28-Nov-2025

ସିନାପାଲି ( ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଖରସେଲ ଗ୍ରାମପଂଚାୟତ ପରିସର ଭୁକ୍ତ ରାଣୀଡ଼ଙ୍ଗରି ଗ୍ରାମର ଜନ୍ମିତ ଶିକ୍ଷକ ସ୍ବର୍ଗତ ଜଗନ୍ନାଥ ନାଗଙ୍କ ଦଶାହ କର୍ମ ଦିବସରେ ତାଙ୍କ ସ୍ମୃତିରେ ଏକ ସ୍ମୃତିସଭା ତାଙ୍କ ପୁତ୍ର ଶ୍ରୀମାନ ସୌରଭ ନାଗଙ୍କ ବାସଭବନରେ ଅନୁଷ୍ଠିତ ହୋଇଯାଇଛି l  ଶିକ୍ଷାବିତ ଶ୍ରୀଯୁକ୍ତ ସତ୍ୟବ୍ରତ ଗହୀରଙ୍କ ସଭାପତିତ୍ୱ ରେ ଆୟୋଜିତ ସଭାରେ ବରିଷ୍ଠ ଗାୟତ୍ରୀପରିଜନ ଶ୍ରୀଯୁକ୍ତ ଜୟରାମ ଜାଲ, କ୍ଷମା ଧର ନିଆଲ,ସମାଜ ସେବୀ ଲଛମନ ବଞ୍ଜରା,ଟିମନପୁର ଉଚ୍ଚ ବିଦ୍ୟାଳୟ ର ପୂର୍ବତନ ପ୍ରଧାନ ଶିକ୍ଷକ ରାଜାରାମ କଟା,ଶିକ୍ଷକ ଅଶୋକ ସା,ନୂଆପଡା ଜିଲ୍ଲା ଯାଦବ ସମାଜର ସହ ସମ୍ପାଦକ ଵିଷ୍ଣୁପତି ବାଗ,ଦିଗାମ୍ବର ବାଗ, କୁମ୍ଭ ବାଗ, ଲଛମନ କାଣ୍ଡ,ଲକ୍ଷ୍ମଣ ପୋଡ଼ ପ୍ରମୁଖ ଅତିଥି ଯୋଗ ଦେଇ ସ୍ବର୍ଗତ ଶିକ୍ଷକ ଜଗନ୍ନାଥ ନାଗ ଙ୍କ ସରଳତା, ନମ୍ରତା,ଭକ୍ତି ପରାୟଣା,ଛାତ୍ର ବତ୍ସଳତା,ଗୁଣ ଓ ନିରହଂକାର ଆଦି ଗୁଣର ସ୍ମୃତି ଚାରଣ କରିବା ସହ ଶୋକସନ୍ତପ ପରିବାରଙ୍କୁ ସମବେଦନା ଜଣାଇଥିଲେ l ସଭା ପ୍ରାରମ୍ଭରେ ସ୍ବର୍ଗତ ନାଗଙ୍କ ଫଟୋ ଚିତ୍ର ଉପରେ ବନ୍ଧୁ ବାନ୍ଧବ ଗଣ ଦ୍ୱାରା ମାଲ୍ୟାର୍ପଣ ଏବଂ ସିନ୍ଦୁର,ଚନ୍ଦନ ଦୀପ ଲଗାଇ ସମ୍ମାନ ଦେବା ସହ ଏକ ମିନିଟ ପାଇଁ ତାଙ୍କ ଆତ୍ମାର ଶାନ୍ତି ଓ ସଦଗତି କାମନାକରି ନିରବ ପ୍ରାର୍ଥନା କରାଯାଇଥିଲା  l ଏହି ସଭାରେ ଟିମନପୁର  ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ପ୍ରଦୀପ ପଣ୍ଡା,ନୀଳାଦ୍ରି ବିହାରୀ ସୁପକାର,ଟଙ୍କଧର ବନ୍ଦୀଛୋର,ବନମାଳୀ ବେମାଲ,ଦୈତାରୀ ହଂସ, ତାଙ୍କ ବନ୍ଧୁ ବାନ୍ଧବ,ସଖା ମୈତ୍ର,ଗ୍ରାମର ସାମାଜିକ ବ୍ୟକ୍ତି, ସ୍ବର୍ଗତ ନାଗଙ୍କ ତିନି ଭାଇ ଏକ ମାତ୍ର ପୁତ୍ର ସୌରଭ ଓ ଅନ୍ୟାନ୍ୟ ପରିବାର ବର୍ଗ  ଉପସ୍ଥିତ ଥିଲେ  l