28-Feb-2026

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ସରକାରୀ ମହିଳା ମହାବିଦ୍ୟାଳୟ ଠାରେ ଜାତୀୟ ବିଜ୍ଞାନ ଦିବସ ପାଳିତ ହୋଇ ଯାଇଛି I ଏ ବର୍ଷର ଶୀର୍ଷକ "ବିଜ୍ଞାନରେ ମହିଳା: ବିକଶିତ ଭାରତକୁ ଗତି ପ୍ରଦାନ କରୁଥିବା ଶକ୍ତି" ରାଖାଯାଇଛି।  ମହାବିଦ୍ୟାଳୟର ଅଧ୍ୟକ୍ଷ ଡ. ଅରବିନ୍ଦ କୁମାର ଓଝାଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ଡ଼ଃ ସୁଧା ଦଣ୍ଡସେନା ଯୋଗ ଦେଇଥିଲେ । ଅଧ୍ୟାପକ ଡଃ ସଦାଶିବ ମଲ୍ଲିକ, ବିଭୂତି ଭୂଷଣ ସାହୁ ପ୍ରମୁଖ ଜାତୀୟ ବିଜ୍ଞାନ ଦିବସର ମହତ୍ତ୍ୱ ଉପସ୍ଥାପନ କରି ସାମ୍ପ୍ରତିକ ସମୟରେ ଆମ ଚରାଚର ବିଶ୍ୱକୁ ବିଜ୍ଞାନର କିଭଳି ଆବଶ୍ୟକତା ରହିଛି ଏବଂ ବିଜ୍ଞାନ ବଳରେ ମଣିଷ କିପରି ସବୁ କ୍ଷେତ୍ରରେ  ଅଗ୍ରଗାମୀ ହୋଇପାରୁଛି ତାର ପ୍ରମାଣପୂର୍ଣ୍ଣ ଉଦାହରଣ ଦେଇ   ବିଜ୍ଞାନର ମହତ୍ତ୍ୱ ପ୍ରତିପାଦନ କରିଥିଲେ I ଡ଼ଃ କୁମାର ସମ୍ଭବ ଚୋପଦାର ଅତିଥି ପରିଚୟ ପ୍ରଦାନ କରିଥିବାବେଳେ ଅଧ୍ୟାପକ

ଅଜିତ କୁମାର ପଣ୍ଡା ମଞ୍ଚ ପରିଚାଳନା କରିଥିଲେ ଏବଂ ଡ଼ଃ ଭୁବନ ମୋହନ ପଣ୍ଡା ଶେଷରେ ଧନ୍ୟବାଦ ଅର୍ପଣ କରିଥିଲେ I ଏ ଅବସରରେ ମହାବିଦ୍ୟାଳୟର ସମସ୍ତ ଅଧ୍ୟାପକ/ ଅଧ୍ୟାପିକା ଏବଂ ବହୁ ଛାତ୍ରୀ ଉପସ୍ଥିତ ଥିଲେ। ଏହି ଅବସରରେ ଆୟୋଜିତ ପ୍ରତିଯୋଗିତାର କୃତୀ ଛାତ୍ରୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ।  ବିଜ୍ଞାନ ବିଭାଗର ଛାତ୍ରୀ ଶ୍ରଦ୍ଧାଞ୍ଜଳି ମିଶ୍ର  ଏବଂ ସୌମ୍ଯରାଣୀ କର୍ଣ୍ଣ  ସହଯୋଗ କରିଥିଲେ ।