09-Apr-2026

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଗଜବନ୍ଧ କ୍ଲଷ୍ଟର ର ବିଭିନ୍ନ ଗ୍ରାମରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ନରେନ୍ଦ୍ର ପୁରୋହିତ ଙ୍କ ତତ୍ୱାବଧାନ ରେ ଶିକ୍ଷା ସଚେତନତା ରଥ ବିପୁଳ ଜନ ଜାଗରଣ ସୃଷ୍ଟି କରିଛି। କୀର୍ତ୍ତନ ସହ ଅବିଭାବକମାନେ ଯୋଗଦେଇ ଜନ ସାଧାରଣ ଙ୍କୁ ଶିକ୍ଷା ପ୍ରତି ସଚେତନ ହେବାକୁ ବାର୍ତ୍ତା ଦେଇଛନ୍ତି। କାଇଶକନ୍ଦା ଗ୍ରାମରେ ପ୍ରଧାନ ଶିକ୍ଷକ ଗୋକୁଳାନନ୍ଦ ସାହୁ ଙ୍କ ନେତୃତ୍ୱ ରେ ସଂଗୀତ ର ତାଳେ ତାଳେ ଶିକ୍ଷା ସଚେତନତା ରଥ ଗଡ଼ିଥିଲା।

ଗଜବନ୍ଧ ଗ୍ରାମରେ ପ୍ରଧାନ ଶିକ୍ଷକ ହାରାଧନ ବେରିଆ ଙ୍କ ନେତୃତ୍ୱ ରେ ଶିକ୍ଷୟିତ୍ରୀ ମାନସୀ ନାଗ ଦୀପ ଜାଳି କଳସ ବସାଇ ହୁଳହୁଳି ଦେଇ ସ୍ୱାଗତ କରିବା ପରେ କୀର୍ତ୍ତନ ଓ ସଚେତନତା ରାଲି ମାଧ୍ୟମରେ ବିଦ୍ୟାଳୟ ପରିଚାଳନା କମିଟି ତରଫରୁ  ଜନସାଧାରଣ ଓ ଛାତ୍ରଛାତ୍ରୀ ସ୍ୱାଗତ କରିଥିଲେ। ଶିକ୍ଷକ ପ୍ରଶାନ୍ତଜ୍ୟୋତି ପ୍ରଧାନ,ବିକାଶ ଭରାସାଗର, ଦିନେଶ ନାଏକ,ଗୋବିନ୍ଦ ସାହୁ,ଶିକ୍ଷୟିତ୍ରୀ କଳ୍ପନା ସେଠୀ,ଲଳିତା ଭୁଏ,ବର୍ଷାରାଣୀ ମଲ୍ଲିକ ସହଯୋଗ କରିଥିଲେ। ଗଜବନ୍ଧ ଉଚ୍ଚ ବିଦ୍ୟାଳୟ ରେ ପ୍ରଧାନ ଶିକ୍ଷକ ଯୁଧିଷ୍ଠିର ରଣା, ଶିକ୍ଷକ ଶଙ୍କର ପ୍ରସାଦ ଭୋଇ,କଳାକାହ୍ନୁ ରଣା,ପ୍ରମୋଦ ପଧାନ,ଶିକ୍ଷୟିତ୍ରୀ ଅମୁଲ୍ୟ ଝାଙ୍କର,ସଂଯୁକ୍ତା ଭୋଇ,କର୍ମଚାରୀ ସୁବାସ ଭୁଏ, ଦାରାସିଂ ଛେଛୁଆଁ,କିରଟି ନାଏକ ଓ ଛାତ୍ରଛାତ୍ରୀ ବୀର ବାଜା ସହ ସ୍ୱାଗତ କରିବା ପରେ ପଣ୍ଡରାପାଲି ଗ୍ରାମରେ ବୀର ବାଜା ସହ ସ୍ୱାଗତ କରିଥିଲେ ପ୍ରଧାନ ଶିକ୍ଷକ ନନ୍ଦକିଶୋର ବିଶି, ଶିକ୍ଷକ ବିଶ୍ଵଦେବ ବେରିଆ, ସୂର୍ଯ୍ୟଭାନୁ ରାଉତ,ଅଜୟ ପଧାନ,ଅମର ତାଣ୍ଡିଆ ଓ ଛାତ୍ରଛାତ୍ରୀ । ଏହି ଅବସରରେ କୃତୀ ମେଧାବୀ ଛାତ୍ରଛାତ୍ରୀ ଙ୍କୁ ଉପହାର ଦେଇ ସମ୍ମାନିତ କରାଯାଇଥିଲା। ସୁବର୍ଣ୍ଣପୁର ଶିକ୍ଷା ବିଭାଗ ର ସଚେତନତା ରଥ ପରିକ୍ରମା ଡୁଙ୍ଗୁରିପାଲି ବ୍ଲକ ର ବିଭିନ୍ନ ଗ୍ରାମର ଜନ ସାଧାରଣ ଙ୍କ ମନରେ ଶିକ୍ଷା ପ୍ରତି ଉତ୍ସାହ ସୃଷ୍ଟି କରିଥିବାରୁ ଖଡ଼ିଛୁଆଁ ଓ ପ୍ରବେଶ ଉତ୍ସବ ଅବସରରେ ଉତ୍ସବ ର ମାହୋଲ ସୃଷ୍ଟି କରିଛି। ସଭିଏଁ ପଢିବା ଓ ସଭିଏଁ ବଢିବା ର ନାରା ଦେଇଛନ୍ତି ଛାତ୍ରଛାତ୍ରୀ। ଏହି ଅବସରରେ ଜିଲ୍ଲା ଶିକ୍ଷା ଅଧିକାରୀ ମୀନାରାଣୀ ମଂଗଳ ଙ୍କ ବାର୍ତ୍ତା ସମ୍ବଳିତ ବାର୍ତ୍ତା ର ଲିଫଲେଟ ଜନସାଧାରଣ ଙ୍କୁ ବଣ୍ଟନ କରାଯାଇଥିଲା। ସେହିପରି ଅନ୍ଧାରିବାଞ୍ଜି କ୍ଲଷ୍ଟର ର ବିଭିନ୍ନ ଗ୍ରାମରେ ଶିକ୍ଷା ସଚେତନତା ରଥ ବିପୁଳ ଜନ ଜାଗରଣ ସୃଷ୍ଟି କରିଛି। ସିଆରସିସି ଚିତ୍ତରଞ୍ଜନ ଠାକୁର ଙ୍କ ତତ୍ୱାବଧାନ ରେ  ଅନ୍ଧାରିବାଞ୍ଜି ରେ  ପ୍ରଧାନ ଶିକ୍ଷକ ବାସୁଦେବ ସୁନା , ଶିକ୍ଷକ ହରିହର କର, ଲଚ୍ଛମନ ବାଘ, ଶ୍ୟାମ କୁଅଁର,ଉମେଶ

