27-Nov-2025

ବଲାଙ୍ଗିର(ପ୍ରେରଣା ଖବର): ରାଜ୍ୟ ଆଇନ ସେବା ପ୍ରାଧିକରଣ ର ନିର୍ଦ୍ଦେଶ କ୍ରମେ ତଥା ଜିଲ୍ଲା ଆଇନ ସେବା ପ୍ରାଧିକରଣର ଅଧ୍ୟକ୍ଷ ଙ୍କ ଅନୁମତି କ୍ରମେ ବଲାଙ୍ଗିର ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ଯୁଧିଷ୍ଠିର ମିଶ୍ର ଆଇନ ମହାବିଦ୍ୟାଳୟ, ବଲାଙ୍ଗିର ଠାରେ ସମ୍ବିଧାନ ଦିବସ ପାଳିତ ହୋଇଯାଇଅଛି । ଏହି ଶିବିରରେ ଜଜ୍ ଫ୍ୟାମିଲି କୋଟ ଶ୍ରୀଯୁକ୍ତ ବିକ୍ରମ କେଶରି ପଟ୍ଟନାୟକ ଯୋଗ ଦେଇ ସମ୍ବିଧାନ ଦିବସର ମହତ୍ୱ ଓ ଗୁରୁତ୍ଵ ଉପରେ ଆଲୋକପାତ କରିଥିଲେ । ଏଥିରେ ବରିଷ୍ଠ ଆଇନଜୀବୀ  ଜୟକୃଷ୍ଣ ସାହୁ ଯୋଗଦେଇ ସମ୍ବିଧାନର ପ୍ରଣୟନ କମିଟି ଉପରେ ଆଲୋକପାତ କରିଥିଲେ । ଏଥିରେ ଜିଲ୍ଲା ଆଇନ ସେବା ପ୍ରାଧିକରଣର ସଚିବ ପବିତ୍ରାନନ୍ଦ ପ୍ରଧାନ ସମ୍ବିଧାନର ଦାୟିତ୍ୱବୋଧତା ଓ ନୀତି ପାଳନ କରିବା ସହିତ ଏହି ଦିବସର ଇତିହାସ ଓ ସୁସ୍ଥ ସମାଜ ଗଠନରେ ଏହାର ଭୂମିକା ଉପରେ ଅବଗତ କରାଇଥିଲେ । ଏହି ସଭାରେ ପ୍ରୋବେସନର ମାଜିଷ୍ଟ୍ରେଟ ରାଜଶ୍ରୀ ପ୍ରିୟଦର୍ଶିନୀ ସମ୍ବିଧାନର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମକୁ ମହାବିଦ୍ୟାଳୟର ଅଧ୍ୟକ୍ଷ  ସଂଜୀବ ପ୍ରଧାନ ପରିଚାଳନା କରୁଥିଲେ ଓ ଅଧ୍ୟାପକ ଶ୍ରୀଯୁକ୍ତ ଚଣ୍ଡିପ୍ରସାଦ ଖମାରୀ ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଛାତ୍ରଛାତ୍ରୀମାନେ ତ‌ଥା କର୍ମକର୍ତ୍ତା ପ୍ରମୁଖ ଯୋଗ ଦେଇଥିଲେ ।