ନିୟୋଜିତ କରିଛନ୍ତି ସଂଗୀତା । ବଲାଙ୍ଗୀର ଜିଲ୍ଲାର ଝିଅ ଓ ବୋହୂ ସଂଗୀତା ସମ୍ପ୍ରତି ଭୁବନେଶ୍ୱରରେ ନିଜର ସ୍ଵାମୀଙ୍କ ସହ ଅବସ୍ଥାନ କରୁଛନ୍ତି। ଅନେକ ଉପାଦେୟ ଲେଖାର ସ୍ରଷ୍ଟା ସଙ୍ଗୀତା କେବେ ସମ୍ମାନ କି ପୁରାଷ୍କାର ପଛରେ ଦୌଡ଼ି ନାହାନ୍ତି ବରଂ ଏହି କମ ସମୟ ମଧ୍ୟରେ ପାଠକ ମାନଙ୍କ ଠାରୁ ଅଜସ୍ର ପ୍ରଶଂସା ସାଉଁଟି ପାରିଛନ୍ତି ସେ।

ଜୁଡ଼ିସିଆଲ ବିଭାଗର ଜଣେ ମାଜିଷ୍ଟ୍ରେଟ ଭାବରେ ସଂଗୀତାଙ୍କ ସ୍ଵାମୀ ମଧ୍ୟ ସବୁବେଳେ ସଂଗୀତାଙ୍କୁ ସାହିତ୍ୟ କ୍ଷେତ୍ରରେ ନିଜର ପରିଚୟ ମର୍ଯ୍ୟାଦା  ଓ ପ୍ରତିଷ୍ଠା ବଜାୟ ରଖିବାକୁ ଉତ୍ସାହିତ କରନ୍ତି।ଗତ ଜୁନ ୧୬ତାରିଖ ଦିନ କେଳୁଚରଣ ମହାପାତ୍ରଙ୍କ ଓଡିଶୀ ଗବେଷଣା କେନ୍ଦ୍ର, ଭୁବନେଶ୍ୱର ଠାରେ ଉତ୍କଳ କଳାକାର ଏକାଡେମୀର ଚତୁର୍ଥୀ ବାର୍ଷିକ ମହୋତ୍ସବ -୨୦୨୬ ଅନୁଷ୍ଠିତ ହୋଇଥିଲା। ଏହି ଉତ୍ସବରେ ବଲାଙ୍ଗୀର ଜିଲ୍ଲାର ବୋଧୂ ସଂଗୀତା ମିଶ୍ରଙ୍କୁ ଉତ୍କଳ ପ୍ରତିଭା ସମ୍ମାନ -୨୦୨//₊୬ ରେ ସମ୍ମାନିତ କରାଯାଇଛି। ସଂଗୀତା କିଛି ଦିନ ପୂର୍ବରୁ ବାଣୀକ୍ଷେତ୍ର ସମ୍ମାନ -୨୦୨୬,ଜାତୀୟ କବି ସାରସ୍ୱତ ସମ୍ମାନ -୨୦୨୬ ଓ ଜାତୀୟ ଉତ୍କଳ ରଜ ମହାରାଣୀ ରତ୍ନ ସମ୍ମାନ -୨୦୨୬ ରେ ସମ୍ମାନିତ ହୋଇ ବଲାଙ୍ଗୀର ଜିଲ୍ଲା ପାଇଁ ଗୌରବ ଆଣିଛନ୍ତି। କେବଳ ସେତିକି ନୁହେଁ ଡ଼. ମିଶ୍ର ସମାଜସେବୀ ଭାବରେ ସମାଜରେ କେମିତି ଅନ୍ୟାୟ ଅତ୍ୟାଚାର ଲୋପ ପାଇବ ଓ ସମସ୍ତଙ୍କ ଭିତରେ ଭାଇଚାରା ସୃଷ୍ଟି ହେବ ତା ପାଇଁ ପ୍ରୟାସ ଜାରି ରଖିଛନ୍ତି।