ମହାକୁର, ହରିହର ଭୋଇ,ଶିକ୍ଷାପ୍ରେମୀ ଗୟାଧର ପଧାନଙ୍କ ପରିଚାଳନା ରେ କୀର୍ତ୍ତନ ଓ ନାଚଗୀତ ସହ ସ୍ୱାଗତ କରିଥିଲେ ଗ୍ରାମବାସୀ। ଗନିଆଁ ରେ ପ୍ରଧାନ ଶିକ୍ଷକ ନାରାୟଣ ରଣା, ସଲିଲ ସାହୁ, ସୁରେନ୍ଦ୍ର ବେହେରା, ନୀଳାଞ୍ଚଳ ପଣ୍ଡା, ଅଶୋକ ପାଣ୍ଡିଆ,ଭୀମଟିକିରା ରେ ପ୍ରଧାନ ଶିକ୍ଷକ ଉତ୍କଳ ସାହୁ,ଶିକ୍ଷକ ରାଜକୁମାର ଭୋଇ,ପ୍ରଭାତରଞ୍ଜନ ତ୍ରିପାଠୀ,ଅଭିରାମ ପଧାନ, ସମସ୍ତ ଶିକ୍ଷକ ଶିକ୍ଷୟିତ୍ରୀ, ଅଙ୍ଗନୱାଡି କର୍ମୀ, ଛାତ୍ରଛାତ୍ରୀ ଓ ଗ୍ରାମବାସୀ ବିଦ୍ୟାବନ୍ତ ବିଦ୍ୟାର୍ଥୀ ବିକଶିତ ଓଡିଶା ର ସଂକଳ୍ପ ନେଇ ସ୍ୱାଗତ କରିଥିଲେ। ଏହି ଅବସରରେ ଅଧା ରୁ ପାଠ ଛାଡ଼ିଥିବା ଛାତ୍ରଛାତ୍ରୀ ଙ୍କୁ ଆସ ସ୍କୁଲ ଯିବା ସ୍ଲୋଗାନ ଦେଇ ସଚେତନ କରାଯାଇଥିଲା।