31-Mar-2026

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଲକ ଫୁଲମୁଠି ଠାରେ ଥିବା ଭବିଷ୍ୟ ଇଂରାଜୀ ମିଡିୟମ ସ୍କୁଲର ବାର୍ଷିକ ଉତ୍ସବ ସୋମବାର ସନ୍ଧ୍ୟାରେ ବିପୁଳ ଆନନ୍ଦ ଉଲ୍ଲାସ ମଧ୍ୟରେ ପାଳିତ ହୋଇଯାଇଛି । ଭବିଷ୍ୟ ଚାରିଟେବୁଲ ଟ୍ରଷ୍ଟ ଚେୟାରମେନ ସଞ୍ଜୀବ କୁମାର ସୁବୁଦ୍ଧିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବାର୍ଷିକ ଉତ୍ସବରେ ବିନିକା ତହସିଲଦାର ରସନା ଭୋଇ ଯୋଗଦେଇ ଅଧ୍ୟୟନ କରୁଥିବା ଛାତ୍ରଛାତ୍ରୀଙ୍କ ଉଜ୍ଜଳ ଭବିଷ୍ୟତ ଗଠନ ନେଇ ଶିକ୍ଷାର ବିଭିନ୍ନ ଦିଗ ଉପରେ ଆଲୋକପାତ କରିବା ସହିତ ଛାତ୍ରଛାତ୍ରୀ ମାନେ ନିଜର ଲକ୍ଷ୍ୟ ହାସଲ ପାଇଁ କଠିନ ପରିଶ୍ରମ କରିବା ଦିଗରେ  ପରାମର୍ଶ ଦେଇଥିଲେ । ସେହିପରି ଅନ୍ୟ ମାନଙ୍କ ମଧ୍ୟରେ ଏହି ଉତ୍ସବରେ ଏକାଡେମୀ ମୁଖ୍ୟ ଡ ଭବାନୀ ଶଙ୍କର ମେହେର,ଭାଇସ ଚେୟାରମେନ ସଞ୍ଜୀବ ପାତ୍ର, ଆସିଷ୍ଟାଣ୍ଟ ମେନେଜିଙ୍ଗ ଡାଇରେକ୍ଟର ସୁନୀଲ କୁମାର ମେହେର,ସ୍କୁଲ ଅଧ୍ୟକ୍ଷା ସସ୍ମିତା ସାମନ୍ତରାୟ ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ।ଉତ୍ସବ ପ୍ରାରମ୍ଭରେ ସ୍କୁଲର ସ୍କୁଲ ଛାତ୍ରଛାତ୍ରୀଙ୍କ ଦ୍ବାରା ସଙ୍ଗୀତ ପରିବେଷଣ ହେବାପରେ ଟ୍ରଷ୍ଟ ଏଡମିଷ୍ଟେଟିଭ ମାନଗୋବିନ୍ଦ ବ୍ରହ୍ମଚାରୀଙ୍କ ଦ୍ଵାରା ସ୍ବାଗତ ଭାଷଣ ଓ ଅତିଥି ପରିଚୟ ପ୍ରଦାନ,ମେନେଜୀଙ୍ଗ ଡାଇରେକ୍ଟର  ସୁଧାଂଶୁ ଶେଖର ଦାଶ ବାର୍ଷିକ ବିବରଣୀ ପଠନ କରିଥିଲେ।ଏହି ଅବସରରେ ବିଭିନ୍ନ ପ୍ରତିଯୋଗିତାରେ ସଫଳ ହୋଇଥିବା ଛାତ୍ରଛାତ୍ରୀ,ସାଂସ୍କୃତିକ କାର୍ଯ୍ୟକ୍ରମରେ ଭାଗନେଇଥିବା  କୁନି କଳାକାର,ଭବିଷ୍ୟ ସମ୍ମାନ ହାସଲ କରିଥିବା ଡ଼ ଅର୍ଚିତେସ ପଣ୍ଡାଙ୍କୁ ଅତିଥି ମାନେ ମାନପତ୍ର,ମୋମେଣ୍ଟୋ ଦେଇ ସମ୍ମାନିତ କରିଥିଲେ ।ପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ନାଚ,ଗୀତ ପରିବେଷଣ ଅଭିଭାବକ/ଅଭିଭାବିକାଙ୍କୁ ମୁଗ୍ଧ କରିଥିଲା ।ଶେଷରେ ଏକାଡେମୀ ମୁଖ୍ୟ ଡ଼ ଭବାନୀ ଶଙ୍କର ମେହେର  ଧନ୍ୟବାଦ ଅର୍ପଣ କରିଥିଲେ।ଉତ୍ସବ ପରିଚାଳନାରେ ସ୍କୁଲର ସମସ୍ତ ଶିକ୍ଷକ/ଶିକ୍ଷୟତ୍ରୀ,ପରିଚାଳନା କମିଟି ସଦସ୍ୟ ସହଯୋଗ କରିଥିଲେ।