16-Feb-2026

ବଲାଙ୍ଗୀର(ପ୍ରେରଣା ଖବର): ସ୍ଥାନୀୟ ସରକାରୀ ମହିଳା ମହାବିଦ୍ୟାଳୟ, ବଲାଙ୍ଗିର ପରିସରରେ ‘ଆତ୍ମସୁରକ୍ଷା  ତାଲିମ ଶିବିର’ ଉଦ୍‌ଯାପିତ ହୋଇଯାଇଛି I ଓଡିଶା ସରକାରଙ୍କ ଉଚ୍ଚଶିକ୍ଷା ବିଭାଗଙ୍କ ନିର୍ଦ୍ଦେଶ କ୍ରମେ  ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏବଂ ଆତ୍ମସୁରକ୍ଷା ତାଲିମ ଶିବିରର ସଂଯୋଜିକା ଡ଼ଃ ଅର୍ପିତା ବେହେରାଙ୍କ ଆହ୍ୱାନକ୍ରମେ ତା-୦୪/୦୨/୨୦୨୬ ରୁ ତା- ୧୪/୦୨/୨୦୨୬ ରିଖ ପର୍ଯ୍ୟନ୍ତ ଏହି ଶିବିର ଅନୁଷ୍ଠିତ ହୋଇଥିଲା I ଏଥିରେ ମୋଟ ୫ ଜଣ ତାଲିମ ପ୍ରଦାନକାରିଣୀ ଯଥା ଯଶୋବନ୍ତୀ ବେହେରା, ସସ୍ମିତାରାଣୀ ମିଶ୍ର, ସୁଶୀଳା ବିଶ୍ୱାଳ, ସ୍ନେହଲତା ପାଣ୍ଡେ ଓ କମଳିନୀ ମହାଲିଙ୍ଗ) ଦୁଇଟି ପର୍ଯ୍ୟାୟରେ ( ସକାଳ ଘ.୭.୩୦-୮.୩୦ ଏବଂ ୮.୩୦-୯.୩୦) ମୋଟ ୫୮୧ ଜଣ ଛାତ୍ରୀଙ୍କୁ ଅତ୍ୟନ୍ତ ସୁନ୍ଦର ଭାବରେ ତାଲିମ ପ୍ରଦାନ କରିଥିଲେ I ଏହି ଶିବିରର ଉଦ୍‌ଯାପନୀ ଉତ୍ସବ ତା-୧୪/୦୨/୨୦୨୬ ରେ ଅନୁଷ୍ଠିତ ହୋଇଥିଲା I ଏଥିରେ ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝା ସଭାପତିତ୍ବ କରିଥିବା ବେଳେ ସଂଯୋଜିକା ଡ଼ଃ ଅର୍ପିତା ବେହେରା ସ୍ୱାଗତ ଭାଷଣ ପ୍ରଦାନ କରି ଥିଲେ I ଏ ଅବକାଶରେ ଡ଼ଃ ସଦାଶିବ ମଲ୍ଲିକ, ବିଭୁତି ଭୂଷଣ ସାହୁ, ଅଜିତ କୁମାର ପଣ୍ଡା ପ୍ରମୁଖ ଉପସ୍ଥିତ  ରହିଥିଲେ I  ତାଲିମ ପ୍ରାପ୍ତ ସମସ୍ତ ଛାତ୍ରୀମାନଙ୍କୁ ସାର୍ଟିଫିକେଟ ମଧ୍ୟ ପ୍ରଦାନ କରାଯାଇଥିଲା I ଶେଷରେ ମହାବିଦ୍ୟାଳୟର କ୍ରୀଡ଼ା ଶିକ୍ଷକ ଉପେନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ I ଉକ୍ତ ଶିବିରରେ ସମସ୍ତ ଅଧ୍ଯାପକ, ଅଧ୍ୟାପିକା ତଥା କର୍ମଚାରୀମାନେ ସହଯୋଗ କରିଥିଲେ ।