31-Mar-2026

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ପଲଶାଗୋରା ସରସ୍ଵତୀ ଶିଶୁ ବିଦ୍ୟା ମନ୍ଦିରର ବାର୍ଷିକୋତ୍ସବ ଅନୁଷ୍ଠିତ ହୋଇଯାଇଛି l  ବିଦ୍ୟାଳୟ ସଭାପତି ଲୋକନାଥ ପାଢ଼ୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ ମୁଖ୍ୟଅତିଥି ଓ  ଅବସରପ୍ରାପ୍ତ ଶିକ୍ଷକ ଚିତ୍ରସେନ ଖଟୁଆ ମୁଖ୍ୟ ବକ୍ତା ଏବଂ ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ପଦ୍ମାଳୟା ପ୍ରଧାନ, ସ୍ଥାନୀୟ ସରପଞ୍ଚ ସୁଶ୍ରୀ ସୌଦାମିନୀ ମଲ୍ଲିକ, ସମାଜସେବୀ ଶିତିକଣ୍ଠ ମିଶ୍ର, କଣ୍ଟାମାଳ ସଂକୁଳପ୍ରମୁଖ ସନ୍ତୋଷ କୁମାର 

ବିଶି, ବୌଦ୍ଧ ଜିଲ୍ଲା ପ୍ରମୁଖ କାର୍ତ୍ତିକେଶ୍ୱର ବେହେରା, ସମ୍ପାଦକ ସୁରେନ୍ଦ୍ର ନାଥ ପ୍ରଧାନ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇ ଶିକ୍ଷା, ସଂସ୍କୃତି, ଅନୁଶାସନ, ଆଚରଣ, ଆଧ୍ୟାତ୍ମିକତାରେ ଶିଶୁମନ୍ଦିରର ଭୂମିକା ଅତୁଳନୀୟ ବୋଲି କହିଥିଲେ। ପ୍ରଧାନ ଆଚାର୍ଯ୍ୟ ହେମନ୍ତ ପୁଟେଲ ବାର୍ଷିକ ବିବରଣୀ ପଠନ ଓ ଗୁରୁଜୀ ଶ୍ରୀପତି ଦୀପ କାର୍ଯ୍ୟକ୍ରମ ପରିଚାଳନା କରିଥିଲେ। ଆରମ୍ଭରେ ବିଦ୍ୟାଳୟ ଛାତ୍ରୀମାନେ ସ୍ୱାଗତ ସଂଗୀତ ପରିବେଷଣ କରିଥିଲେ। ଏହିଅବସରରେ ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତୀ ଭାଇ ଭଉଣୀ ମାନଙ୍କୁ ଅତିଥି ମାନେ

ପୁରସ୍କୃତ କରିଥିଲେ। ପରେ ବିଦ୍ୟାଳୟର ଭାଇ ଭଉଣୀ ମାନଙ୍କ ଦ୍ୱାରା ଅନୁଷ୍ଠିତ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସମଗ୍ର ବିଦ୍ୟାଳୟ ପରିବେଶକୁ ଉତ୍ସବମୁଖର କରିଥିଲା  ।  ଉତ୍ସବକୁ ବିଦ୍ୟାଳୟର ଶ୍ରୀପତି ଦୀପ, ରାଜେଶ ରଣା, ମୀନକେତନ ରଣା, ଲିପ୍ସା ଦାସ ,ଶାନ୍ତି ପ୍ରିୟ ଗୁରୁ, ସୌରୀ ପାଢ଼ୀ, ପଦ୍ମିନୀ ମିଶ୍ର ଆଦି ଗୁରୁଜୀ ଗୁରୁମାଙ୍କ ସମେତ ପରିଚାଳନା ସମିତି କାର୍ଯ୍ୟକର୍ତ୍ତା, ପୂର୍ବତନ ପରିଚାଳନା ସମିତି କାର୍ଯ୍ୟକର୍ତ୍ତା, ବନ୍ଧୁ ଭଗିନୀ,ମାତୃ ଭାରତୀ ,ବିଦ୍ୱତ ପରିଷଦ କାର୍ଯ୍ୟକର୍ତ୍ତା ପରିଚାଳନାରେ ସହଯୋଗ କରିଥିବାବେଳେ ବନ୍ଧୁ,ଅଭିଭାବକ, ଅଭିଭାବିକା ଓ ସ୍ଥାନୀୟ ଜନ ସାଧାରଣ ଉପସ୍ଥିତ ରହି ଉତ୍ସlହିତ କରିଥିଲେ ।