18-Jun-2026

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ୍ ରେ ଚାଲିଥିବା ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ବିକାଶର ଧାରା ଓଡ଼ିଶା ସାରା କାର୍ଯ୍ୟକ୍ରମ ର ଆଜି ହେଉଛି ଦ୍ଵିତୀୟ ଦିନ l ଏହି ଅବସରରେ ଆଜି ବ୍ଲକ୍ ସ୍ତରୀୟ କୃଷକ ସମ୍ବାଦ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l କାର୍ଯ୍ୟକ୍ରମ ଆରମ୍ଭ ପୂର୍ବରୁ ପ୍ରଥମେ ମା ସରସ୍ଵତୀ ଙ୍କ ଫଟୋ ଚିତ୍ରରେ ପୂଜାର୍ଚନା କରା ଯାଇଥିଲା l ପରେ ସମସ୍ତ ଅତିଥି ଙ୍କୁ ଗୋଟିଏ ଲେଖାଏଁ ଚାରା ପ୍ରଦାନ କରାଯାଇ ସ୍ବାଗତ ସମ୍ବର୍ଦ୍ଧନା ଦିଆ ଯାଇଥିଲା l ଆଜିର କୃଷିଭିତ୍ତିକ କାର୍ଯ୍ୟକ୍ରମ ର ମୁଖ୍ୟଅତିଥି ଭାବରେ ବ୍ଲକ୍ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳୀ ଦାସ ଯୋଗ ଦେଇଥିଲେ l ଏହାସହ ସମ୍ମାନିତ ଅତିଥି ଭାବରେ ଜିଲ୍ଲା ପରିଷଦ ସଦସ୍ୟା ବୀଣାପାଣି ଦାସ, ବିଧାୟକ ଙ୍କ ଆଗଲପୁର ପ୍ରତିନିଧି ଶ୍ରୀ ପିତାମ୍ବର କଣ୍ଟା, ମାନ୍ୟବର ସାଂସଦ ଙ୍କ ଆଗଲପୁର ପ୍ରତିନିଧି ଶ୍ରୀ ଉମେଶ ପଟେଲ୍, ବ୍ଲକ୍ ଉପାଧ୍ୟକ୍ଷl ଶ୍ରୀମତୀ ନିରୁପମା ପଧାନ୍, ଇଫ କୋ ଏରିଆ ମେନେଜର ବଲାଙ୍ଗୀର ଶ୍ରୀ ସୁରଜ୍ କୁମାର ମହାନ୍ତି, ଜିଲ୍ଲା ସଂଯୋଜକ ଏପିକଲ ବଲାଙ୍ଗୀର ଶ୍ରୀ ବିଦ୍ୟାଧର ବାସ୍କେ, ବ୍ଲକ୍ ଅତିରିକ୍ତ ପ୍ରାଣୀ ସମ୍ପଦ ଅଧିକାରୀ ଶ୍ରୀ ଡକ୍ଟର ସୁଭବ୍ରତ ଦାସ, ବ୍ଲକ୍ ସହକାରୀ ଉଦ୍ୟାନ ଅଧିକାରୀ ମିସ୍ ଶୋମ୍ୟାଶ୍ରୀ ଶ୍ରାବଣୀ ମହାପାତ୍ର, ସହକାରୀ ମତ୍ସ୍ୟ ଅଧିକାରୀ ଶ୍ରୀ ବାଣୀ ନୀର୍ମାଲ୍ୟ ରାଉତ୍ ଉପସ୍ଥିତ ଥିଲେ l

ଆଜିର କର୍ମଶାଳା ରେ ଛତୁ ଚାଷ , ଜୈବିକ ସାର, କୃଷି, ଉଦ୍ୟାନ, ମତ୍ସ୍ୟ ଚାଷ, ପଶୁ ତଥା ପ୍ରାଣୀ ଉଦ୍ୟାନ, ଉପରେ ବିସ୍ତୃତ ଆଲୋଚନା ହୋଇଥିଲା l ଚାଷୀମାନେ କିପରି ସରକାରଙ୍କ ଦ୍ଵାରା ଦିଆ ଯାଉଥିବା ସମସ୍ତ ସୁବିଧା ସୁଯୋଗ ପାଇ ପାରିବେ ସେ ଉପରେ ବିଭାଗୀୟ ଅଧିକାରୀ ମାନେ ସୂଚନା ଦେଇଥିଲେ l କାର୍ଯ୍ୟକ୍ରମ ଶେଷରେ ଏଗ୍ରୋ ବାଇଟେକ୍ ଲିମିଟେଡ ର ଏରିଆ ମେନେକର ତଥା ଯୁବ ମୋର୍ଚ୍ଚା ଉପ ସଭାପତି ବିଜେପି ର ଶ୍ରୀ ରାଜୀବଲୋଚନ ଭୋଇ ଙ୍କୁ ସମାନ୍ନୀତ କରାଗଲା। କାର୍ଯ୍ୟକ୍ରମ କୁ ଶ୍ରୀ ଜ୍ୟୋତିପ୍ରକାଶ ସାହୁ ସଭା ପରିଚାଳନା କରିଥିବା ବେଳେ ଆଗଲପୁର ବ୍ଲକ୍ କୃଷି ଅଧିକାରୀ ଶ୍ରୀ ଆଶିଷ ପାଣିଗ୍ରାହୀ ଧନ୍ୟବାଦ୍ ଅର୍ପଣ କରିଥିଲେ l