26-Jan-2026

କାଲିମେଳା(ସନ୍ତୋଷ କୁମାର ପଣ୍ଡା):ଯୌତୁକ ନିର୍ଯ୍ୟାତନା ଅଭିଯୋଗ ରେ ସ୍ୱାମୀ ଗିରଫ l ଗିରଫ ଅଭିଯୁକ୍ତ ସ୍ୱାମୀ ଜଣଙ୍କ ହେଲେ ସଞ୍ଜୟ ମଣ୍ଡଳ l କାଲିମେଳା ବ୍ଲକ  ଏମଭି -୮୦ ଗ୍ରାମର ଅମିୟ ମଣ୍ଡଳଙ୍କ ଝିଅ ସପ୍ତା ମଣ୍ଡଳଙ୍କୁ ତାଙ୍କ ସ୍ବାମୀ, ଶାଶୁ, ଈଶୁର ଓ ନଣନ୍ଦ ଯୌତୁକ ନିର୍ଯାତନା ଦେଇ ଆସୁଥିବା ସପ୍ତା ଙ୍କ ମା ଦୀପାଳି ମଣ୍ଡଳ କାଲିମେଳା ଥାନାରେ ଲିଖିତ ଦେବା ପରେ ପୋଲିସ ତତ୍ପର ହୋଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଦେଇଥିଲା l ଆଜି ଅଭିଯୁକ୍ତ ସ୍ୱାମୀ ସଞ୍ଜୟ ମଣ୍ଡଳ ଙ୍କୁ ଗିରଫ କରି କୋର୍ଟ ଚାଲାଣ କରିଛି l ସୂଚନା ଅନୁଯାୟୀ, ଦୁଇ ବର୍ଷ ପୂର୍ବେ ଏମ୍‌ପିଭି -୫୨ ଗ୍ରାମର ଶଶୀଭୂଷଣ ମଣ୍ଡଳଙ୍କ ପୁଅ ସଞ୍ଜୟ ମଣ୍ଡଳ ଏମଭି - ୮୦ ଗ୍ରାମର ସପ୍ତା ମଣ୍ଡଳଙ୍କୁ ବୈଦେକ ରୀତିରେ ବିବାହ କରିଥିଲେ | ସେମାନଙ୍କର ଏକ କନ୍ୟା ସନ୍ତାନ ମଧ୍ୟ ରହିଛି। ତେବେ ବାହାଘର ବେଳକୁ ଶଶୁର ଘର ପକ୍ଷରୁ କୌଣସି ଦାବି କରି ନଥିଲେ l କିଛି ମାସ ବିତିଯିବା ପରେ ବେଳେ ବେଳେ ଗଣ୍ଡଗୋଳ ଝଗଡା ଲାଗି ରହିଥିଲା ମାନସିକ ଏବଂ ଶାରୀରିକ ଯନ୍ତ୍ରଣା ବଢ଼ି ଚାଲିଲା.ଏଥି ମଧ୍ଯରେ ଶାଶୁଘର ଲୋକେ ଅଧିକା ଯୌତୁକ ଦାବି କରି ସପ୍ତାଙ୍କୁ ମାନସିକ ଓ ଶାରୀରିକ ନିର୍ଯ୍ୟାତନା ଅଧିକ ଦେବା ସହ ଜୀବନରୁ ମାରିଦେବାକୁ ଉଦ୍ୟମ କରିଥିଲେ I କୌଶଳ କ୍ରମେ ଜୀବନ ବଞ୍ଚାଇ ସେମାନଙ୍କ କବଳରୁ ଖସିଆସି ବାପ ଘରକୁ ଖବର ଦେଇଥିଲେ | ଖବର ପାଇଁ ବାପ ଘର ଲୋକେ ଝିଅକୁ ଉଦ୍ଧାର କରି କାଲିମେଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରାଇ ଥିଲେ | ସପ୍ତା ଙ୍କ ମାଆ ଏନେଇ ପୁଲିସର ଦ୍ବାରସ୍ଥ ହୋଇଥିଲେ। ଅଭିଯୋଗକୁ ଆଧାର ରେ କାଲିମେଳା ଥାନାରେ କେସ ନମ୍ବର ୧୭/୨୬ ରେ ମାମଲା ରୁଜୁ କରାଯାଇଅଭିଯୁକ୍ତ ଙ୍କୁ ଗିରଫ କରାଯାଇ ଆଜି କୋର୍ଟ ଚାଲାଣ କରାଯାଇଛି l ଏହାର ଅଧିକ ତଦନ୍ତ ତଦନ୍ତ ଜାରି ରହିଥ‌ିବା ଥାନା ପକ୍ଷରୁ ଜଣା ଯାଇଛି l