19-Jun-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ଡୁଙ୍ଗୁରିପାଲିର ବିଭିନ୍ନ ରାଇସ୍ଗୁ ମିଲ୍ ଗୁଡିକରେ ଧାଡି ଧାନ ବୋଝେଇ ଟ୍ରାକ୍ଟର ଥିବା ଦେଖା ଯାଉଛି । କେତେକ ମିଲ ଗୁଡିକରେ ଟାର୍ଗେଟ୍ ସରି ଯାଇଥିବା କହୁଥିବା ବେଳେ ବାହାର ଜିଲ୍ଲା ତଥା ରାଜ୍ୟରୁ ୧୬ ଚକିଆ ଗାଡି ଗୁଡିକରେ ଧାନ ଆସୁଥୁବା ଚର୍ଚ୍ଚା ଜୋର ଧରିଛି। କାଁ ଭାଁ ଯୋଗାଣ ବିଭାଗ ଏହାକୁ ଧରିବାରେ ସକ୍ଷମ ହେଉଥିବା ବେଳେ ଅନେକ ଗୁଡିଏ ଗାଡି ମିଲ୍ ଭିତରକୁ ରାତିରେ ଅନ୍ ଲୋଡ ହେଉଥ‌ିବା ବିଶ୍ୱସ୍ତ ସୂତ୍ରରୁ ଜଣାଯାଏ। କିଛି ଦିନ ହେବ କୃଷକ ମୋର୍ଚ୍ଚ ପକ୍ଷରୁ କଟନୀ ଛଟନୀ, ବାହାର ଜିଲ୍ଲାରୁ ଧାନ ନ ଆସିବା, ଏହାକୁ କଡାକଡି ଭାବରେ ଧରପଗଡ କରାଯିବା ଉପରେ ଆନ୍ଦୋଳନ କରିଥିଲେ ମଧ୍ଯ ଗଳାବାଟ ଦେଇ ପୂର୍ବ ପରି ଚାଲୁ ରହିଛି । ଚାଷୀର ଧାନ କାର୍ଡ ଧରି, କେତେକ କ୍ଷେତ୍ରରେ ବେପାରୀମାନଙ୍କ ଧାନ ଚାଷୀ ନାଁ ରେ ଧାନ ପାର କରୁଛନ୍ତି । ବ୍ୟାଙ୍କ ଗୁଡିକରେ ମଧ୍ଯ ଚାଷୀର

ଜମାଖାତା, ଏଟିଏମ ଧରି ଏମାନେ ଟଙ୍କା ଉଠାଉଛନ୍ତି।  ପେକ୍ସ ଗୁଡିକରେ ମିଲର୍ସମାନଙ୍କ ଏଜେଣ୍ଟ ମାନେ ସର୍ବେସର୍ବା। ସିସିଟିଭି ଭୁଟେଜକୁ ନେଇ ଏ ସବୁ ତଦନ୍ତ କଲେ ଜଣା ପଡିବ ବୋଲି ଚାଷୀ ମହଲରେ ଦାବୀ ହେଉଛି। ଆଗକୁ ମୌସୁମୀ, ପୁଣି ଚାଷ କାମରେ ଚାଷୀ କାମରେ ଲାଗିବ, କାହାଠାରୁ ଧାରକରଜ କରିଥୁବ ତାହାର ଋଣ ପରିଶୋଧ ପାଇଁ ଚାଷୀ କ୍ଷତି ହେଲେ ମଧ୍ଯ ଧାନ ପାର କରୁଛି ଅଣ୍ଡରରେଟରେ। ପୁଣି ବାହା ଘର, ପିଲାଙ୍କ ପାଠ ପଢା ତା ସହିତ ମେଡିକାଲ କାମ ପାଇଁ ବେପାରୀ ହାତରେ ଧାନ ଟେକି ଦେଉଥୁବା ଚର୍ଚ୍ଚା ଚାଲିଛି।