09-Apr-2026

ବୌଦ୍ଧ ଜିଲ୍ଲା ଷ୍ଟାଡିଅମରେ ବୌଦ୍ଧ ଜିଲ୍ଲା ତୀରନ୍ଦାଜ ସଂଘର ଗଭର୍ଣ୍ଣିଙ୍ଗ ବଡିର ଏକ ବୈଠକ ଶ୍ରୀଯୁକ୍ତ ବସନ୍ତ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି I ସଭାପତିଙ୍କ ଦ୍ୱାରା ପୁରୁଣା ଗଭର୍ଣ୍ଣିଙ୍ଗ ବଡି ଭଙ୍ଗ ଘୋଷଣା ପରେ ପ୍ରାପ୍ତ 16 ଗୋଟି ଦରଖାସ୍ତ ଉପରେ ଆଲୋଚନା କରାଯାଇଥିଲା I ଗଣତାନ୍ତ୍ରିକ ପଦ୍ଧତିରେ ସର୍ବସମ୍ମତିରେ 2026-2029 ପାଇଁ ନୂତନ ଗଭର୍ଣ୍ଣିଙ୍ଗ ବଡିର ସଭାପତି ରୂପେ ବସନ୍ତ କୁମାର ସାହୁ, ଉପ ସଭାପତି ରୂପେ ବିଶ୍ଵପ୍ରକାଶ ସାହୁ, ସମ୍ପାଦକ ରୂପେ ଅର୍ଜୁନ କଅଁର, ଯୁଗ୍ମ ସମ୍ପାଦକ ରୂପେ ସିଦ୍ଧାର୍ଥ ଅଗ୍ରୱାଲ, କୋଷାଧ୍ୟକ୍ଷ ରୂପେ ନିରଞ୍ଜନ ମେହେର ନିର୍ବାଚିତ ହୋଇଥିଲା ବେଳେ ଅମିତ ପଟ୍ଟନାୟକ, ଶିବ ଶଙ୍କର ଶତପଥି, ସୂର୍ଯ୍ୟନାରାୟଣ ସାହୁ, ନଟବର ଅଗ୍ରୱାଲ, ଇନ୍ଦ୍ରମଣି ମେହେର,ଗାୟତ୍ରୀ ବେହେରା, ସରିତା ମେହେର ସଭ୍ୟ ରୂପେ ନିର୍ବାଚିତ ହୋଇଛନ୍ତି I ସେହିପରି ଶ୍ରୀଯୁକ୍ତ ନବ କୁମାର ମିଶ୍ର, ରଵୀନ୍ଦ୍ର କୁମାର ରାଉତ, ସୂର୍ଯ୍ୟକାନ୍ତ ଦଳବେହେରା ଓ ଦିଲ୍ଲୀପ କୁମାର ସାହୁଙ୍କୁ ନେଇ ସଂଘର ଉପଦେଷ୍ଟା ମଣ୍ଡଳୀ ଗଠିତ ହୋଇଯାଇଛି I ସମସ୍ତ ସଦସ୍ୟଙ୍କୁ ସ୍ୱାଗତ କରାଯିବା ସହିତ ଆଗାମୀ ଦିନରେ ସମସ୍ତଙ୍କ ସହଯୋଗରେ ବୌଦ୍ଧ ଜିଲ୍ଲା ତୀରନ୍ଦାଜ ସଂଘର କୃତିତ୍ୱ ଜିଲ୍ଲା,ରାଜ୍ୟ ଓ ଜାତୀୟ ସ୍ତରରେ ବଜାୟ ରଖିବା ପାଇଁ କାମନା କରାଯାଇଥିଲା I ଇନ୍ଦ୍ରମଣି ମେହେର ଧନ୍ୟବାଦ ଜ୍ଞାପନ କଲା ପରେ ସଭା ସାଙ୍ଗ ଘୋଷଣା କରାଯାଇଥିଲା I