20-Feb-2026

ଡୁଙ୍ଗୁରିପାଲି/ଏସ.ରାମପୁର(ଅରବିନ୍ଦ ମିଶ୍ର)- ସୁବର୍ଣ୍ଣପୁର ଜିଲ୍ଲା ରାମପୁରର ପଞ୍ଚାୟତ ଅଞ୍ଚଳରେ ବିକ୍ରି ହେଉଥିବା ଚୋରା କୁଚିଆ ମଦ ବନ୍ଦ ନେଇ ଗତ ନଭେମ୍ବର ମାସରୁ ଜାନୁଆରୀ ମାସ ଯାଏଁ ଗ୍ରାମର ଶତାଧିକ ମହିଳା ଅନେକଥର ଲୋକଙ୍କୁ ସଚେତନ କରିବା ଏବଂ ମଦ ବନ୍ଦ କରିବା ନେଇ ଗ୍ରାମ ପରିକ୍ରମା କରିବା ସହ ରାମପୁର ଥାନାରେ ଅଭିଯୋଗ କରିଥିଲେ | ତେବେ ମହିଳାଙ୍କ ଏ ମଦ ବିରୋଧି ଅଭିଯାନରେ ଗ୍ରାମର ଶତାଧିକ ମହିଳା ପୁରୁଷ ସାମିଲ ହୋଇଥିବା ବେଳେ ରାମପୁର ପୋଲିସ ପକ୍ଷରୁ ମଧ୍ୟ ନିୟମିତ ବ୍ୟବଧାନରେ କୁଚିଆ ମଦ ବେପାରୀଙ୍କ ଉପରେ ଚଢ଼ାଉ କରି କେତେକଙ୍କୁ କୋର୍ଟ ଚାଲାଣ ମଧ୍ୟ କରିଥିଲେ | ତେବେ କିଛି ସମୟ ପାଇଁ କୁଚିଆ ଚୋରା ମଦ କାରବାରରେ ବ୍ରେକ ଲାଗିବା ପରେ ଏଵେ ପୂଣି ବିକ୍ରି ବଢ଼ିବାରେ ଲାଗିଲାଣି | ତେବେ ଏ ଅଭିଯାନରେ ସାମିଲ ହୋଇଥିବା ଶତାଧିକ ମହିଳାଙ୍କ ମଧ୍ୟରୁ ଅନେକଙ୍କୁ ଉକ୍ତ ଅସାଧୁ କୁଚିଆ ମଦ ବ୍ୟବସାୟୀ ମାନେ ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହ ନାନା କିସମରେ ହଇରାଣ କରୁଥିବା ନେଇ ଅଭିଯୋଗ ମଧ୍ୟ ଆସୁଛି | ରାମପୁର କେନାଲଖଣ୍ଡି ପଡା ନିବାସୀ ହେମବତୀ ଜଗଦଳାଙ୍କ ଏଜବେଷ୍ଟସ ଘର ଉପରକୁ ବିଳମ୍ବିତ ରାତିରେ ଉକ୍ତ ପଡ଼ାର କେତେକ କୁଚିଆ ମଦ ବେପାରୀ ପଥର ଫିଙ୍ଗି ଭାଙ୍ଗିଥିବା ବେଳେ ଅଶ୍ଳୀଳ ଭାଷାରେ ଗାଳି ଗୁଲଜ କରି ଧମକଉ ଥିବା ନେଇ ରାମପୁର ଥାନାରେ ଲିଖିତ ଅଭିଯୋଗ କରିଥିବା ସୂଚନା ମିଳିଛି | ହେମବତୀଙ୍କ ଅଭିଯୋଗ ମୁତାବକ ଉକ୍ତ ପଡାର କେତେକ ଯୁବକ କୁଚିଆ ମଦ ବିକୁଥିବା ବେଳେ ସେସମୟରେ ମହିଳା ମାନେ ବାରଣ କରିଥିଲେ ଫଳରେ ଉକ୍ତ ଅସାଧୁ ମଦ ବ୍ୟବସାୟୀ ମାନେ ପ୍ରତିଶୋଧ ପାରାୟଣ ହୋଇ ହେମବତୀଙ୍କୁ ମାନସିକ ନିର୍ଯ୍ୟାତନା ଦେବା ସହ ନାନା କିସମରେ ହଇରାଣ କରୁଛନ୍ତି ବୋଲି ଅଭିଯୋଗ କରିଛନ୍ତି | ହେମବତୀଙ୍କ ପରିବାରରେ କେହିନଥିବା ଏବଂ ସେ ଏକୁଟିଆ ରହୁଥିବା ବେଳେ ତାଙ୍କ ଜୀବନପ୍ରତି ବିପଦ ବା ଅନ୍ୟ କିଛି ଅଘଟଣ ଆଶଙ୍କା କରି ହେମବତୀ  ଅନ୍ୟ ଏକ ପଡୋଶୀ ଘରେ ଯାଇ ରହୁଥିବା ନେଇ ସୂଚନା ଦେଇଥିବା ବେଳେ ଏନେଇ ବାରମ୍ବାର ରାମପୁର ପୋଲିସ ପାଖରେ ଅଭିଯୋଗ କଳା ପରେ ମଧ୍ୟ ଅସାଧୁ ମଦ ବ୍ୟବସାୟୀ ମାନଙ୍କୁ ପୋଲିସ ଦମନ କରିପାରୁନାହିଁ ବୋଲି କ୍ଷୋଭ ପ୍ରକାଶ କରିଛନ୍ତି | ତାଙ୍କ ଏଜବେଷ୍ଟସ ଘର ଉପରକୁ ପଥର ଫିଙ୍ଗିବା ସହ ଘରୁ ଟଙ୍କା ଗହଣା ଚୋରି କରିନେଇଥିବା ମଧ୍ୟ ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି | ତେବେ ଯଦି ରାମପୁର ପୋଲିସ ଉକ୍ତ ସମସ୍ୟର ସମାଧାନ କରି ନାପରିବ ତେବେ ସେ ଜିଲ୍ଲା ଆରକ୍ଷୀ ଅଧିକ୍ଷକ, ଜିଲ୍ଲାପାଲ ଏମିତିକି ମହିଳା କମିସନଙ୍କ ନିକଟକୁ ଜିବି ଏବଂ ନ୍ୟାୟ ମାଗିବି ବୋଲି ସୂଚନା ଦେଇଛନ୍ତି |